បញ្ហា​ដោះស្រាយបាន​និង​បញ្ហា​ប្រឈម​ដែល​ដោះស្រាយ​មិនទាន់បាន​ក្នុង​វេទិការ​ពិគ្រោះ​យោបល់​នៅ​ក្រុង​សិរីសោភ័ណ​

149
ចែករម្លែក

ដោយ:ភ្នំ​ស្វាយ/បន្ទាយមានជ័យ ៖ បញ្ហា​ដោះស្រាយបាន​និង​បញ្ហា​ប្រឈម​ដែល​ដោះស្រាយ​មិនទាន់បាន​ក្នុង​វេទិការ​ពិគ្រោះ​យោបល់​ និង​ការចុះ​ប្រាស្រ័យ​ដោយផ្ទាល់​ជាមួយ​ប្រជាពលរដ្ឋ​នៅ​ក្រុង​សិរីសោភ័ណ​កាលពី​ថ្ងៃទី​២២ ខែកក្កដា ឆ្នាំ​២០១៩ ។​

អ្នករៀបចំឲ្យដឹងថា គោលបំណង​នៃ​វេទិកា​សារ​ធា​រណៈ​នេះ​គឺ​បានផ្ដល់ ១.​ព័ត៌មាន​ដល់​ប្រជាពលរដ្ឋ​អំពី​កម្មវិធី និង​យុទ្ធសាស្ត្រ​ដំណាក់កាល​ទី​៤ ផែនការ​យុទ្ធសាស្ត្រ​អភិវឌ្ឍន៍​ជាតិ​គោ​នយោបាយ និង​កម្មវិធី​កំណែទម្រង់​នានា​របស់​រាជរដ្ឋាភិបាល​សម្រាប់​នីតិកាល​ទី​៦​នៃ​រដ្ឋសភា ។​

២.​ដើម្បី​ចុះ​បំពេញបេសកកម្ម​តាម​មូលដ្ឋាន​ខេត្ត​របស់​មន្ត្រី​ក្រុមការងារ​ថ្នាក់ជាតិ​។

៣.​លើកកម្ពស់​ការដឹកនាំ សម្របសម្រួល​គាំទ្រ​ដល់​រដ្ឋបាល​ថ្នាក់ក្រោម​ជាតិ​ក្នុងការ​លើកកម្ពស់​ការ​ផ្ដល់​សេវា ការអភិវឌ្ឍន៍​មូលដ្ឋាន ការដោះស្រាយ​បញ្ហា​នានា​ដើម្បី​ប្រជាពលរដ្ឋ​នៅ​មូលដ្ឋាន​។​

៤.​បញ្ហា​ប្រឈម​ដែល​មិនអាច​ដោះស្រាយបាន​ដោយ​ក្រុមការងារ​ក្រោម​ជាតិ​ចុះ​មូលដ្ឋាន​ខេត្ត ត្រូវ​ជំរុញ​ឲ្យ​ក្រសួង ស្ថាប័ន​ពាក់ព័ន្ធ​ថ្នាក់លើ​ដោះស្រាយ ជាដើម ។​

ចំណែក​ប្រជាពលរដ្ឋ​បានលើកឡើង​អំពី​បញ្ហា​មួយចំនួន​ ដូចជា​បង្គោល​ភ្លើង​និង​ការតភ្ជាប់​ចរន្ត​អគ្គីសនី បញ្ហា​ទំនាស់​ដី​ភូមិ​៣ បញ្ហា​ទឹក​មិន​ស្អា​តនៃ​ក្រុមហ៊ុន​រោងចក្រ​ទឹកស្អាត​បន្ទាយមានជ័យ​និង​មិនទាន់​ចុះថ្លៃ​ដូច​អគ្គីសនី បញ្ហា​រំលោភ​យក​ដី​កំពុង​ទឹកស្ទឹង​និង​ដី​ចំណី​ស្ទឹង ផ្លូវ​ធ្វើ​ហើយ​ឥតមាន​ប្រព័ន្ធ​លូ និង​សុំ​ផ្លូវ​ថ្មីៗ …​ដែល​ដោះស្រាយ​មិនបាន ។​

បញ្ហា​សេវាសាធារណ​: បញ្ហា​បង់ពន្ធដារ​និង​សេវា​សុរិយោដី​យឺតយ៉ាវ​ហើយ​ស្មុ​គ្រ​ស្មាញ បញ្ហា​ភូមិ​ឃុំ​មាន​សុវត្ថិភាព និង​សំណូមពរ​ជួយ​រក​ទីផ្សារ​និង​លំនឹង​តម្លៃ​កសិផល​ជាដើម ដែល​ដោះស្រាយបាន​មួយចំនួនធំ នៅសល់​មួយចំនួន​តូច ។​ល​។​

លោក អ៊ុ រាត្រី អភិបាលខេត្ត បាន​មានប្រសាសន៍ថា​: រាជរដ្ឋាភិបាល​ដឹកនាំ​ដោយ​សម្តេច​តេ​ជោ​ហ៊ុន សែន មា​យក​រដ្ឋ​ម​ន្ត្រូ​ី​ក្នុង​នីតិកាល​ទី​៦​នៃ​រដ្ឋសភា ក៏​ដូច​ក្រសួង​ស្ថាប័ន ក៏​អាជ្ញាធរ​ថ្នាក់ក្រោម​ជាតិ នឹង​បន្ត​អនុវត្ត​នូវ​គោ​នយោបាយ​យុទ្ធសាស្ត្រ​ចតុកោណ​ដំណាក់កាល​ទី​៤ ដើម្បី​បង្ខិត​សេវាសាធារណៈ​ឲ្យ​នៅ​កៀក​ជិត​ប្រជាពលរដ្ឋ ហើយ​កាន់​តែមាន​គុណភាព តម្លាភាព និង​ប្រសិទ្ធភាព​។​

បញ្ហា​ដូចខាងលើ លោក អ៊ុ រាត្រី និង​ប្រធាន អនុប្រធាន​និង​តំណាង​មន្ទីរ អង្គភាព​នានា​បាន​ឆ្លើយ​បកស្រាយ​បំភ្លឺ និង​រក​ដំណោះស្រាយ​ផ្នែក​ខ្លឹមសារ​ជូន​ប្រជាពលរដ្ឋ​វិញ​ភ្លាមៗ តែ​ការអនុវត្ត​ជាក់ស្តែង​នឹងមាន​នៅតាម​ក្រោយ ។​

ចំពោះ បញ្ហា​ដោះស្រាយ​មិនបាន ត្រូវ​បញ្ជូនទៅ​ថ្នាក់ជាតិ​អោយ​ដោះស្រាយ ៕B/