ពូ​ទីន​អួត​ជំនាញ​ធ្វើ​ម្ហូប នៅ​ប្រទេស​ចិន​

909
ចែករម្លែក
  • 58
    Shares

​ប្រធានាធិបតី​រុស្ស៊ី​លោក វ្លា​ឌី​មៀរ ពូ​ទីន បាន​ចូលរួម​ក្នុង​ការធ្វើ​ម្ហូប​ចិន​អំឡុង​ដំណើរ​ទស្សនកិច្ច​របស់​គាត់​ទៅកាន់​ប្រទេស​អាស៊ី​មួយ​នេះ​។​

​ក្នុងអំឡុង​កិច្ចប្រជុំ​របស់​ពួកគេ​នៅក្នុង​ទីក្រុង​ធាន​ជីន ប្រធានាធិបតី​រុស្ស៊ី លោក វ្ល៉ា​ឌី​មៀរ ពូ​ទីន និង សម​ភាគី​ចិន លោក​ស៊ី ជីន​ពីង បានផ្តល់​ឱ្យ​ទស្សនិកជន​នូវ​អ្វីមួយ​ដើម្បី​ទទួលទាន​។

​នៅពេល​មេដឹកនាំ​ទាំង​២​បាន​ភ្លក្ស​រសជាតិ​អាហារ​ប្រពៃណី​បុរាណ​ចិន លោក​ប្រធានាធិបតី​រុស្ស៊ី​បាន​ចូលរួម​ក្នុង​ការធ្វើ​នំ​គៀវ​ញាត់​ស្នូល​សាច់​និង​បន្លែ​។ សមាជិក​ម្នាក់​នៃ​គណៈប្រតិភូ​ចិន​បាន​សរសើរ​យ៉ាងខ្លាំង​នូវ​ជំនាញ​ធ្វើ​ម្ហូប​របស់​ពូ​ទីន​។​

​លោកពូ​ទីន​កំពុង​ចូលរួម​ក្នុង​កិច្ចប្រជុំ​កំពូល​នៃ​អង្គការ​កិច្ចសហប្រតិបត្តិការ​សៀង​ហៃ (SCO) ដែល​បានចាប់ផ្តើម​នៅក្នុង​ទីក្រុង ឈី​ង​តាវ កាលពី​ថ្ងៃទី ៩ មិថុនា​។​

​អំឡុង​កិច្ចប្រជុំ​កំពូល​នេះ មេដឹកនាំ​នៃ​បណ្តា​ប្រទេស SCO នឹង​ពិភាក្សា​លើ​បញ្ហា​នានា​ដូចជា ពាណិជ្ជកម្ម​សកល និង​ការប្រឆាំង​ភេរវកម្ម រួច​ហើយនឹង​ចុះហត្ថលេខា​លើ​ឯកសារ​សំខាន់​មួយចំនួន​ស្តីពី​កិច្ចសហប្រតិបត្តិការ​ព​ន្ធ​គយ ពាណិជ្ជកម្ម កសិកម្ម ទេសចរណ៍ និង​គោលនយោបាយ​បរិស្ថាន​៕ ដោយ៖ កញ្ញាដាលីស

លោកពូ​ទីន ធ្វើ​នំ​គៀវ ឱ្យ​មេដឹកនាំ​ចិន​និង​មេដឹកនាំ​ដទៃទៀត​ភ្លក្សមើល កាលពី​ថ្ងៃអាទិត្យ