បង្ក្រាប​ជាក់ស្តែង​ឃាត់​វៀតណាម​២​នាក់ ករណី​ជួញដូរ​នូវ​សារធាតុ​ញៀន​

735
ចែករម្លែក

​ដោយ : សាវ​រក្ស​/​ភ្នំពេញ : ក្រោយពី​បើក​ការស្រាវជ្រាវ​កំលាំង​ជំនាញ​ខណ្ឌ ប៉ុស្តិ៍ បាន​ចុះ​ធ្វើការ​បង្ក្រាប​ជាក់ស្តែង ឃាត់​វៀតណាម​២​នាក់ ករណី​ជួញដូរ​នូវ​សារធាតុ​ញៀន ត្រង់ចំណុច​សំណង់​មិន​រៀបរយ ក្រុម​៧ ភូមិ​លូ សង្កាត់​ស្វាយប៉ាក ខណ្ឌ​ឬ​ស្សី​កែវ កាលពី​វេលា​ម៉ោង​៥​ល្ងាច​ថ្ងៃទី​២៣ ខែសីហា ឆ្នាំ​២០១៨ ។

​ជា​លទ្ធផល​ក្នុង​កិច្ចប្រតិបត្តិការ​ណ៍​នេះ កំលាំង​សមត្ថកិច្ច​បានធ្វើ​ការឃាត់​ខ្លួន​ជនសង្ស័យ​ចំនួន​២​នាក់​មាន​៖ ១/​ឈ្មោះ ផាម យ៉ាំង លិ​ន ភេទ​ប្រុស អាយុ​២០​ឆ្នាំ ជនជាតិ​វៀតណាម ស្នាក់​នៅផ្ទះ​គ្មាន​លេខ ផ្លូវលំ ក្រុម​៧ ភូមិ​លូ សង្កាត់​ស្វាយប៉ាក​(​ជួញដូរ​) និង​២/​ឈ្មោះ ចាំង យ៉ាំង ឡូ​ម ភេទ​ប្រុស អាយុ​៤៨​ឆ្នាំ ជនជាតិ​វៀតណាម ស្នាក់​នៅផ្ទះ​គ្មាន​លេខ ក្រុម​៧ ភូមិ​លូ សង្កាត់​ស្វាយប៉ាក មុខរបរ​មិន​ពិត​(​ជួញដូរ​) ។ ដកហូត​វត្ថុតាង​រួមមាន ៖ ១/​ក្រាម​ពណ៌​ស​ថ្លា​ចំនួន ១៤​កញ្ចប់ ។ ២/​ថង់​សំរាប់​វិច​ខ្ចប់​គ្រឿងញៀន​មួយចំនួន​។ ៣/​ឧបករណ៍ប្រើប្រាស់​គ្រឿងញៀន​មួយចំនួន​។​

​ចំពោះមុខ កំលាំង​ជំនាញ​ខណ្ឌ ប៉ុ​សិ៍ត កំពុង​បន្ត​ការស្រាវជ្រាវ​រក​បក្ខពួក និង​កសាង​សំណុំរឿង ដើម្បី​បញ្ជូនទៅ​សាលាដំបូង​រាជធានី​ភ្នំពេញ អនុវត្តតាម​នីតិវិធី ៕​B