នគរបាល​ខណ្ឌឫស្សីកែវ បង្ក្រាបបាន​២​ករណី​ឃាត់​ជនសង្ស័យ​៣​នាក់ និង​ថ្នាំញៀន​សម្ភារៈ​មួយចំនួន​

440

(​ភ្នំពេញ​): ក្រោយពី​បើក​ការស្រាវជ្រាវ​កំលាំង​ជំនាញ​ខណ្ឌ​ប៉ុស្តិ៍​ឫស្សីកែវ​បាន​ចុះ​ធ្វើការ​បង្ក្រាប​ជាក់ស្តែង​ករណី​រក្សាទុក​ដោយ​ខុសច្បាប់ នូវ​សារធាតុ​ញៀន​និង​កាន់កាប់​អាវុធ​ខុសច្បាប់ ចំនួន​២​ករណី ដែល​បាន​ឃាត់​ជនសង្ស័យ​៣​នាក់ និង​ថ្នាំញៀន​សម្ភារៈ​មួយចំនួន ។​

​លោក​ទៀង ច័ន្ទ​សារ អធិការ​ខណ្ឌ​ឬ​ស្សី​កែវ​បាន​ឲ្យ​ដឹង​ព្រឹក​ថ្ងៃទី​២៨​កញ្ញា​នេះ​ថា កាលពី​ល្ងាច​ថ្ងៃទី​២៧ ខែកញ្ញា ឆ្នាំ​២០១៧ កម្លាំង​យើង​ចុះ​ធ្វើការ​បង្ក្រាប​ជាក់ស្តែង​ករណី​ជួញដូរ​ដោយ​ខុសច្បាប់​នូវ​សារធាតុ​ញៀន ត្រង់ចំណុច​សំណង់​មិន​រៀបរយ ផ្លូវ​បេតុង ក្រុម​៤ ភូមិ​ឡ​កំបោរ សង្កាត់​ស្វាយប៉ាក ។​ជា​លទ្ធផល​ក្នុង​កិច្ចប្រតិបត្តិការ​ណ៍​នេះ​កំលាំង យើង​បាន​ឃាត់ខ្លួន​ជនសង្ស័យ​ចំនួន​០១​នាក់ ឈ្មោះ ង្វៀង យ៉ាំង​ធី​ក ភេទ​ប្រុស អាយុ​៣៤​ឆ្នាំ​ជនជាតិ​វៀតណាម មាន​ទីលំនៅ​ស្នាក់នៅ​មិ​ពិតប្រាកដ ក្រុមទី​៤ ភូមិ​ឡ​កំបោរ សង្កាត់​ស្វាយប៉ាក មុខរបរ​មិន​ពិតប្រាកដ​(​ជួញដូរ​)​។​
សំភារៈ​ដកហូត​មាន
១/​ក្រាម​ពណ៌​ស​ថ្លា​ចំនួន​០២​កញ្ចប់​តូច មួយចំនួនធំ​ទៀត​ត្រូវ​ជនសង្ស័យ​បាន​បោះចោល​បាត់​ក្នុង​ទឹក​។​
២/​ដែកកេះ​និង​កញ្ចប់​បា​រិ​ចំនួន​០១​។​

​អធិការ​រូបនេះ​បន្ថែមថា ចំណែក​នៅ​យប់​រំលង​អា​ធ្រា​ត្រ​ថ្ងៃទី​២៨ ខែកញ្ញា ឆ្នាំ​២០១៧ កម្លាំង​យើង​បាន​ចុះ​ធ្វើការ​បង្ក្រាប​ជាក់ស្តែង​ករណី​រក្សាទុក​ដោយ​ខុសច្បាប់​នូវ​សារធាតុ​ញៀន​និង​កាន់កាប់​អាវុធ​ខុសច្បាប់ ត្រង់ចំណុច ផ្លូវ​បេតុង ក្រុម​០៩ ភូមិ​បឹង​សាឡាង សង្កាត់​ឬ​ស្សី​កែវ ។ ជា​លទ្ធផល​ក្នុង​កិច្ចប្រតិបត្តិការ​ណ៍​នេះ​កំលាំង យើង​បាន​ឃាត់ខ្លួន​ជនសង្ស័យ​ចំនួន​០២​នាក់ ១/​ឈ្មោះ ឈិន មករា ភេទ​ប្រុស អាយុ​២៤​ឆ្នាំ​ជនជាតិខ្មែរ មាន​ទីលំនៅ​ស្នាក់នៅ ក្រុមទី​០៩ ភូមិ​បឹង​សាឡាង សង្កាត់​ឫស្សីកែវ មុខ​បើកបរ​រថយន្ត​។​
២/​ឈ្មោះ​ពេ​ជ សុរា​ជ្រ ភេទ​ប្រុស អាយុ​២៨​ឆ្នាំ​
​មាន​ទីលំនៅ​ផ្ទ្ះ​លេខ ផ្លូវ​បេតុង ក្រុមទី​០៩ ភូមិ​បឹង​សាឡាង សង្កាត់​ឫស្សីកែវ មុខរបរ​នៅផ្ទះ​
-​សំភារៈ​ដកហូត​មាន​÷
១/​ក្រាម​ពណ៌​ស​ថ្លា​ចំនួន​០២​កញ្ចប់​តូច ។​
២/​ដែកកេះ​ចំនួន​០១​។​
៣/​ដាវ​កែឆ្នៃ​ចំនួន​០១​។​
៤/​ដំបង​ឬ​ស្សី​ពីងពង់​ចំនួន​០១​កំណាត់​។​

​ប​ច្ច​ប្បន្ន​កំលាំង​ជំនាញ​ខណ្ឌ ប៉ុ​សិ៍្ត កំពុង​បន្ត​ការស្រាវជ្រាវ​រក​បក្ខពួក​និង​កសាង​សំណុំរឿង​ជនសង្ស័យ​ទាំងបី​នាក់ ដើម្បី​បញ្ជូនទៅ​សាលាដំបូង​រាជធានី​ភ្នំពេញ​អនុវត្តតាម​នីតិវិធី​៕L ដោយ​៖ សាវ​រក្ស​