មនុស្ស​១៧​នាក់​ស្លាប់​ដោយ​អគ្គិភ័យ​ឆេះ​សណ្ឋាគារ​នៅ​ឥណ្ឌា

366
ចែករម្លែក

​សារព័ត៌មាន​បារាំង​បាន​រាយការណ៍​ថា អគ្គិភ័យ​បាន​ឆាបឆេះ​នៅ​សណ្ឋាគារ Arpit Palace នៅ​ទីក្រុង​ញូវដែលី​កាលពី​ព្រឹក​ថ្ងៃ​អង្គារ​ទី​១២​ខែ​កុម្ភៈ​ខណៈ​សារព័ត៌មាន​ក្នុងស្រុក​បាន​​និយាយថា មនុស្ស​យ៉ាងតិចណាស់​ចំនួន​១៧​នាក់​បាន​ស្លាប់​និង​៤​នាក់​ផ្សេងទៀត​បាន​រងរបួស​ក្នុង​ហេតុការណ៍​ឆេះ​សណ្ឋាគារ​នេះ​។

​លោក Sunil Choudhary អនុប្រធាន​ការិយាល័យ​ពន្លត់​អគ្គិភ័យ បាន​និយាយថា ” អ្នករងរបួស​ទាំងនោះ​ត្រូវបាន​បញ្ជូន​ទៅ​មន្ទីរពេទ្យ​។ បុគ្គលិក​សណ្ឋាគារ​២​នាក់​បាន​លោត​​ចេញពី​ជាន់​ទី​៤​នៃ​សណ្ឋាគារ​នេះ​ដើម្បី​សង្គ្រោះ​ជីវិត​ខ្លួនឯង តែ​ស្ថានភាព​បុគ្គលិក​សណ្ឋាគារ​២​នាក់​នេះ មិនទាន​ដឹង​នៅឡើយ​ទេ​”​។​

​មូលហេតុ​នៃ​ការឆេះ​នេះ មិនទាន់​ត្រូវបាន​គេ​ដឹង​នៅឡើយ​ទេ ខណៈ​ក្រុម​អាជ្ញាធរ​បាន​ចាប់ផ្តើម​ធ្វើ​ការស៊ើបអង្កេត​។ មនុស្ស​៣៥​នាក់​ត្រូវបាន​សង្គ្រោះ​៕​ដោយ​៖​សុខា​/sn