ប្រធាន​មន្ទីរ​ទេសចរណ៍​ខេត្តសៀមរាប​បង្ហាញ​ពី​គម្រោង​ពង្រីក​មណ្ឌល​ព័ត៌មាន​ទេសចរណ៍​បន្ថែម

443
ចែករម្លែក
  • 23
    Shares

ដោយៈ​បាយ័ន​/​សៀមរាបៈ​លោក​ង៉ូ​វ សេង​កាក់​ប្រធាន​មន្ទីរ​ទេសចរណ៍​ខេត្តសៀមរាប បាន​ឲ្យ​ដឹងថា មណ្ឌល​ព័ត៌មាន គឺមាន​តួនាទី​យ៉ាងសំខាន់​ក្នុងការ​ណែនាំ និង​ផ្តល់ព័ត៌មាន​ពី​តំបន់​ទេសចរណ៍ ជួយ​សម្រួល​ដល់​ភ្ញៀវទេសចរ​បាន​ទៅ​ស្គាល់​និង​បាន​ទៅ​កម្សាន្ត​តំបន់​ទាំងនោះ​ខណៈ​នៅក្នុង​ខេត្តសៀមរាប​។

លោក​ង៉ូ​វ សេង​កាក់​បន្តថា​មាន​តំបន់​ទេសចរណ៍​ជាច្រើន​ទាំង​តំបន់​ទេសចរណ៍ធម្មជាតិ បេ​តិក​ភ័​ណ្ឌ ប្រវត្តិសាស្ត្រ​និង​តំបន់​ទេសចរណ៍​កែច្នៃ​។​មណ្ឌល​ព័ត៌មាន​ទេសចរណ៍​នេះ​គឺ​មិន​ត្រឹមតែ​ជា​កន្លែង​ផ្តល់នូវ​សេវា​បដិសណ្ឋារកិច្ច​និង​ផ្តល់ព័ត៌មាន​ទេសចរណ៍​នានា​ដល់​ភ្ញៀវទេសចរ​ប៉ុណ្ណោះ​ទេ​។​ប៉ុន្តែ​ក៏​ជា​កន្លែង​ផ្សព្វផ្សាយ​ពី​សក្តានុពល​និង​ផលិតផល​ទេសចរណ៍​ក្នុងស្រុក​ផងដែរ​។​ដែល​ទាំងនេះ​គឺជា​ការផ្តល់​អត្ថប្រយោជន៍​វិជ្ជមាន​ដល់​សង្គម​សេដ្ឋកិច្ច​និង​ភាពសុខដុមរមនា​ក្នុង​តំបន់​គោលដៅ​ទេសចរណ៍​។​

​លោក​ង៉ូ​វ​សេង​កាក់​បញ្ជាក់ទៀតថា​បច្ចុប្បន្ន​នេះ​មាន​អ្នកទេសចរ​ជាច្រើន​បានមក​សួរ​ព័ត៌មាន​នៅ​មណ្ឌល​ព័ត៌មាន​ទេសចរណ៍​នេះហើយ​ភាគច្រើន​ជា​ប្រភេទ​ភ្ញៀវទេសចរ​ធ្វើដំណើរ​ឬ​ក្រុម​ភ្ញៀវ​ធ្វើដំណើរ​ដោយ​ឯករាជ្យ​។​ព្រោះ​ការសម្រេចចិត្ត​របស់​ភ្ញៀវទេសចរ​បែប​ឯករាជ្យ​គឺ​អាស្រ័យ​លើ​ការស្វែងរក​ព័ត៌មាន​ពី​ប្រភពព័ត៌មាន​ខាងក្រៅ​ដូចជា​សៀវភៅ​ផ្នត់់​ទេសចរណ៍​សៀវភៅ​ម​គ្គុ​ទេស​ក៏​ទេសចរណ៍​ប្រព័ន្ធ​ផ្សព្វផ្សាយ​ល្បីៗ​ទីភ្នាក់ងារ​ទេសចរណ៍​និង​ព័ត៌មាន​ទេសចរណ៍​ដែល​ផ្តល់​ដោយ​មណ្ឌល​ព័ត៌មាន​ទេសចរណ៍​ប្រចាំ​នៅតាម​គោលដៅ​ទេសចរណ៍​។​

​ជាពិសេស​មណ្ឌល​ព័ត៌មាន​ទេសចរណ៍​នេះ​បាន​ជួយ​សម្រួល​ដល់​អ្នកទេសច​រដែ​ល​វង្វេងផ្លូវ​រក​សណ្ឋាគារ​ស្នាក់នៅ​មិនឃើញ​ឬក៏​មាន​ពាក្យបណ្តឹង​ក្នុង​ខេត្ត​អាចដាក់​ប្តឹង​បាន​ខណៈ​មន្ត្រី​ជំនាញ​នឹង​ដោះស្រាយ​ជូន​គាត់​ឲ្យ​បាន​ទាន់ពេលវេលា​។​ប្រធាន​មន្ទីរ​ទេសចរណ៍​ខេត្តសៀមរាប​បាន​ឲ្យ​ដឹង​ទៀតថា​បច្ចុប្បន្ននេះ​នៅក្នុង​ក្រុង​សៀមរាប​មាន​មណ្ឌល​ព័ត៌មាន​ទេសចរណ៍​ចំនួន​៤​កន្លែង​ហើយ​។​

​ប៉ុន្តែ​ដោយសារ​មណ្ឌល​ព័ត៌មាន​ទេសចរណ៍​នេះ​បានផ្តល់​ប្រយោជន៍​ច្រើន​ដល់​វិស័យ​ទេសចរណ៍​កម្ពុជា​មន្ទីរ​ទេសចរណ៍​ខេត្តសៀមរាប​គ្រោង​បង្កើត​មណ្ឌល​ព័ត៌មាន​ទេសចរណ៍​មួយទៀត​នៅ​ជិត​រង្វង់​មូល​ផ្លូវ​៦០​ម៉ែត្រ​ដែល​សាងសង់ឡើង​តាម​ស្តង់ដា​មាន​កន្លែង​ផ្តល់ព័ត៌មាន​មាន​ភោ​ជី​យ​ដ្ឋា​ន​មាន​បន្ទប់​ទឹកស្អាត​។​មណ្ឌល​ព័ត៌មាន​ទេសចរណ៍​ថ្មី​នេះ​គ្រោង​សាងសង់​ឲ្យ​រួចរាល់​នៅ​ខែសីហា​ឆ្នាំ​២០១៩​នេះ​ក្រៅពីនេះ​នៅក្នុង​ក្រុង​មន្ទីរ​ក៏​គ្រោង​រៀបចំ​ឲ្យ​មាន​មណ្ឌល​ព័ត៌មាន​ទេសចរណ៍​នៅតាម​សហគមន៍​ផងដែរ ៕S/​