ព្រះសង្ឃ​អាចារ្យ​និង​ពុទ្ធបរិស័ទ​បំភ្លឺ​ករណី​ឈើ​ក្នុង​វត្ត​ព្រះខ័ន​និង​លោកគ្រូ​ស៊ុ​ឈុំ​ប៊ុន​

831
ចែករម្លែក

​ដោយៈ​សៅ​វ៉ាន់ឌី​/​ព្រះ​វិហារៈ​បន្ទាប់ពី​គេហទំព័រ​រស្មី​កម្ពុជា​បាន​ចុះផ្សាយ​នៅ​ថ្ងៃទី​៥​ខែឧសភា​ឆ្នាំ​២០១៩​ស្តីពី​”​យក​ឈើ​មក​ស្តុក​ក្នុង​បរិវេណ​វត្ត​ក្រោមរូបភាព​ទុក​កសាង​វត្ត​ការពិត​សម្រាប់​នាំចេញ​”​។​ក្នុងនោះ​មានឈ្មោះ​លោកគ្រូ​ស៊ុ​ឈុំ​ប៊ុន​ថា​បាន​ពាក់ព័ន្ធ​ទៅលើ​ឈើ​នេះ​។​

​ក្រោយមក​ព្រះសង្ឃ​អាចារ្យ​និង​ពុទ្ធបរិស័ទ​បាន​បំភ្លឺសេចក្តី​លម្អិត​នៅលើ​ការយល់​ខុស​ចំពោះ​លោកគ្រូ​ស៊ុ​ឈុំ​ប៊ុន​ថា​បាន​ពាក់ព័ន្ធ​ទៅលើ​ឈើ​សម្រាប់​កសាង​ព្រះវិហារ​និង​សមិទ្ធផល​នានា​នៅក្នុង​វត្ត​ប្រាសាទព្រះខ័ន​ហៅ​វត្ត​តា​សែង​ស្ថិតក្នុង​ភូមិ​តា​សែង​ឃុំ​រណ​សិ​រ្យ​ស្រុក​សង្គម​ថ្មី​ខេត្តព្រះវិហារ​។​

​ការបកស្រាយ​មាន​ដូចតទៅៈ​អាត្មាភាព​យើងខ្ញុំ​ជា​ព្រះសង្ឃ​អាចារ្យ​គណៈកម្មការ​និង​ពុទ្ធបរិស័ទ​ចំណុះជើងវត្ត​ប្រាសាទព្រះខ័ន​និង​ប្រជាជន​នៅ​ឃុំ​រណៈ​សិ​រ្យ​ស្រុក​សង្គម​ថ្មី​ខេត្តព្រះវិហារ​សូម​បំភ្លឺ​ទៅលើ​ករណី​លោកគ្រូ​ស៊ុ​ឈុំ​ប៊ុន​ដែល​ចុះផ្សាយ​លើ​សារព័ត៌មាន​មួយចំនួន​បាន​ចុះផ្សាយ​ក្នុង​ចន្លោះ​ថ្ងៃទី​៤​ខែឧសភា​ឆ្នាំ​២០១៩​ដល់​ថ្ងៃទី​៦​ខែឧសភា​ឆ្នាំ​២០១៩​។​

​លោកគ្រូ​ស៊ុ​ឈុំ​ប៊ុន​បាន​ចុះមក​ស្រាវជ្រាវ​នៅ​តំបន់​ប្រាសាទព្រះខ័ន​កំពង់ស្វាយ​នេះ​តាំងពី​ឆ្នាំ​២០០៥​កន្លងមក​។​គាត់​ចាប់ផ្តើម​ជួយ​ប្រជាជន​នៅ​តំបន់​នេះ​ជា​សមិទ្ធផល​ជាច្រើន​ដូចជា​ចាក់ដី​ជួសជុល​ទំនប់​ប្រដាក​សរុប​ចំនួន​២៥.០០០​ឡាន​។​

