បុរស​ម្នាក់​បាត់​ខ្លួន​២​ថ្ងៃ ស្រាប់តែ​ប្រទះឃើញ​សព​អណ្តែត​ក្នុង​ទឹក​ប្រឡាយ​

290

(​ស្វាយរៀង​)៖ ប្រជាពលរដ្ឋ​បាន​ប្រទះឃើញ​សព​បុរស​ម្នាក់​អណ្ដែត​ទឹក​ប្រឡាយ បង្ក​ឲ្យ​មានការ​ភ្ញាក់ផ្អើល​កាលពី​ព្រឹក​ព្រលឹម​ថ្ងៃទី​១៩ ខែតុលា ឆ្នាំ​២០១៧ នៅ​ភូមិ​ស្វាត សង្កាត់​ចេក ក្រុង​ស្វាយរៀង ខេត្តស្វាយរៀង​។​

​តាម​ប្រភពពី​ប្រជាពលរដ្ឋ​រស់នៅក្នុង​ភូមិ បាន​ឲ្យ​ដឹងថា បុរស​ចំណាស់​ដែល​ស្លាប់​នោះ មានឈ្មោះ សំបូរ អាយុ ៦៣​ឆ្នាំ មាន​ប្រពន្ធ​ឈ្មោះ មួន អាយុ ៦១​ឆ្នាំ រស់នៅ​ភូមិ​ឃុំ​កើតហេតុ​ខាងលើ​។

​ប្រភព​បន្តថា ជនរងគ្រោះ​បាន​បាត់​ខ្លួន​ពី​ផ្ទះ ២​ថ្ងៃ មកហើយ មិនដឹង​ទៅណា​នោះទេ ហើយ​មុនពេល​បាត់​ខ្លួន​ជនរងគ្រោះ​បាន​ផឹកស្រា​ស្រវឹង ព្រោះ​អន់​ចិត្តនឹង​បងប្អូន​មិន​ចង់អោយ​ជិះ​ម៉ូតូ​កាត់​មុខផ្ទះ ហើយ​បាន​គំរាមថា និង​ទៅប្តឹង​ចៅសង្កាត់ ក្រោយមកទៀត ក៏​ជិះ​ម៉ូតូ​ទៅ​បាត់​តែម្តង រហូតដល់​មាន​គេ​ឃើញ​សាកសព​អណ្តែត​ទឹក​ប្រឡាយ​ស្លាប់​យ៉ាង​អាណោចអាធ័ម​។​

​បច្ចុប្បន្ន សាកសព​ត្រូវបាន​សមត្ថកិច្ច​ធ្វើ​កោសល្យ​វិ​ច្ឆ័​យ​ពិនិត្យ​រួច និង​ប្រគល់អោយ​ក្រុមគ្រួសារ​យក​ធ្វើបុណ្យ​តាម​ប្រពៃណី​៕L ដោយ​៖ លីន​ណា​