ពាក់​ឡេ​ន​ភ្នែក​ច្រើន ផ្តល់​ផលវិបាក​អ្វីខ្លះ​ដល់​អ្នក​?

531
ចែករម្លែក

​ការពា​ក់ឡេ​ន​ពិតជា​មើលទៅ​ស្អាត ហើយ​មាន​ភាព​ទាក់ទាញ​ខ្លាំងណាស់​ដោយសារ តែ​វា​អាចធ្វើឱ្យ​ភ្នែក​អ្នកមាន​ពណ៌ និង​មាន​ពន្លឺ ប៉ុន្តែ​តើ​អ្នកដឹង​ទេ​ថា​នៅពេលដែល អ្នក​ពាក់​ច្រើន នោះ​វា​នឹង​ផ្តល់​ផលវិបាក​ដល់​អ្នកខ្លាំង​ណាស់​។ តើ​វា​ផ្តល់​ផល​អាក្រក់ អ្វីខ្លះ​ដល់​ភ្នែក​អ្នក​?

​កញ្ជក់​ភ្នែក​ប្រែ​ពណ៌​

​នៅពេលដែល​អ្នក​ពាក់​ឡេ​ន​ដែលមាន​ពណ៌​ចំរុះ​ច្រើន នោះ​ភ្នែក​របស់​អ្នក​ងាយ​នឹង​ប្រែ ពណ៌​ណាស់ ដោយសារតែ​ឡេ​ន​នោះ​នៅជាប់​ភ្នែក​អ្នក​ក្នុង​រយៈពេល​យូរ ជាហេតុ ដែល​អាចធ្វើឱ្យ​ពណ៌​ទាំងនោះ​ឆ្លង​ចូលទៅក្នុង​កញ្ចក់ភ្នែក​អ្នក​យ៉ាង​ងាយ​។​

​ភ្នែក​ចេញឈាម​

​នៅក្នុង​ឡេ​ន​មាន​សារធាតុ​គីមី​ជាច្រើន ដូចនេះ​នៅពេលដែល​អ្នក​មិនមាន​ទម្លាប់​ពាក់ ឬ មាន​អាកា​រៈ​ប្រតិកម្ម​ភ្នែក ឬ​អាកាសធាតុ​ប្រែប្រួល នោះ​ភ្នែក​អ្នក​អាច​នឹង​របួស​ហើយ ចេញឈាម​បាន​នៅពេលដែល​អ្នក​ពាក់​វា​យូរ​ក្នុង​កែវភ្នែក​អ្នក​។​

​មើលមិនឃើញ​

​នៅពេលដែល​អ្នក​ពាក់​ឡេ​ន​នេះ​យូរ នោះ​វា​នឹង​ប៉ះពាល់​ដល់​ភ្នែក​អ្នក​ណាស់​ដោយ​ធ្វើ ឱ្យ​ភ្នែក​អ្នក​ខ្វះ​អុកស៊ីសែន នោះ​ភ្នែក​អ្នកនឹង​អាច​កើត​ជំងឺ​ផ្សេងៗ​បាន​យ៉ាង​ងាយ ជា​ហេតុដែល​អាចធ្វើឱ្យ​អ្នកមើល​មិនឃើញ​ជា​រៀងរហូត​។​

​ជំងឺ​កញ្ចក់ភ្នែក​

​នៅពេលដែល​អ្នក​ពាក់​យូរ វា​នឹង​ធ្វើឱ្យ​កញ្ចក់ភ្នែក​របស់​អ្នកមាន​បញ្ហា​ដែល​អាចធ្វើឱ្យ វា​មាន​ជំងឺ​បាន ហើយ​ថែមទាំង​ធ្វើឱ្យ​វា​មិនអាច​ដំណើរការ​បានល្អ​ទៀតផង​ហើយ​សូម្បី តែ​ទឹកភ្នែក​ក៏​មិនអាច​ដំណើរការ​បានល្អ​ដែរ វា​អាច​បង្អាក់​មិន​ឱ្យមាន​ទឹកភ្នែក​៕ ដោយៈ health.com.kh

#