មកពី​ដាំដំឡូង ផឹកស្រា​រួច​យក​បុ័ងតោ​អា​រក​ខ្លួនឯង​ជិត​ដាច់​

1022
ចែករម្លែក

​ដោយ​: សាត​ចាន់​បុត្រ / មណ្ឌលគិរី​: បុរស​ជា​កម្មករ​ម្នាក់​មិនទាន់​ស្គាល់​អត្តសញ្ញាណ កំពុងស្ថិត​ក្រោម​ការជួយ​សង្គ្រោះ​ពី​គ្រូពេទ្យ​មណ្ឌល​សុខភាព​អូរ​អាម ក្រោយពេល​ព្យាយាម​យក​បុ័ងតោ​អា​រក​ខ្លួនឯង នៅ​ព្រឹក​ថ្ងៃទី​១១​ខែឧសភា​ឆ្នាំ​២០១៨​នេះ នៅ​ភូមិ​ឆ្នែង​ឃុំ ស្រែ​ខ្ទុ​ម ស្រុក​កែវ​សីមា ខេត្តមណ្ឌលគិរី​។

​ម្ចាស់​ចម្ការ​ដំឡូង​មី​ម្នា​ក់បាន​ប្រាប់ថា បុរស​ខាងលើ​ជា​កម្មករ​របស់គាត់ តែ​មិនបាន​ស្គាល់ឈ្មោះ​។ នៅ​មុនពេល​កើតហេតុ ជនរងគ្រោះ​បាន​ទៅ​ចម្ការ​ស៊ីឈ្នួល​ដាំដំឡូង​របស់គាត់ តែ​បាន​វិល​មក​ផ្ទះ​វិញ​មុនគេ ហើយ​ផឹកស្រា មិនដឹង​ជា​កើតរឿង​អី​ទេ ជនរងគ្រោះ​នេះ​ក៏​យក​កាំបិត​បុ័​តោ​អា​រក​ខ្លួនឯង​តែម្តង​។ ក្រោយ​កើតហេតុ ម្ចាស់​ចម្ការ​បាន​យក​រ៉ឺម៉ក​ម៉ូតូ​ដឹក​មកជួយ​សង្គ្រោះ​ដែរ​។

​គ្រូពេទ្យ​ថា ស្ថានភាព​របួស​ជនរ​ង​គ្រោះ​ធ្ងន់ធ្ងរ​ខ្លាំងណាស់ មានសង្ឃឹម​តិចតួច​។ នៅ​ម៉ោង​ប្រមាណ​១​រសៀល​ថ្ងៃ​ដដែល​នេះ ក្រុមគ្រួសារ​ជនរងគ្រោះ​បាន​មកដល់​មន្ទីរពេទ្យ និង​បាន​ដឹក​ជនរងគ្រោះ​តាម​រថយន្ត​ចេញទៅ តែ​មិនដឹងថា​ទៅណា​?៕ ល​