រួមចំណែក​កសាង​ទ្វារ​ទឹក​ចំនួន​បី​កន្លែង​ដែល​ផ្តល់ជូន​ប្រជាជន​នៅ​តំបន់​នេះ​អាចធ្វើ​ចរាចរ​បរ​ឡាន​ដឹក​កសិផល​។​លើក​ទំនប់​និង​បូម​ទឹកបាន​ក៏​ជា​ប្រ​យោ​ជ​ន៏​ដល់​ការបង្កបង្កើន​ផលរប​ស់​ពលរដ្ឋ​ផងដែរ​។​ក្នុង​នោះបាន​កសាង​ស្តូប​ព្រះបាទ​ជ័យវរ្ម័ន​ទី​៧​ចំនួន​១​កន្លែង​និង​សាលាសំណាក់​សម្រាប់​ប្រជាជន​និង​អ្នកទេសចរ​ណ៏​បាន​ស្នាក់អាស្រ័យ​បាន​កម្សាន្ត​រហូតមកទល់​សព្វថ្ងៃ​។​

​ការបំភ្លឺ​បាន​បន្តថា​លោកគ្រូ​ស៊ុ​ឈុំ​ប៊ុន​បាន​កសាង​អណ្តូងទឹក​ជាច្រើន​សិបក​ន្លែ​ង​ជូន​ប្រជាពលរដ្ឋ​និង​វត្ត​អារាម​បាន​កៀងគរ​និង​ដឹកនាំ​ពុទ្ធបរិស័ទ​ជិត​ឆ្ងាយ​ធ្វើបុណ្យ​កឋិនទាន​បុណ្យផ្កា​ប្រាក់​សាមគ្គី​ជា​រៀងរាល់ឆ្នាំ​ដើម្បី​ប្រមូល​បច្ច័យ​យកទៅ​កសាង​សមិទ្ធផល​នានា​ក្នុង​វត្ត​បាន​ដូចជា​សាលាឆាន់​កុដិ​សាលាឆទាន​។​

បាន​ចែក​អំណោយ​មានដូចជា​អង្ករ​សារុង​គ្រឿង​ឧបភោគបរិភោគ​សៀវភៅ​ប៊ិច​ជាច្រើនលើក​ច្រើនសារ​និង​ចែក​អំណោយ​ដល់​យាយជី​តាជី​គណកម្មការ​អាចារ្យវត្ត​រាងរាល់​បុណ្យទាន​និង​ការជួប​ជុំគ្នា​ម្តងៗ​។​បាន​ដឹកនាំ​កសាង​ព្រះវិហារ​ដែល​សំណង់​បាន​លើសពី​៥០​ភាគរយ​។​ប្រក់​បំពាក់​ក្បាច់​ក្រាល​ឈើ​ពាស​ជញ្ជាំង​ទ្វារ​ដោយ​ឈើ​កំពុង​កសាង​បណ្តើរៗ​ដែល​អាច​ហើយ​រួចរាល់​នៅ​ឆ្នាំ​២០២១​ខាងមុខនេះ​។​

​សមិទ្ធផល​ជាច្រើន​ទៀត​ដែល​លោកគ្រូ​ស៊ុ​ឈុំ​ប៊ុន​តែងតែ​ខ្នះខ្នែង​ជួយឧបត្ថម្ភ​ទាំង​វិស័យ​ពុទ្ធចក្រ​និង​អាណាចក្រ​ក្នុង​ឃុំ​រណ​សិ​រ្យ​ស្រុក​សង្ក​ម​ថ្មី​ខេត្តព្រះវិហារ​តាំងពី​ឆ្នាំ​២០០៧​រៀងមក​រហូតដល់​ប​ច្ចុ​ប្បន្ន​ដែលជា​សមិទ្ធផល​ដ៏​ច្រើន​និង​ជា​រៀងរាល់ឆ្នាំ​។​

​លោកគ្រូ​ស៊ុ​ឈុំ​ប៊ុន​រឿង​ទិញ​ឈើ​សម្រាប់​កសាង​ព្រះវិហារ​និង​សមិទ្ធផល​ក្នុង​វត្ត​ប្រាសាទព្រះខ័ន​គឺជា​មតិ​ឯកភាព​ពី​អាចារ្យ​គណៈកម្មការ​វត្ត​ដែលជា​អ្នកចាត់ចែង​ទិញ​និង​គ្រឿងសំណង់​ផ្សេងៗ​។​លោកគ្រូ​ស៊ុ​ឈុំ​ប៊ុន​មិនដែល​បាន​ប្រព្រឹត្ត​អំពើ​ជួញដូរ​ឈើ​ឬ​ទិញ​ដី​រាន​ព្រៃ​បំផ្លាញ​ព្រៃឈើ​នៅ​តំបន់​នេះ​ទេ​។​ក៏​មិនមាន​ភស្តុតាង​ណា​ដែល​បង្ហាញថា​លោកគ្រូ​ប្រព្រឹត្ត​អំពើ​ជួញដូរ​លក់​ឈើ​អ្វី​សោះឡើយ​។​

