ផ្លូវ​ដីស​ក្រាល​ក្រួស​ក្រហម​១​ខ្សែ នៅ​ឃុំ​ប្រី​យ៍ បាន​កសាង​រួចរាល់​ជា​ស្ថា​រព​

781
ចែករម្លែក

ដោយ​: បាយ័ន / សៀមរាប​: ផ្លូវ​ដីស​ក្រាល​គ្រួស​ក្រហម​មួយ​ខ្សែ​ប្រវែង​២៤០០​ម៉ែត្រ ដែលជា​គម្រោង​មូលនិធិ​ឃុំ​ឆ្នាំ​២០១៧ ស្ថិតក្នុង​ភូមិ​ប្រី​យ៍​១ និង​ភូមិ​ប្រី​យ៍​២ ឃុំ​ប្រី​យ៍ ស្រុក​ស្រីស្នំ ខេត្តសៀមរាប បាន​សាងសង់​រួចរាល់​ជា​ស្ថា​រព​។

​កាលពី​ថ្ងៃទី​១៧ ខែកក្កដា ឆ្នាំ​២០១៨ ក្រុមការងារ​ទីចាត់ការ​ផែនការ​និង​វិនិយោគ សាលាខេត្ត​សៀមរាប បាន​ចូលរួម​បិទ​គម្រោង​ជួសជុល​ផ្លូវ​ដីស ក្រាល​គ្រួស​ក្រហម​ប្រវែង​២៤០០​ម គម្រោង​មូលនិធិ​ឃុំ​ឆ្នាំ​២០១៧ តាម​ការពិនិត្យ​លក្ខណៈ​បច្ចេកទេស​លើ​ការ​កិន​បង្ហាប់ដី ប្រវែង​ទទឹងផ្លូវ ការប្រើប្រាស់​ឧបករណ៍​គ្រឿងចក្រ និង​កម្រាស់​នៃ​ការចាក់​បំពេញ​គ្រួស​ក្រហម​លើ​តួ​ផ្លូវ គឺ​បាន​អនុវត្តតាម​បទដ្ឋាន​បច្ចេកទេស​ដែល​មានចែង​ក្នុង​កិច្ចសន្យា​។​

​ក្រម​ការងារ​ទីចាត់ការ​ផែនការ​និង​វិនិយោគ សាលាខេត្ត​សៀមរាប បាន​បញ្ជាក់ថា ផ្លូវ​គឺជា​ស​សៃ​ឈាម សម្រួល​ដល់​ការធ្វើដំណើរ​និង​ដឹក​កសិផល​នានា របស់​បងប្អូន​ប្រជាពលរដ្ឋ​ទូទាំង​ភូមិ ស្រុក​ស្រីស្នំ បាន​ស្រួល​ផងដែរ​៕ ល​