ព្យុះ​ឡេ​គី​ម៉ា​សម្លាប់​មនុស្ស​២៨​នាក់​នៅ​ចិន​និង​២០​នាក់​បាត់​ខ្លួន​

328
ចែករម្លែក

​ចំនួន​មនុស្ស​ស្លាប់​ពី​ព្យុះ ឡេ​គី​ម៉ា បាន​កើន​ដល់​២៨​នាក់​នៅ​ចិន​ខាងកើត នេះ​បើ​តាម​ការបញ្ជាក់​ពី​អាជ្ញាធរ​កាលពី​ថ្ងៃអាទិត្យ​ទី​១១​សីហា នៅពេល​ក្រុម​ជួយ​សង្គ្រោះ​បន្ត​តាមរក​​អ្នក​នៅ​បាត់​ខ្លួន​ប្រមាណ​២០​នាក់ ក្រោយ​ពី​ព្យុះ​នាំ​មក​ទឹកភ្លៀង​និង​បង្ក​ការបា​ក់ដី ហើយ​បង្ខំ​អោយ​មនុស្ស​ជាង​១​លាន​នាក់​ភៀសខ្លួន​។​

​ព្យុះ​កំណាច​នេះ​បាន​ទៅ​ដល់​ក្រុង​វេន​លី​ញ​នៅ​ដើម​ថ្ងៃ​សៅរ៍ ជាមួយ​ល្បឿន​ខ្យល់​១៨៧​គីឡូម៉ែត្រ​ក្នុង​មួយ​ម៉ោង និង​នាំ​រលក​ធំៗ​វាយប្រហារ​ឆ្នេរ​។​

​កាលពី​ថ្ងៃ​សៅរ៍​ទូរទស្សន៍​ជាតិ​CCTV បាន​និយាយថា​មនុស្ស​១៨​នាក់​បាន​ស្លាប់​ក្នុង​បំណាក់​ដី​មួយ បង្ក​ឡើង​ពី​ភ្លៀង​នៅ​ក្រុង វេន​ចូ​វច​ម្ងាយ​ប្រមាណ​៤០០​គីឡូម៉ែត្រ​ពី​ក្រុង​សៀង​​ហៃ​។​

​រូប​កាលពី​ថ្ងៃអាទិត្យ​បង្ហាញ​កម្មករ​ជួយ​សង្គ្រោះ​បន្ត​ស្វែងរក​អ្នក​បាត់​ខ្លួន​ក្នុង​បំណាក់​ដី​

​គេ​នៅ​មិនទាន់​ដឹង​ច្បាស់​ថា​តើ​ការស្លាប់​មនុស្ស​១០​នាក់​ទៀត​ដែល​ត្រូវបាន​ប្រកាស​កាលពី​ថ្ងៃអាទិត្យ​ត្រូវ​បាន​រាប់បញ្ចូល​ក្នុង​តួលេខ​ខាងលើ​ដែរ​ឬ​អត់ តែ​មនុស្ស​២០​នាក់​ទៀត​នៅ​​កំពុង​បាត់​ខ្លួន​និង​ការងារ​ស្វែងរក​និង​ជួយ​សង្គ្រោះ​កំពុង​បន្ត​ធ្វើ​។​

​បើតាម​ទីភ្នាក់ងារ​សារព័ត៌មាន​ស៊ីន​ហួរ មនុស្ស​ជាង​១​លាន​នាក់​ត្រូវបាន​ជម្លៀស​ចេញពី​ផ្ទះ​របស់​គេ​នៅមុន​ព្យុះ​មកដល់ ហើយ​ប្រមាណ​១១០.០០០​នាក់​កំពុង​សម្រាក​នៅក្នុង​ជម្រក​​បណ្តោះអាសន្ន​៕​ដោយ​៖​វាសនា​

ក្រុង​សៀង​ហៃ​ក៏​រង​ឥទ្ធិពល​នៃ​ព្យុះ ឡឹ​គី​ម៉ា​