មិន​ស្មានថា​ទម្លាប់​អង្គុយ​ទទួលទាន​បាយ​លើ​ឥដ្ឋ ផ្តល់​គុណប្រយោជន៍​ដ៏​អស្ចារ្យ​ចំពោះ​សុខភាព​សោះ​

1026

ពី​បុរាណ​មក​មនុស្ស​មាន​ទម្លាប់ អង្គុយ​ទទួលទាន​ផ្ទាល់​ដី ឬ​លើ​កម្រាល​ឥដ្ឋ ប៉ុន្តែ​បច្ចុប្បន្ន ទម្លាប់​នេះ​ត្រូវបាន​ប្តូរ​មកជា​ការ​អង្គុយ​លើ​កៅអី​វិញ ដែល​ការផ្លាស់ប្តូរ​ទម្លាប់​នេះ​អាច​មិនល្អ ។ នេះ​បើតាម​ការអះអាង​នៅក្នុង​របាយការណ៍​ស្រាវជ្រាវ​ថ្មី​មួយ ។
​ ​
​របៀប​អង្គុយ “​ប្រពៃណី​” នេះ មាន​ប្រភព​ដើមពី យូ​ហ្គា (Yoga) និង អា​យូ​វេ​ដា (Ayurveda) ដែល​អម​ជាមួយ នឹង​ផលប្រយោជន៍​សុខភាព​ត្រូវបាន វិទ្យាសាស្ត្រ​គាំទ្រ​។​ប្រសិន​មាន​អារម្មណ៍ មិន​ស្រួល​ពេល​អង្គុយ​លើ​ឥដ្ឋ​អ្នក​អាច អង្គុយ​លើ​កម្រាល ខ្នើយ ឬ ទ្រនាប់ ។​

​ខាងក្រោម​នេះ​ជា​ផលប្រយោជន៍ សុខភាព​ដែល​វិទ្យាសាស្ត្រ​ទទួលស្គាល់ៈ​

​ជំនួយការ​រំលាយ​អាហារ​
​កាយវិការ​អង្គុយពែនភ្នែន​ល្អ ប្រសើរ​សម្រាប់​ប្រព័ន្ធ​រំលាយ​អាហារ ។ ការ​កម្រើក​ចុះឡើង​របស់​ការ ពត់​ខ្លួន​ទៅ ផ្នែក​ខាងមុខ ដើម្បី​បរិភោគ​និង​ត្រឡប់ មក​ទីតាំង​អង្គុយ​ជួយ​ឱ្យ​សាច់ដុំ​ពោះ​បញ្ចោ​ញ សារជាតិ​រំលាយ​អាហារ ។​

​កាយវិការ​នេះ​នៅ​ជួយ​សាច់ដុំ​បានតឹង និង​បញ្ចៀស​លើសឈាម ។​
​ ​
បង្កើន​អាយុ​
​ការស្រាវជ្រាវ​មួយ​បាន​បង្ហាញថា លទ្ធភាព​ក្រោកឈរ​ពី​កន្លែង​អង្គុយ ផ្ទាល់​ឥដ្ឋ​ដោយ​មិន​ប្រើ​ជំនួយ ណាមួយ មាន​ប្រសិទ្ធភាព​បង្កើន​អាយុ ។ ប្រសិន មនុស្ស​ម្នាក់​ជួប​ការលំបាក​ក្នុងការ​ក្រោក ឈរ​ពេល​កំពុង​អង្គុយ​ផ្ទាល់​ដី​នោះ​មាន ហានិភ័យ​ស្លាប់​ក្នុង​រយៈពេល​៦​ឆ្នាំ​ខាង មុខ​ខ្ពស់ជាង​៦,៥​ដង ប្រៀប​នឹង​អ្នក​ក្រោកឈរ ដែល​ងាយស្រួល ។​
​ ​
​ធ្វើឱ្យ​ប្រសើរឡើង​កម្លាំង​និង ភាពបត់បែន​
​ការ​អង្គុយ​ផ្ទាល់​ឥដ្ឋ​ទាញ​បន្តឹង​សាច់ ដុំ​ត្រគាក ក្បាលជង្គង់ និង​ស្មងជើង ។ វា​ក៏​ធ្វើឱ្យ​កើន​កម្រិត បត់បែន​ពី​ឆ្អឹងខ្នង ស្មា និង​ទ្រូង​អាស្រ័យហេតុនេះ​អាច​បញ្ចៀស​បាន​នូវ​ជំងឺ​មួយចំនួន ។​

​ជួយ​ឱ្យ​ប្រសើរឡើង​នូវ​ចលនា​ឈាម​រត់​
​ពេល​អង្គុយ​ផ្ទាល់​ឥដ្ឋ ការ​បូម ឈាម​ពី​បេះដូង​ទៅដល់​ផ្នែក​ផ្សេងៗ​នៃ​រាងកាយ​នឹង​ប្រព្រឹត្តទៅ ងាយស្រួល ជាង​បន្ថយ​សម្ពាធ​ហួស​កម្រិត​ទៅលើបេះដូង​ក្នុងពេល​បរិភោគ ។ ចលនា ឈាម​រត់​ល្អ​នឹង​ធានាថា ផ្នែក​ទាំងអស់​នៃ​សរីរាង្គ​ទទួលបាន​សារជាតិ ជីវជាតិ ចាំបាច់ ដើម្បី​ធ្វើ​សកម្មភាព​ធម្មតា ។​

បញ្ចុះទម្ងន់​
​ការ​អង្គុយ​ផ្ទាល់​លើ​ឥដ្ឋ​ពេល​បរិភោគ​បាយ​នឹង​ជួយ​ឱ្យ​ចិត្ត និង​រាង កាយ​របស់​អ្នក​ស្ងប់​ល្អ ។ សរីរាង្គ​មួយ នឹងនរ​ហើយ​អាច​ប្រមូលផ្តុំ​ទៅលើអាហារ ដែល​អ្នក​កំពុង​បរិភោគ​ល្អ​ជាង អាស្រ័យហេតុនេះ​អាច​ទប់ស្កាត់បាន​ការបរិភោគ​ច្រើន ។ របៀប​អង្គុយ​នេះ ធ្វើឱ្យ​អ្នក​បរិភោគ​យឺត ជាង​ហេតុនេះ ក្រពះ​នឹង​ខួរក្បាល​មាន​គ្រប់ពេលវេលា ដើម្បី​ដឹងថា ពេលណា​ខ្លួន​បាន​ឆ្អែត ៕ ប្រែ​សម្រួលៈ រតនៈ​