មតិ​របស់​មិត្ត​ខ្មែរ​

396
ចែករម្លែក

-​កូវ សុខ​ឡុង (​ពាណិជ្ជករ​ខ្មែរ​ដែល​ចូលរួម​ពិព័រណ៍​ពាណិជ្ជកម្ម​)

​នេះ​ជា​លើក​ទី ៥ ដែល​ខ្ញុំ​ចូលរួម​ពិព័រណ៍​នៅទីនេះ ។ ទោះជា​ពិព័រណ៍​ចិន​-​អាស៊ី ខាងត្បូង ឬ​ពិព័រណ៍​ពាណិជ្ជកម្ម ខ្ញុំ​ជា​មិត្ត​ចាស់​របស់​ក្រុង​គុន​មីង​ហើយ ។ ខ្ញុំ​ជា​ពាណិជ្ជ ករ​ដែល​ចូលរួម​ពិព័រណ៍ ហើយក៏​ជា​អ្នកទទួលផល​ប្រយោជន៍​ដែរ ។ ការរៀបចំ​ពិព័រណ៍ មិន​គ្រាន់តែ​អាច​ជំរុញ​វិបុលភាព និង​ការអភិវឌ្ឍន៍​ប៉ុណ្ណោះ​ទេ ថែមទាំង​បាន​នាំមក​នូវ ជីវភាព​រស់នៅ​ដែល​ប្រកបដោយ​ភាពសប្បាយ​រីករាយ​ទៀតផង ។​

​ក្នុង​ពិព័រណ៍​ចិន​-​អាស៊ី​ខាងត្បូង​ឆ្នាំទៅ ខ្ញុំ​បាន​ស្គាល់​បច្ចេកទេស​“​ស្គេ​ន​មុខ​មនុស្ស​” ហើយ​នៅតែ​ចាំបាន​ច្បាស់​ណាស់ ។ ឆ្នាំនេះ នៅពេល​ខ្ញុំ​បានដឹងថា​នឹង​អាចមក​ចូល រួម​ពិព័រណ៍​ម្តងទៀត ខ្ញុំ​ពិតជា​សប្បាយ​យ៉ាងខ្លាំង ។

​ខ្ញុំ​មាន​ចំណាប់អារម្មណ៍​ចំពោះ​បច្ចេកទេស​សេវា ៥G ។ ពេល​នៅ​ស្រុក​ខ្មែរ ខ្ញុំ​បានឮ​គេ និយាយថា​ប្រទេស​ចិន​កំពុង​អភិវឌ្ឍ​បណ្តាញ​សេវា ៥G ។ វា​មិន​ត្រឹម​តែមាន​ល្បឿន លឿន ប៉ុណ្ណោះ​ទេ ហើយនឹង​ធ្វើឱ្យ​ជីវភាព​រស់នៅ​របស់​យើងទាំងអស់គ្នា​មានការ ផ្លាស់ប្តូរ​ច្រើន​គួរឱ្យកត់សម្គាល់ ។ ខ្ញុំ​មុខជា​នឹង​ទៅ​សាកល្បង​ម្តង ។​

-​វ៉ាន់ ម៉ា​រ៉ា​ឌី (​ពាណិជ្ជករ​ខ្មែរ​ដែល​ចូលរួម​ពិព័រណ៍​ពាណិជ្ជកម្ម​) ខ្ញុំ​តែងតែ​ទទួលផល ប្រយោជន៍​ច្រើន​តាមរយៈ​ការចូលរួម​ការតាំងពិព័រណ៍​ជា​រៀងរាល់ឆ្នាំ ។ ជាពិសេស ខ្ញុំ​បាន​នាំយក​គ្រឿងប្រាក់ និង​វត្ថុ​សិប្បកម្ម​ខ្មែរ​មក​ចូលរួម​ពិព័រណ៍ ដែល​បានទទួល ការពេញនិយម​ពី​សំណាក់​អតិថិជន​ចិន និង​បាន​ត្រូវគេ​ទិញយក​ទៅ​ទាំងអស់ ។ សូម​អរគុណ​ខេត្ត​យូ​ណាន​ដែល​បានរៀបចំ​ពិព័រណ៍​ពាណិជ្ជ​កម្មនេះ ។ ពិព័រណ៍​នេះ បានផ្តល់​ឱកាស​ដល់​យើងខ្ញុំ​ដើម្បី​នាំយក​ផលិតផល​ខ្មែរ​មក​ប្រទេស​ចិន ។ ខ្ញុំ​ជឿជាក់ថា ខ្ញុំ​នឹង​អាច​ទទួលផល​ប្រយោជន៍​កាន់តែច្រើន​ថែមទៀត​ក្នុង​ពិព័រណ៍​ពាណិជ្ជ​កម្មនេះ ៕