ផ្ល​យ មេ​វេ​ឌ័​រ បញ្ជូន​សារ​ព្រមាន​ជាមុន​ទៅ ខូ​ន័​រ ម៉ាក​ហ្គ្រេ​ហ្គ័​រ ខណៈ​រូបគេ​កំពុង​ហាត់​ត្រៀម​យ៉ាងសកម្ម​

246

​ផ្ល​យ មេ​វេ​ឌ័​រ ហាក់​វិលត្រឡប់​មករ​ក​ភាពខ្លាំង​ដូច​ពីមុន​របស់ខ្លួន​វិញ​ហើយ និង បាន​បាញ់​សារ​ព្រមាន​ដោយ​ពាក្យសម្តី​ខ្លះ ខណៈ​បែកញើស​ជោគ​អំឡុង​វគ្គ​ហ្វឹកហាត់​។​

​កីឡាករ​ប្រដាល់​មិនដែល​ចាញ់​សញ្ជាតិ​អាមេរិក​នេះ បាន​វាយ​បាវ​សាក់​ខ្លាំងៗ និង ខំ​ហ្វឹកហាត់​ខ្លាំង ដើម្បី​ត្រៀមខ្លួន​ប្រកួត​ធំ​ជាមួយ កីឡាករ ខូ​ន័​រ ម៉ាក​ហ្គ្រេ​ហ្គ័​រ នៅ​ថ្ងៃទី ២៦ សីហា​។​

​ខណៈដែល​ផ្ល​យ​ដើរ​ជុំវិញ​កន្លែង​ហ្វឹកហាត់ រូបគេ​បាន​និយាយថា “​អ្នក​និយាយ​ឈ្មោះ​ពួកគេ ខ្ញុំ​នឹង​ផ្តួល​ពួកគេ​។ ខ្ញុំ​អាច​ជាំភ្នែក ឈាម​ច្រមុះ ខ្ញុំ​អាចមាន​ថ្ងៃ​ស៊យ​នៅ​កន្លែង​ហាត់ ប៉ុន្តែ​ពេលយប់ ខ្ញុំ​មិនដែល​បាន​លុយ​តិច​ឡើយ ហើយ​ខ្ញុំ​ក៏​មិន​ដែលមាន​យប់​ស៊យ​ក្រោម​ពន្លឺភ្លើង​អំពូល​នោះដែរ​។ ខ្ញុំ​ហើម​និង​ជាំមុខ ប៉ុន្តែ​ខ្ញុំ​មិនដែល​មាន​យប់​ស៊យ​នោះឡើយ​”​។​

​មេ​វេ​ឌ័​រ​ចំណាយពេល ៤ ម៉ោង ក្នុង​កន្លែង​ហាត់​នៅ​ទីក្រុង​ឡូ​ស​អ៊ែន​ជែ​ល​ឡេស និង ឡើង​សង្វៀន​ម្តងម្កាល​សម្រាប់​ហាត់​ត្រៀម​ប្រដាល់​ខ្លះៗ​៕

​ផ្ល​យ មេ​វេ​ឌ័​រ​នឹង​ប្រកួត​ជាមួយ ម៉ាក​ហ្គ្រេ​ហ្គ័​រ នៅ​ថ្ងៃទី ២៦ សីហា ខាងមុខ​