នារី​ម្នាក់​បាន​លង់ទឹក​ស្លាប់​ទាំង​អាក្រាតកាយ នៅ​ខណ្ឌ​ព្រែក​ព្នៅ​

275
ចែករម្លែក

ដោយ:​ចាន់តូ​/​ភ្នំពេញ ៖ យុវតី​ម្នាក់​បាន​លង់ទឹក​ស្លាប់ បន្ទាប់ពី​លិច​ទូក​នៅក្នុង​បឹង​មួយកន្លែង និងយុវជន​២​នាក់​ទៀត​បាន​ហែល​រួច បាន​ទៅប្រាប់​គេឯង បង្ក​ឲ្យ​មានការ​ភ្ញាក់ផ្អើល​នៅវេលា​ម៉ោង​៤​និង​៤០​នាទី​ល្ងាច ថ្ងៃ​អង្គារ ទី​៨ ខែតុលា ឆ្នាំ​២០១៩ ត្រង់ចំណុច​ក្នុង​បឹង​កន្លែង​ដាក់​បែ​​ត្រី ក្នុងភូមិ​តាគរ សង្កាត់សំរោង​កណ្តាល ខណ្ឌ​ព្រែក​ភ្នៅ រាជធានីភ្នំពេញ​។​

សព​ជនរងគ្រោះ​មានឈ្មោះ ពេជ្រ លាង​ហេង អាយុ​១៧​ឆ្នាំ មុខរបរ​នៅផ្ទះ មាន​ទីលំនៅ​បច្ចុប្បន្ន ភូមិ​ក្រោលគោ សង្កាត់​គីឡូម៉ែត្រ​លេខ​៦ ខណ្ឌឫស្សីកែវ រាជធានី​ភ្នំពេញ​។​

​យោងតាម​ប្រភពពី​កន្លែងកើតហេតុ​បាន​ឲ្យ​ដឹងថា ​ដំបូង​ឡើយ​គេ​ឃើញ​មាន​មនុស្ស​ប្រុស​២​នាក់ និងស្រី​ម្នាក់​បាននាំគ្នា​ជិះទូក លេង​តាម​ទឹក​បឹង​ខាងលើ​បាន​មួយសន្ទុះ​ក៏​លិច​ទូក​ចូលទៅក្នុង​ទឹក​បាត់​ដោយ​មិនដឹង​មូលហេតុ​។

ខ​ណៈ​ពេលនោះ​ក៏​ឃើញ​មនុស្ស​ប្រុស​២​នាក់​ដែល​ជិះទូក​ជាមួយ​បាន​ហែល​ទឹក​មកដល់​គោក តែ​មិនឃើញ​នារី​រងគ្រោះ​ខាងលើ​ហែល​មក ក៏​ស្រែកប្រាប់​គេឯង បង្ក​ការភ្ញាក់​ផ្អើល​ដល់​ប្រជាពលរដ្ឋ និងសមត្ថកិច្ច​ចុះមក​ជួយ​អន្តរា​គម​ន៍រាវរក​យុវតី​ខាងលើ​មិនឃើញ បាន​ទាក់ទង​ទៅ​ក្រុមគ្រួសារ​ឲ្យ​មក​កន្លែងកើតហេតុ​ជួយ​រុករក​។ រហូតដល់​ម៉ោង​៥​ជាង​ល្ងាច​នៅ​ថ្ងៃខែ​ឆ្នាំ​ដដែល​ទើប​ឃើញ​សាកសព​ទាំង​អាក្រា​ត​កាយ​។ ក្រុមគ្រួសារ​ដោយ​ឃើញបែបនេះ​សង្ស័យ​គេ​រំលោភ​សម្លាប់​ ក៏​នាំគ្នា​យកទៅ​ម​ណ្ឌ​លសុខភាព​ឫស្សី​កែវ ​ដើម្បី​ឲ្យ​លោកគ្រូ​អ្នកគ្រូ​ពេទ្យ​ពិនិត្យមើល​។​

​ក្រោយមក​ខាង​មន្ទី​រពេទ្យ​បាន​ប្រាប់ថា​ នារី​រងគ្រោះ​ដែល​ស្លាប់បាត់​បង់ជីវិត​ដោយសារ​លង់ទឹក​ស្លាប់​ ។ទោះជា​យ៉ាងណា​ខាង​សមត្ថកិច្ច​នៅ​បន្ត​ស្រាវជ្រាវ​បន្ថែមទៀត ។ ចំណែក​សាកសព​ត្រូវបាន​ក្រុមគ្រួសារ​យកទៅ​តម្កល់​នៅ​វត្ត​ទួល​អស់លោក​ ដើម្បី​ធ្វើបុណ្យ​តាម​ប្រពៃណី​៕​B/Ha