ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក​នៅ​ថ្ងៃទី​២​ដល់​៤​វិច្ឆិកា​

758

(​ភ្នំពេញ​)៖​នៅ​រសៀល​ថ្ងៃទី​៥​ខែតុលា​ឆ្នាំ​២០១៧​នៅ រដ្ឋបាល​រាជធានី​ភ្នំពេញ​បាន​បើក​កិច្ចប្រជុំ​ស្តីពី​ការបង្កើត​គណៈកម្មការ​និង​អនុគណៈកម្មការ​ទទួល​បន្ទុក​រៀបចំ​ព្រះ​រាជធានី​បុណ្យអុំទូក បណ្តែតប្រទីប និង​សំពះ​ព្រះ​ខែ អកអំបុក​និង​ការរៀបចំ​ខួប​អនុស្សាវរីយ៍​លើក​ទី​៦៤​នៃ​ទិវា​បុណ្យ​ឯករាជ​ជាតិ ០៩​វិច្ឆិកា​និង​ទិវា​កំណើត​នៃ​កងយោធពល​ខេមរភូមិន្ទ​ឆ្នាំ ២០១៧ ខណៈដែល​ពិ​ធិ​បុណ្យអុំទូក បណ្តែតប្រទីប និង​សំពះ​ព្រះ​ខែ អកអំបុក​ដែល​នឹងត្រូវ​ប្រារព្វ​ធ្វើឡើង នៅ​ថ្ងៃទី​២​ដល់​ថ្ងៃ​៤​ខែវិច្ឆិកា​ឆ្នាំ​២០១៧​នេះ​។​


​ ​
​កិច្ចប្រជុំ​នេះ​នឹងត្រូវ​ធ្វើឡើង​នៅ​សាលា​រាជធានី​ភ្នំពេញ ក្រោម​អធិបតីភាព​លោក​មាន ចាន់ យ៉ា​ដា​និង​លោក​កើត ឆែ អភិបាលរង​រាជធានី​តំណាង​លោក​ឃួ​ង ស្រេង​អភិបាល​រាជធានី​ភ្នំពេញ​និង​ដោយមាន​ការចូលរួម​ពី​លោក ស្នងការរង​រាជធានី និង​មេបញ្ជាការរង​កងរាជអាវុធហត្ថ​រាជធានី​ភ្នំពេញ​និង​លោក​អភិបាល​និង​អភិបាលរងខណ្ឌ​ទាំង​១២​មន្ទីរ​ពាក់ព័ន្ធ​ទាំងអស់​ព្រមទាំង​មានការ​ចូលរួម​ពី​ស្ថាប័ន​ពាក់ព័ន្ធ​មួយចំនួនទៀត​។​
​ ​
​ក្នុង​កិច្ចប្រជុំ​នោះ​លោក មាន​ចាន់​យ៉ា​ដា អភិបាលរង​រាជធានី​ភ្នំពេញ​និង​ជា​ប្រធាន​អនុគណៈកម្មការ​ការពា​រ​រក្សា​សន្តិសុខ​របៀបរៀបរយ​សណ្ដាប់ធ្នាប់​សង្គម​ចរាចរណ៍​សង្គ្រោះ​ទូក​លិច​និង​អ្នកជំងឺ​បានលើកឡើង​ថា​៖​ដើម្បី​ត្រៀមលក្ខណៈ​សម្រាប់​ព្រះរាជ​ពិធីបុណ្យ​អុំទូក បណ្ដែតប្រទីប និង​អកអំបុក សំពះ​ព្រះ​ខែ ឆ្នាំ​២០១៧ ខាងមុខនេះ លោក​ឃួ​ង ស្រេង អភិបាល​រាជធានី​ភ្នំពេញ​បាន​ណែនាំ​ឱ្យមាន​ការប្រជុំ​ត្រួតពិនិត្យ​ការងារ​លម្អិត ដើម្បី​រក្សាបាន​សន្តិសុខ សណ្ដាប់ធ្នាប់ សុវត្ថិភាព​ជូន​បងប្អូន​ប្រជាពលរដ្ឋ​ដែល​ចូលរួម​លំហែ​កម្សាន្ត​ក្នុងឱកាស​ព្រះរាជ​ពិធីបុណ្យ​។​
​ ​
​ក្នុងនោះ​សាលា​រាជធានី​ភ្នំពេញ​បាន​ចាត់ចែង​កម្មវិធី​សម្ដែង​សិល្បៈ​ជូន​ប្រជាពលរដ្ឋ​ទស្សនា​កម្សាន្ត​សប្បាយ​ចំនួន​៤​ទីតាំង ទី​១​នៅ​សួនច្បារ​មុខ​វត្ត​បុ​ទុម​វ​ត្តី​ ​ទី​២​សួនច្បារ​សម្ដេច​ហ៊ុនសែន​។​ចំណែក​នៅ​ត្រើយ​ខាងកើត​គឺ​ទី​៣​នៅត្រង់​រូបសំណាក​ព្រះ​នាង​ប្រាជ្ញា​បារមី​និង​ទី​៤​នៅ​មជ្ឈមណ្ឌល​ពិ​ព័​ណ៍​កោះ​ពេជ្រ​។​

​គួរ​បញ្ជាក់ថា​៖​ទូក​ទូទាំងប្រទេស​នៅ​ឆ្នាំ​២០១៦​មាន​ចំនួន​២៥៤​គូ​មក​ប្រណាំង​នៅ​ភ្នំពេញ​តែ​ឆ្នាំ​២០១៧​នេះ​មាន​ចំនួន​២៧០​គូ​ច្រើនជាង​ឆ្នាំមុន​។​ព្រះរាជ​ពិធីបុណ្យ​អុំទូក បណ្តែតប្រទីប សំពះ​ព្រះ​ខែ​និង​អកអំបុក​ឆ្នាំនេះ នឹង​ប្រព្រឹត្តទៅ​រយៈពេល​៣​ថ្ងៃ​ពីថ្ងៃ​ទី​២​ដល់ទី​៤​វិច្ឆិកា ឆ្នាំ​២០១៧​តាម​ដង​ទន្លេសាប មុខ​ព្រះបរមរាជវាំង​។​

​អាជ្ញាធរ​រាជធានី​ភ្នំពេញ បាន​ណែនាំ​ឲ្យ​មន្ទីរ​សាធារណៈកា និង​ដឹកជញ្ជូន​រាជធានី​ភ្នំពេញ​រៀបចំ​ជា​រោងស្នាក់នៅ​របស់​កំលាំង​ចំណុះ​ទូក​ដែល​នឹង​មក​ចូលរួម រួមទាំង​ការរៀបចំ​បង្គន់​អនាម័យ ប្រព័ន្ធ​ទឹក ភ្លើង​ឲ្យ​បាន​សមរម្យ​ផងដែរ​។ ទីតាំង​សំរាប់​ចំណុះ​ទូក​ស្នាក់នៅ​ឆ្នាំនេះ​គឺ​ស្ថិតនៅ​ប៉ែក​ខាងជើង​ស្ពាន​ជ្រោយចង្វារ​ទាំងអស់ ដោយ​មិន​អនុញ្ញាតិ​ឲ្យ​មក​ស្នាក់នៅ ឬ​សំចត​នៅ​ប៉ែក​ខាងត្បូង​ស្ពាន​ទេ​៕​ដោយ​៖​រ៉ា​ម៉ន​/sn