ប៉ូលិស​អូស្ត្រាលី​និង​ហូ​ឡង់​ធ្វើ​ប្រតិបត្តិការ​រួមគ្នា​ចាប់​បាន​គ្រឿងញៀន​ដ៏​សន្ធឹកសន្ធាប់​

127
ចែករម្លែក

​ប៉ូលិស​បាន​និយាយ​នៅ​ថ្ងៃ​សុក្រ​ទី​២២ ខែវិច្ឆិកា​ថា ប៉ូលិស​អន្តរជាតិ​បាន​ធ្វើ​ប្រតិបត្តិការ​បង្ក្រាប​ទ្រង់ទ្រាយ​ដ៏​ធំ​មួយ​ប្រឆាំង​ការជួញដូរ​គ្រឿងញៀន ដោយ​បាន​ទប់ស្កាត់​គ្រឿង​​ញៀន​Ecstasy រាប់​លាន​គ្រាប់ មិន​អោយ​ត្រូវ​បាន​លួច​នាំ​ចូល​ប្រទេស​អូស្ត្រាលី ខណៈ​ដែល​រដ្ឋមន្ត្រី​មា្ន​ក់​បាន​និយាយថា​គ្រឿងញៀន​ទាំងនេះ​បម្រុង​នឹង​ត្រូវ​នាំ​ចូល​ដើម្បី​លក់​​ចែកចាយ​ទៅឱ្យ​ក្រុមយុវជន​នៅ​ថ្ងៃ​ឈប់សម្រាក​។​

​ក្រុមមន្ត្រី​បាន​និយាយ​ថា​ប្រតិបត្តិការ​ហូ​ឡង់​-​អូស្ត្រាលី​នេះ បាន​ចាប់​បាន​គ្រឿងញៀន​MDMA ជា​សារធាតុ​ផ្សំ​នៅក្នុង​គ្រឿងញៀន Ecstasy សរុប​តម្លៃ​២០០​លាន​ដុល្លារ​នៅ​ប្រ​​ទេស​ហូ​ឡង់ និង​នៅ​ប្រទេស​បែលហ្ស៊ិក​ហើយ​បាន​នាំឱ្យ​មាន​ការចោទប្រកាន់​ប្រឆាំង​មនុស្ស ១១ នាក់​ដោយ​រួមទាំង​ស្ត្រី​អូស្ត្រាលី​ម្នាក់​ផង​ដែរ​។​

​បូលិស​អូស្ត្រាលី​បាន​និយាយថា បន្ទាប់ពី​ធ្វើ​ការស៊ើបអង្កេត​អស់​ពេល​មួយ​ខែ​មក​នោះ គ្រឿងញៀន​MDMA​ជិត​៧០០​គីឡូក្រាម​ត្រូវ​បាន​ស្ទាក់​ចាប់​បាន​កាលពី​ខែសីហា​នៅ​កំពង់​​ផែ​រ៉ត់​ធឺ​ដាំ នៅ​ប្រទេស​ហូ​ឡង់​។​

​ប៉ូលិស​បាន​និយាយថា បន្ទាប់មក​ប៉ូលិស​ហូ​ឡង់ បាន​ចូល​ឆ្មក់​ឆែកឆេរ​ទីតាំង​ចំនួន​១៥​កន្លែង​នៅ​ប្រទេស​ហូ​ឡង់​និង​នៅ​ប្រទេស​បែលហ្ស៊ិក កាលពី​ថ្ងៃទី​៥​ខែវិច្ឆិកា ដោយ​បាន​រក​​ឃើញ​កន្លែង​លួច​ផលិត​គ្រឿងញៀន​MDMA ចំនួន​២​កន្លែង និង​រក​ឃើញ​សារធាតុ​ផ្សំ​គ្រឿងញៀន​ចំនួន​៥០​តោន​៕​ដោយ​៖​សុខា​/sn

ប៉ូលិស​អូស្ត្រាលី នៅ​ថ្ងៃទី​២២​ខែវិច្ឆិកា​ឆ្នាំ​២០១៩​បង្ហាញ​សារធាតុ​ផ្សំ​គ្រឿងញៀន​ជាច្រើន​ដែល​ចាប់បាន​