បុរស​ម្នាក់​បាត់​ពី​ផ្ទះមួយ​យប់​, ព្រឹក​ឡើង​ស្លាប់​អណ្តែត​ទឹក​ត្រពាំង​ក្នុង​វត្ត​ត្រពាំង​ក្រឡឹង​

953
ចែករម្លែក

ដោយ​: សុខ​សុ​ភ័​ណ្ឌ / កំពង់ស្ពឺ​: បុរស​ម្នាក់​ដើរ​បាត់​ពី​ផ្ទះមួយ​យប់ ហើយ​ព្រឹក​ឡើង​រកឃើញ​ស្លាប់​លង់ទឹក​ត្រពាំង​ក្នុង​វត្ត​ត្រពាំង​ក្រឡឹង ស្ថិត​ក្នុងភូមិ​ក្រាំង​ខ្ជាយ ឃុំ​តាំង​ស្យា ស្រុក​ភ្នំស្រួច ខេត្តកំពង់ស្ពឺ​។ ហេតុការណ៍​នេះ បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៨​ព្រឹក ថ្ងៃទី​១៤​ខែតុលា​ឆ្នាំ​២០១៨​។​

​មន្ត្រីនគរបាល​ស្រុក​ភ្នំស្រួច បា​ន្យ​ដឹងថា បុរស​ដែល​លង់ទឹក​ត្រពាំង​ក្នុង​វត្ត​ស្លាប់​នោះ មានឈ្មោះ តា អឹម អាយុ​៥២​ឆ្នាំ រស់នៅ​ក្នុងភូមិ​ក្រាំង​ខ្ជាយ​ឃុំ​តាំង​ស្យា​ស្រុក​ភ្នំស្រួច បាន​ដើរ​ចេញពីផ្ទះ​តាំងពី​ល្ងាច​ថ្ងៃទី​១៣​ខែតុលា​មិនដឹង​ជា​ទៅ​ទីណា​។ រហូតដល់​ម៉ោង​ខាងលើ​ទើប​មានឈ្មោះ ផា សារឹម ភេទ​ប្រុស អាយុ​១៨​ឆ្នាំ រស់នៅក្នុង​ភូមិ​សំបួរ​ឃុំ​តាំង​ស្យា​ស្រុក​ភ្នំស្រួច ខណៈដែល​គេ​មក​ដងទឹក​យកទៅ​ប្រើ​ស្រាប់ តែ​ប្រទេះ​ឃើញ​ជនរងគ្រោះ​លុងទឹក​ស្លាប់​រហូតដល់​អណ្តែត​បា​ត់ទៅ​ហើយ​។​

​ប្រភព​បាន​បន្តថា ក្រោយពីរ​ទទួល​សេចក្តីរាយការណ៍​ពីរ​ពលរដ្ឋ​ថា មាន​មនុស្ស​លង់ទឹក​ស្លាប់​មន្ត្រី​ជំនាញ​អធិការដ្ឋាន​នគរបាល​ស្រុក​ភ្នំស្រួច បាន​ទៅធ្វើ​កោសល្យវិច័យ​សព​ជនរងគ្រោះ​ពិតជា​ស្លាប់ ដោយសារ​លង់ទឹក​ពិត​ប្រាកដ​មែន ដែលមាន​ការចូលរួម​ពី​លោក​មេឃុំ​សព​ត្រូវប្រគល់​ជួន​ក្រុមគ្រួសារ យកទៅ​ធ្វើបុណ្យ​តាម​ប្រពៃណី​៕ ល​