ភ្លៀង​ធ្លាក់​ខ្លាំង​បណ្តាលឱ្យ​ផ្លូវ​នៅ​ទីក្រុង​ប៉ា​គី​ស្ថាន​ក្លាយជា​ទន្លេ ហើយ​មនុស្ស​៦​ស្លាប់​

3012
ចែករម្លែក

​មន្ត្រី​ម្នាក់​បាន​និយាយ​កាលពី​ថ្ងៃ​អង្គារ​ទី​៣​កក្ក​ថា​ថា​ភ្លៀង​ធ្លាក់​ខ្លាំង​បំផុត​ក្នុង​រយៈពេល​៣៨​ឆ្នាំ​ចុង​ក្រោយនេះ បានធ្វើឱ្យ​ផ្លូវថ្នល់​ក្លាយជា​ទន្លេ នៅ​ទីក្រុង​ឡា​ហ័​រ​ភាគ​​ខាងកើត​នៃ​ប្រទេស​ប៉ា​គី​ស្ថាន​ដែល​បានធ្វើអោយ​ទោចក្រយានយន្ត​និង​រថយន្ត​ជាប់គាំង​ទៅមុខ​មិន​រួច​ដោយសារ​រលត់​ម៉ាស៊ីន​និង​បណ្តាលឱ្យ​ស្លាប់​មនុស្ស​៦​នាក់​។​

​អ្នកនាំពាក្យ​ក្រុម​អ្នក​សង្គ្រោះបាន​និយាយថា ការបាក់​ដំបូលផ្ទះ​សម្លាប់​មនុស្ស​យ៉ាងតិចណាស់​៤​នាក់ និង ២​នាក​ផ្សេងទៀត​បាន​ស្លាប់​ដោយ​ឆក់​ចរន្តអគ្គិសនី​នៅក្នុង​​ហេតុការណ៍​ដែល​ទាក់ទង​នឹង​ភ្លៀង​ធ្លាក់​ខ្លាំង​នេះ ។​

​លោក បាន​និយាយថា ក្រុម​អ្នក​សង្គ្រោះ បាន​ប្រើប្រាស់​ទូក​ដើម្បី​ជួយសង្គ្រោះ​មនុស្ស​ច្រើន​នាក់​ខាងក្រៅ​ទីក្រុង​ឡា​ហ័​រ ដែល​បាន​ជាប់​ទៅណា​មិន​រួច​នៅក្នុង​ទឹក ។​

​ពួក​អ្នកធ្វើដំណើរ​បាន​និយាយថា ការធ្វើដំណើរ​ធ្លាប់តែ​ប្រើពេល​៥​នាទី បែរជា​ចំណាយពេល​ជាង​២​ម៉ោង​ដោយសារ​ផ្លូវទឹក​លិច​។​

​មន្ត្រី​គ្រប់គ្រង​ផែ្ន​ក​ឧតុនិយម​ប៉ា​គី​ស្ថាន​បាន​និយាយប្រាប់​សារព័ត៌មាន​រ៉​យ​ទ័​រថា​ភ្លៀង​ធ្លាក់​ខ្លាំង​បំផុត​ក្នុង​រយៈពេល ៣៨​ឆ្នាំ​ចុង​ក្រោយនេះ នៅ​ទីក្រុង​ឡា​ហ័​រ​ ក្នុង​រយៈពេល​២៤​ម៉ោង​រហូតដល់​ថ្ងៃ​អង្គារ ៕ដោយ៖សុខា/SN

អ្នកដំណើរ​ដើរកាត់​ទឹកជំនន់​ដែល​លិច​ផ្លូវ​ក្នុងអំឡុង​ភ្លៀង​ខ្លាំង​នៅ​ទីក្រុង​ឡា​ហ័​រ​