បច្ចេកទេស​ថ្មី​ទើប​រកឃើញ​អាច​លុបបំបាត់​មូស​ខ្លា​នៅក្នុង​ការសាកល្បង​នៅ​ចិន​

522
ចែករម្លែក

យោងតាម​ការស្រាវជ្រាវ​មួយ ចេញផ្សាយ​កាលពី​ថ្ងៃ​ព្រហស្បតិ៍ ទី​១៨ កក្កដា បានឱ្យដឹងថា បច្ចេកទេស​ថ្មី​ទើប​រកឃើញ ដែល​យក​វិធីសាស្ត្រ​ពីរ​មក​ប្រើ​ដើម្បី​កម្ចាត់​មូស​ចម្លងជំងឺ អាច​កម្ចាត់​ពពួក​មូស​ខាំ​យ៉ាង​មាន​ប្រសិទ្ធភាព​នៅ​ទីតាំង​សាកល្បង​ចំនួន​ពីរ​កន្លែង​នៅក្នុង​ប្រទេស​ចិន​។​

​សត្វ​មូស​គោលដៅ​ទាំងនោះ​គឺជា​ប្រភេទ​មូស​ពិបាក​ក្នុងការ​គ្រប់គ្រង​ហៅថា Aedes Albopictus ដែល​និយម​ហៅ​បំផុត​នៅ​អា​ស៊ីថា “​មូស​ខ្លា​” ជា​ភ្នាក់ងារចម្លងមេរោគ​ដ៏​សំខាន់ ដូចជា​ជំងឺ​ហ្សី​កា​និង​ជំងឺគ្រុនឈាម​។​

​លោក ភី​ត​ធឺ អា​ព្រូ​ស្ទើ (Peter Armbruster) សាស្ត្រាចារ្យ​នៅ​សាកលវិទ្យាល័យ​ច​ច​ថោ​ន បាន​និយាយថា ការសិក្សា​នេះ “​បង្ហាញ​ពី​សក្តានុពល​នៃ​ឧបករណ៍​ថ្មី​ដ៏​ខ្លាំងក្លា​”​។​

​ក្រុម​អ្នកស្រាវជ្រាវ​បាន​ប្រើប្រាស់​វិធីសាស្ត្រ​ត្រួតពិនិត្យ​ពេញនិយម​ចំនួន​ពីរ គឺ ការប្រើប្រាស់​វិទ្យុសកម្ម ដែល​សម្លាប់​មូស​យ៉ាង​មាន​ប្រសិទ្ធភាព និង បាក់តេរី​ឈ្មោះ Wolbachia ដែល​ធ្វើឱ្យ​ស៊ុត​របស់​មូស​ងាប់​នៅពេល​បង្កាត់​ពូជ​។​

​ពួកគេ​បានធ្វើការ​សាកល្បង​ពីរ​ឆ្នាំ​នៅ​តំបន់​ពីរ​នៅលើ​កោះ​មួយ​នៅ​ទន្លេ​ខេត្ត​ក្វាង​ចូ​វ កន្លែង​ដែល​មូស​ខ្លា​អាស៊ី​ត្រូវ​ស្តីបន្ទោស​ចំពោះ​អត្រា​ឆ្លង​ជំងឺគ្រុនឈាម​ខ្ពស់បំផុត​នៅ​ប្រទេស​ចិន​៕ ដោយ៖ កញ្ញាដាលីស

មូស​ខ្លា​ជា​ប្រភព​នៃ​ការចម្លង​មេរោគ​ហ្ស៊ី​កា និង​ជំងឺគ្រុនឈាម