ប៉ូលិស​រកឃើញ​គ្រឿងញៀន​លាក់​ក្នុង​កមាន់​ជល់​

1032
ចែករម្លែក

​ជនសង្ស័យ​រត់ពន្ធ​គ្រឿងញៀន​ម្នាក់​ដែល​បាន​លាក់​ថ្នាំញៀន​មេ​តំ​ហ្វេ​តា​មីន​រហូតដល់​ទៅជា​ង​១.០០០​គ្រាប់​ក្នុង​កមាន់​ជល់​២​ក្បាល​ត្រូវបាន​ប៉ូលិស​ស្ទាក់​ចាប់ខ្លួន​ខណៈពេល​ជននេះ​កំពុង​ព្យាយាម​ចាក​ចេញពី​សង្កាត់​ហ្វា​ង (Fang) ក្រុង​ឈាង​មៃ​ប្រទេស​ថៃ​។​
​ ​
​លោក អា​រុន សាក់​បួ ប្រា​សឺត​ស៊ី​ង ដែលជា​មេ​ប៉ូលិស​សង្កាត់​ហ្វា​ង​និយាយ​បន្ទាប់ពី​បុរស​ខាងលើ ត្រូវបាន​ចាប់ខ្លួន​កាលពី​ថ្ងៃ​ព្រហស្បតិ៍​ថា ប៉ូលិស​បាន​សង្កេតឃើញ​ករប​ស់មាន់​ទាំងនោះ ហើម​យ៉ាង​ចម្លែក​ហើយក៏​ឃាត់​ដើម្បី​សួរនាំ​។
​អំឡុងពេល​សាកសួរ​និង​ត្រួតពិនិត្យ​ប៉ូលិស​បាន​រកឃើញ​ថ្នាំញៀន​សរុប​ចំនួន​៧​កញ្ចប់​ក្នុងនោះ​៤​កញ្ចប់​លាក់​ក្នុង​កមាន់​មួយ​ក្បាល​ហើយ​៣​កញ្ចប់​លាក់​ក្នុង​កមាន់​មួយ​ក្បាល​ទៀត​។​
​ ​
​ជនសង្ស័យ​ឈ្មោះ ចាន់​វុ​ធ តឹក​សុង​ក្រាម​អាយុ​២៩​ឆ្នាំ​បាន​សារភាព​ប្រាប់​ប៉ូលិស​ថា​ខ្លួន​បាន​ច្រកថ្នាំ ញៀន​ចំនួន​១.៣៨៣​គ្រាប់​ចូល​ស្រោមអនាម័យ​មុនពេល​ញាត់​វា​ចូល​កមាន់​ដើម្បី​យកទៅឱ្យ​ម៉ូយ​ប៉ុន្តែ​សំណាង​មិនល្អ​ក៏ត្រូវ​ប៉ូលិស​ចាប់បាន​៕ ​ប្រែ​សម្រួលៈ ខុម​