បវរកញ្ញា​វៀតណាម​លេង​ឈុត​ប្លែក​មួយ​នេះ នាំ​ឱ្យគេ​កាត់ត​រូប​ចម្អក​ពេញ​បណ្តាញ​សង្គម​

1415
ចែករម្លែក
  • 34
    Shares

​នៅពេលដែល​បវរកញ្ញា​ថៃ​ដ៏​រស់​រវើក​បង្ហាញ​ម៉ូត​នៅលើ​ឆាក​ក្នុង​ឈុត​សម្លៀកបំពាក់​រ៉ឺម៉ក​ម៉ូត​កង់​បី​ដ៏​គួរឱ្យភ្ញាក់ផ្អើល ដែល​បំពាក់​ដោយ​ចង្កៀង​មុខ​និង​ដៃចង្កូត ក្នុងអំឡុងពេល​ប្រឡង​បវរកញ្ញា​ចក្រវាល​ឆ្នាំ ២០១៥ ពួក​អ្នកលេង​អ៊ី​ន​ធឺ​ណេ​ត​បាន​ឆ្លើយតប​នឹង​ការ​ចំអក​និង​សំណើច​។​

​ប៉ុន្តែ​នាង អា​នី​ផន “​ណាត​” ចា​ឡឺម​ប៊ូ​រ៉ា​ណាវ​ង់ គឺជា​អ្នក​ដែល​រីករាយ​ជាងគេ នៅពេលដែល​នាង​បានឈ្នះ​ពានរង្វាន់​សម្លៀកបំពាក់​ប្រពៃណី​ល្អ​ដាច់​គេ​នៅក្នុង​ការប្រកួតប្រជែង​នៅ​ទីក្រុង​ឡាស​វេ​ហ្គាស​ដើម្បី​អបអរសាទរ​រ៉ឺម៉ក​ម៉ូតូ​កង់​បី ដែល​គេ​ឃើញ​ជាទូទៅ​នៅតាម​ដងផ្លូវ​នៃ​ប្រទេស​ថៃ​។​

​ឆ្នាំនេះ​បវរកញ្ញា​វៀតណាម​ឆ្នាំ ២០១៧ នាង ហឺ​ហិន នី (H’Hen Nie) កំពុង​ឆ្ពោះទៅរក​ផ្លូវ​ស្រដៀង​គ្នា​នេះដែរ នៅ​កម្មវិធី​ប្រឡង​បវរកញ្ញា​ចក្រវាល​នៅ​ខែ​ក្រោយនេះ​ក្នុងប្រទេស​ថៃ​ដើម្បី​ជ្រើសរើស​ប្រធានបទ​សម​ហេតុផល​មួយ​ដើម្បី​តំណាងឱ្យ​វប្បធម៌​របស់​ប្រទេស​របស់​នាង​នៅក្នុង​ឈុត​សម្លៀកបំពាក់​ថ្នាក់ជាតិ នោះ​គឺ​ឈុត​នំ “​បាញ់​ម៉ី​” ដែលជា​នំប៉័ង​សាំង​វិច​ក្តៅ​ស្រួយ​ពេញនិយម​បំផុត​របស់​វៀតណាម​។​

​នៅក្នុង​រូបថត​ដែល​នាង​បាន​បង្ហោះ​នៅលើ​បណ្តាញ​សង្គម​របស់​នាង​កាលពី​ថ្ងៃទី ២២ ខែវិច្ឆិកា​នៅពេល​នាង​បានបង្ហាញ​ឈុត​របស់​នាង​នោះ នាង​ហាក់ដូចជា​ត្រូវបាន​រុំ​ព័ទ្ធ​ដោយ​កន្ត្រក​៣​មាន​ដាក់​នំប៉័ង​វែង​ក្តៅ​ស្រួយ សាច់ និង​បន្លែ​មួយចំនួន​។ ក្រណាត់​ពណ៌​បៃតង ដែល​ទំនងជា​តំណាងឱ្យ​បន្លែ បាន​រុំ​នៅ​ជុំវិញ​ចង្កេះ​របស់​នាង​។​

​សម្លៀកបំពាក់​នេះ​ត្រូវបាន​ជ្រើស​រើសយក​ក្នុងចំណោម​ឈុត​ប្លែក ៥ ផ្សេងទៀត ដែល​រួមមាន​ឈុត​ចង្កៀងគោម​និង​ឈុត​នាគ​។ វេ​ប​សាយ VnExpress បាន​រាយការណ៍​ថា ឈុត​នំប៉័ង​នេះ​បាន​បង្កឱ្យមាន​ការភ្ញាក់ផ្អើល​នៅលើ​បណ្តាញ​អ៊ី​ន​ធឺ​ណេ​ត ដោយ​អ្នកខ្លះ​ថា​វា​អាក្រក់​មើល​ខ្លាំងណាស់​។​

​ដោយ​ពន្យល់​ពី​ជម្រើស​របស់​នាង កញ្ញា​ហឺ​ហិន​នី​ត្រូវបាន​ដកស្រង់​សម្តី​ដោយសារ​ព័ត៌មាន​វៀតណាម​ដោយ​និយាយថា “​ទោះបីជា​អ្នក​ទៅ​តំបន់​ក្រីក្រ​បំផុត​នៃ​តំបន់​ខ្ពង់រាប​ភាគ​ខាងជើង​និង​ភាគ​កណ្តាល​ឬ​កន្លែង​ដ៏​ល្អ​ប្រណីត​បំផុត​នៅ​ទីក្រុង​ហូជីមិញ​និង​ហាណូយ ក៏​អ្នកនឹង​នៅតែ​រកឃើញ​វត្តមាន​នំ​បុ័ង​។ សម្រាប់ ជនបរទេស​ដែល​បានឃើញ​នំប៉័ង​បាញ់​ម៉ី​និង​បាញ់ហយ ពួកគេ​នឹង​គិត​អំពី​ប្រទេស​វៀតណាម​”​។​

​ឈុត​ដែល​រចនា​ឡើង​ដោយ​លោក ផាំ ភឿ​ក​ឌា​ន បាន​នាំឱ្យមាន​រូបភាព​កាត់ត​ចម្អក​លេង​ពេញ​អ៊ី​ន​ធឺ​ណេ​ត ក្នុងនោះ​រួមមាន​រូប​បវរកញ្ញា​រូបនេះ​ពាក់​ទាំង​នំ​សា​យ៉​តាម​ចិញ្ចើមថ្នល់​ផងដែរ​៕ ដោយ៖ កញ្ញាដាលីស

នាង ហឺ​ហិន នី នឹង​យក​ឈុត​នំ​បាញ់​ម៉ី​បង្ហាញ​នៅ​ថៃ​ខែក្រោយ​នេះហើយ