ប្រតិភូ​សមាគម​ទំនាក់ទំនង​មិត្តភាព​ក្រៅប្រទេស​ស្វែងយល់​លទ្ធភាព​ជួយ​ដល់​ខេត្តបន្ទាយមានជ័យ​

268
ចែករម្លែក
  • 3
    Shares

ដោយៈ​ប​.​ជ័យ​/​បន្ទាយមានជ័យ​:​គណៈប្រតិភូ​សមាគមន​ទំនាក់ទំនង​មិត្តភាព​ក្រៅប្រទេស​ខេត្ត​យូ​ណាន់ នៃ​សាធារណៈរដ្ឋ​ប្រជាមានិត​ចិន​កាលពី​ថ្ងៃទី​២៨​ខែមីនា​បានមក​ទស្សនកិច្ច​មន្ទី​រ​ពេទ្យ​បង្អែក​សិរីសោភ័ណ​និង​មន្ទីរពេទ្យ​មិត្តភាព​កម្ពុជា​.​ជប៉ុន​មង្គល​បូរី​ខេត្តបន្ទាយមានជ័យ​ដើម្បី​ស្វែងយល់​អំពី​ស្ថានភាព​ពេទ្យ​នៅ​កម្ពុជា ហើយ​អ្វីខ្លះ​ដែល​ភាគី​មហាមិត្ត​ចិន​អាចជួយ​បាន​។​

​ប្រតិភូ​ដឹកនាំ​ដោយ​លោក លោក ប៉េង សាយ​យ៉ុ​ន (Mr PengShaoyun ) អគ្គលេខាធិការរង​នៃ​សមាគមន​ទំនាក់ទំនង​មិត្តភាព​ក្រៅប្រទេស​ខេត្ត​យូ​ណាន​នៃ​សាធារណរដ្ឋ​ប្រជាមានិត​ចិន​។​ទទួល​ស្វាគមន៍​និង​ជូន​ដំណើរ​ដោយ​លោកស្រី ប៉ុក ណា​ឌី អភិបាលរង​ខេត្ត រួម​នឹង​លោក លោកស្រី ប្រធាន អនុប្រធាន​មន្ទីរ​សុខាភិបាល​ខេត្ត និង​ប្រធាន​មន្ទីរពេទ្យបង្អែក ស្រុក ក្រុង អ្នកពាក់ព័ន្ធ​។​

​ក្រៅ​ដើម្បី​ស្វែងយល់​អំពី​ស្ថានភាព​នៃ​មន្ទីរពេទ្យ​និង​ពិភាក្សា​ការងារ​ជាមួយ​ថ្នាក់ដឹកនាំ​ខេត្ត និង​មន្ទីរ​អង្គភាព​ពាក់ព័ន្ធ​នោះ​មន្ត្រី​ភាគី​ចិន​ក៏​ពិភាក្សា​ស្តីពី​កិច្ចសហប្រតិបត្តិការ​លើ​ការងារ​ព្យាបាល​វះកាត់​ជំងឺភ្នែកឡើងបាយ​ជូន​ប្រជាពលរដ្ឋ​ចំនួន​១០០​នាក់ រួមទាំង​ថ្នាំពេទ្យ ដោយ​ឥតគិតថ្លៃ​នា​ចុងខែ​ឧសភា ឆ្នាំ​២០១៩​ខាងមុខ ។​

​លោកស្រី ប៉ុក ណា​ឌី អភិបាលរង​ខេត្ត​បាន​មានប្រសាសន៍​ស្វាគមន៍​និង​សង្ឃឹមថា ភាគី​មិត្ត​នឹង ជួយឧបត្ថម្ភ​សម្ភារៈ​ដើម្បី​ជួយ​លើកស្ទួយ​វិស័យ​សុខាភិបាល​នៅក្នុង​ខេត្តបន្ទាយមានជ័យ ក័​ដូចជា​ក្នុងប្រទេស​កម្ពុជា​ដើម្បី​រួម​វ​ចំណែក​មាន​ប្រសិទ្ធភាព​ក្នុង​ពិនិត្យ ព្យាបាល លើកកម្ពស់​សុខភាព​ជូន​ប្រជាជន ។​

​គួរ​បញ្ជាក់ថា ការមកដល់​នៃ​គណប្រតិភូ​សមាគម​មិត្តភាព​ក្រៅប្រទេស​ខេត្ត​យូ​ណាន​នេះ ក៏​ស្របគ្នា​នឹង​ដំណើរ​ទស្សនៈកិច្ច​ក្នុង​ខេត្តបន្ទាយមានជ័យ​រប​ស់​គណៈប្រតិភូ​វិទ្យាស្ថាន​វិទ្យាស្ថាន​បច្ចេកទេស​វិជ្ជាជីវ​:​កសិកម្ម​យូ​ណាន​។​និង​ប្រ​តី​ភូ​ជាន់ខ្ពស់​ខេត្ត​យូ​ណាន​ដឹកនាំ​ដោយ​លោក​ចិន ហាវ លេខា​បក្ស​កុំ​មុយ​នី​ស្តី​ចិន​ខេត្ត​,​មន្ទីរ​ការបរទេស​និង​កិច្ចសហប្រតិបត្តិការ​អន្តរជាតិ​ជួប​ក្រសួងការបរទេស​កម្ពុ​ជា​និង​ជួប​ក្រសួង ស្ថាប័ន​ជាច្រើន​ទៀត​៕S/

​រូបថត : ប្រតិភូ​សមាគមន​ទំនាក់ទំនង​មិត្តភាព​ក្រៅប្រទេស​ខេត្ត​យូ​ណាន់ ចិន​ស្វែងយល់​លទ្ធភាព​ជួយ​ដល់​ខេត្តបន្ទាយមានជ័យ​( រូប​: ប​.​ជ័យ​)​