​មានតែ​លោកគ្រូ​ស៊ុ​ឈុំ​ប៊ុន​តែង​ណែ​នាំឱ្យ​អាជ្ញាធរ​ឃុំ​គណៈកម្មការ​វត្ត​ចាប់​ឱ្យបាន​នូវ​ជនខិលខូច​ដែល​លួច​ឈើ​ឬ​វត្ថុ​គរុ​ភ័​ណ្ឌ​ក្នុង​វត្ត​នេះ​និង​តែង​ប្រកាស​ថាបើ​បងប្អូន​ណា​ចាប់​អ្នក​លួច​ឈើ​បាន​និង​ផ្តល់នូវ​រង្វាន់​គិត​តាម​តម្លៃ​ឈើ​ដល់​អ្នក​ដែល​តាម​ចាប់បាន​ឈើ​នោះ​មកវិញ​។​

ពាក្យ​ច​ចាម​អារាម​ដែលមាន​ប៉ះពាល់​ទៅដល់​កិត្តិយស​លោកគ្រូ​ស៊ុ​ឈុំ​ប៊ុន​ថា​គាត់​ជា​ឈ្មួញ​ឈើ​តាំងពី​ឆ្នាំ​២០១៥​រហូតដល់​បច្ចុប្បន្ន​។​ឈើ​ដែលជា​ថវិការ​បុណ្យ​មិនបាន​កសាង​វត្ត​មួយ​កន្ទុយ​គឺជា​ការ​ប្រឌិត​មូល​បង្កាច់​លោកគ្រូ​ស៊ុ​ឈុំ​ប៊ុន​និង​វត្ត​ប្រាសាទព្រះខ័ន​ខុសពី​ការពិត​ទាំងស្រុង​។​

​សរុបសេចក្តី​មក​លោកគ្រូ​ស៊ុ​ឈុំ​ប៊ុន​ជា​អ្នកចូលរួម​ចំណែក​កសាង​វិស័យ​ពុទ្ធចក្រ​និង​អាណាចក្រ​នៅ​ឃុំរ​ណ​សិ​រ្យ​ស្រុក​សង្គម​ថ្មី​ខេត្តព្រះវិហារ​យ៉ាង​ប្រសើរ​គួរ​ជាទីគោរព​ស្រឡាញ់​។​ពិសេស​គឺជា​ការលះបង់​របស់លោក​គ្រូ​ស៊ុ​ឈុំ​ប៊ុន​ជាង​១០​ឆ្នាំកន្លងមក​នេះ​ជា​រៀងរាល់ឆ្នាំ​ក្នុងការ​ផ្តួចផ្តើម​ធ្វើបុណ្យ​កឋិនទាន​និង​ពិធី​ផ្សេងៗ​ជា​គុណ​ប្រ​យោ​ជ​ន៏​ដល់​សង្គមជាតិ​។​

​អាត្មាភាព​យើងខ្ញុំ​សូម​បដិសេធ​នូវ​ការចោទប្រកាន់​លោកគ្រូ​ស៊ុ​ឈុំ​ប៊ុន​លើផ្លូវ​អវិជ្ជមាន​ទាំងស្រុង​។​ខាងក្រោម​នេះ​ជា​ស្នាម​មេដៃ​ដែល​គាំទ្រ​នូវ​ទង្វើ​ល្អ​សប្បុរស​និង​ការខិតខំ​ចំណាយ​ទាំង​ធន់​ធាន​ទ្រព្យសម្បត្តិ​និង​កម្លាំងកាយ​ចិត្ត​របស់លោក​គ្រូ​ស៊ុ​ឈុំ​ប៊ុន​៕S/​

គំនរឈើដែលអ្នកសារព័ត៌មានយល់ថាសម្រាប់នាំចេញតែជាឈើសម្រាប់ទុកធ្វើវត្ត