ពិធី​ការិនី ជី​មមី ទៅ​ថត​ម៉ូ​ដែល​បែប​សហ​សម័យ​ឱ្យ​អាម៉េរិក​

288
ចែករម្លែក

​ភ្នំពេញ​៖ ពិធី​ការិនី​ប្រជាប្រិយ​ប្រចាំ​ស្ថានីយទូរទស្សន៍​ភី​អិន​អិន​កញ្ញា ជី​មមី បាន​ទៅ​ថត​ម៉ូ​ដែល​បែប​សហ​សម័យ​ដែលជា​ការច្នៃប្រឌិត​លាយ​គ្នា​រវាង​វប្បធម៌​ខ្មែរ​និង​អាម៉េរិក នៅ​ទីក្រុង​ក្លេ​ន​ដែល រដ្ឋកា​លី​ហ្វ​យ៉ា សហរដ្ឋ​អាម៉េរិក​កាលពី​សប្តាហ៍​មុន​។ ​ពិធី​ការិនី​រូបនេះ​បាន​ប្រាប់ថា “​នេះ​គឺជា​ការថត​ម៉ូត​របស់​នាង​ខ្ញុំ​នៅ​ក្រុង ក្លេ​ន​ដែល រដ្ឋកា​លី​ហ្វ​យ៉ា កាលពី​សប្តាហ៍​មុន​។ ជា​ការថត​ម៉ូត​បែប​cinematic ដែល​ច្របាច់​បញ្ចូល​គ្នា​រវាង​សិល្បៈ​ខ្មែរ​និង​បែប​ហ្វេ​សសិន​ហូលីវូត ក្នុង​គោលបំណង​បង្ហាញ​ឲ្យ​ពិភព លោក​បាន​ស្គាល់ បានឃើញ​ពី​ភាព​អស្ចារ្យ​នៃ​ក្បាច់​ខ្មែរ សិល្បៈ​ខ្មែរ​ក្នុងការ​ឆ្នៃ​ម៉ូត​បែប​ទំនើប​និង​លក្ខណៈ​អន្តរជាតិ​របស់​កញ្ញា​អេប​ផល​និស្សិត​ខ្មែរ​ដែល​កំពុងតែ​សិក្សា​ផ្នែក​តុបតែង​មុខ​ផ្នែក​កុន​លំដាប់​ពិភពលោក​នៅ ក្រុង​ឡូ​ស​អេ​ន​ជឺ​ឡេស សហរដ្ឋ​អាម៉េរិក និង​អ្នក​ថតរូប​ដែល មាន​ទេពកោសល្យ​ជនជាតិ​អាម៉េរិក​កាំ​ង Rue Romani មកពី​ឡូ​ស​អេ​ន​ជឺ​ឡេស ។

​នាង​បន្តថា​នាង​ខ្ញុំ​ជី​មមី ដែលជា​ពិធីការនី​នៅ​កម្ពុជា​ដែលមាន​ឱកាស​បាន​គ្រង​ឈុត​ដ៏​ស្រស់ស្អាត​មួយ​នេះ​”​។ ឈុត​នេះ​ត្រូវ​តាំង​ឈ្មោះថា សុវណ្ណ​រក្ស​ត្តៈ ដែល​ការឆ្នៃ​ម៉ូត​និង​តុបតែង​មុខ​ទទួលបាន​ឥទ្ធិពល​នៃ​ភាពស្រស់ស្អាត​ប្រណិត​នៃ​ចម្លាក់​ក្បាច់​ខ្មែរ ពី​ប្រាសាទអង្គរវត្ត​។ ពណ៌​ក្រហម​តំណាង​ភាព​អង់អាច និង​ជា​ពណ៌​តំណាង​ឲ្យ​ជនជាតិខ្មែរ ។ ពណ៌​ក្រហម​គឺជា​ថាមពល មហិច្ឆតា ភាពរស់រវើក កំហឹង កម្លាំង​ការប៉ង​ប្រាថ្នា​និង​សេចក្តីស្នេហា​បូករួម​ជាមួយនិង​ពណ៌​មាស​បង្ហាញ​ពី​ភាព​អ​ឆ្ឆ​រិ​យះ នៃ​ព្រះរាជាណាចក្រ​អ​ឆ្ឆ​រិ​យៈ​។​

​សូមបញ្ជាក់ថា កញ្ញា ជី​មមី ជា​តារា​ស្រី​ដែលមាន​ប្រជាប្រិយ​នៅ​ស្ថានីយទូរទស្សន៍ PNN ។​មិន​ត្រឹមតែ​ប៉ុណ្ណោះ​នាង​ក៏មាន​អ្នកគាំទ្រ​នាង​លើ​បណ្តាញ​សង្គម​ក៏​មិនតិច​ដែរ​។​នាង​ជាតា​រា​ដែល​ឧស្សាហ៍​មានគំនិត​អប់រំ​ជាច្រើន​បង្ហាញ​លើ​ហ្វេ​ស​ប៊ុ​ក​។ ការងារ​សិល្បៈ​សម្រាប់​នាង ជា​ពិធី​ការិនី​នេះ មាន​ទីផ្សារ​ខ្លាំង​គ្រាន់បើ​។​នាង​លេចមុខ​ក្នុង​កម្មវិធី​ជាច្រើន មិន​ថា​ការប្រគំ​តន្ត្រី​ឡើយ​តែ កម្មវិធី​សិល្បៈ​ផ្សេងៗ​និង​សង្គម នាង​ក៏​ឧស្សាហ៍​ទទួលបាន​ផងដែរ​។ កញ្ញា ជី​មមី ក៏​ជា​តារា​ស្រី​ដែល​លេចធ្លោ ជាតា​រា​សិច​ស៊ី​ខ្លាំង​មួយរូប ដែល​ទទួល​ការគាំទ្រ​និង​ពេញចិត្ត​ពី​ប្រុសៗ​៕ ​ដោយៈ បូ​រិ​ន​