ប្រទះឃើញ​សាកសព​បុរស​ម្នាក់​អណ្តែត​ទឹកស្ទឹង​ក្រោយ​បាត់​ពី​ផ្ទះ​៣​ថ្ងៃ​

687

​(​កណ្តាល​)៖​សាកសព​បុរស​ម្នា​ក់មាន​សភាព​ហើម​ស្អុយរលួយ ត្រូវបាន​គេ​ប្រទះឃើញ អណ្ដែត​ទឹកស្ទឹង ក្នុង​កាលពី​ម៉ោងជាង​៩​ព្រឹក ថ្ងៃទី​១៣​ធ្នូ នៅ​ចំណុច​ក្នុង​ទឹកស្ទឹង​ព្រែក​គ្រួស​ក្នុងភូមិ​អន្លង់​តាសេក​លើ​ឃុំ​ព្រែក​អំបិល​ស្រុក​ស្អាង​ខេត្តកណ្តាល​បន្ទាប់ពី ជនរងគ្រោះ បាត់​ពី​ផ្ទះ​បី​ថ្ងៃ ។

មន្ត្រីនគរបាល​ស្រុក​ស្អាង បានឱ្យដឹងថា សាកសព​ជនរងគ្រោះ ត្រូវបាន​គេ​ស្គាល់ឈ្មោះ​រុន រៀម ភេទ ប្រុស អាយុ ២៤​ឆ្នាំ​ជនជាតិខ្មែរ មុខរបរ​កសិករ​មា​នទី​លំនៅ​ភូមិ​ឃុំ​កើតហេតុ​។​តាម​ការបញ្ជាក់​ពី​ក្រុមគ្រួសារ​ថា​ជនរងគ្រោះ​តែងតែ​ផឹកស្រា​ស្រវឹង​ជាប្រចាំ​ដើរ​បាត់ៗ​ពី​ផ្ទះ​មិន ផ្ដល់ដំណឹង ដល់​ក្រុមគ្រួសារ​ទេ ។ កាលពី​ថ្ងៃទី​១០ ធ្នូ ជនរងគ្រោះ ផឹកស្រា​ស្រវឹង ដើរ​ចេញពីផ្ទះ​បាត់​មិនដឹង​ទៅណា ក្រុមគ្រួសារ​តាមរក​មិនឃើញ​គ្មាន​ដំណឹង ។

លុះ​រហូតដល់​ថ្ងៃទី ១៣ ធ្នូ វេលា​ម៉ោង ៩​និង​៤៥​នាទី ព្រឹក ទើប​ឃើញ​សព​អណ្ដែត​ទឹក​។ ហើយ​ក៏បាន​រាយការណ៍​ជូន​សមត្ថកិច្ច​ប៉ុស្តិ៍​រដ្ឋបាល​។​បន្ទាប់មក​កម្លាំង​ជំនាញ​ពិនិត្យ​ហេតុ​ស្រុក​ដោយមាន​ការចូលរួម​ពី​នគរបាល​ប៉ុស្តិ៍​រដ្ឋបាល មេភូមិ ក្រុមប្រឹក្សាឃុំ បានធ្វើការ​ពិនិត្យ​សព​ពុំមាន​ស្លាកស្នាម​អ្វី​គួរអោយកត់សម្គាល់​ឡើយ​។​សន្និដ្ឋានថា ជនរងគ្រោះ ស្លាប់​ដោយសារ​លង់ទឹក​ប្រាកដ​មែន ៕S/​ដោយ​៖​សុផាន់​

​ប្រទះឃើញ​សាកសព​បុរស​ម្នាក់​អណ្តែត​ទឹកស្ទឹង​ក្រោយ​បាត់​ពី​ផ្ទះ​៣​ថ្ងៃ​