មេបញ្ជាការ​កងទ័ពជើងគោក​អរគុណ​ចំពោះ​ក្រុមគ្រូពេទ្យ​មន្ទីរពេទ្យ​ហ្វា​ហាវ​Medic CanTho

1098
ចែករម្លែក

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​អគ្គ​មេបញ្ជាការរង​នៃ​កង​យុទ្ធ​ពល​ខេមរៈភូមិន្ទ​មេបញ្ជាការ​កងទ័ពជើងគោក​និង​ជា​ប្រធាន​ក្រុមប្រឹក្សាភិបាល​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​។​

លោក​បាន​ស្វាគមន៍​គណៈប្រតិភូ​នៃ​មន្ទីរពេទ្យ​ហ្វា​ហាវ​MedicCantho​និង​បាន​ថ្លែងអំណរគុណ​ដល់​ក្រុមការងារ​នៃ​មន្ទីរពេទ្យ​នេះ​ដែល​បាន​យក​អស់កម្លាំង​កាយ​ចិត្ត​ពេលវេលា​សម្ភារៈ​ថវិកា​។​ចូលរួម​សហការ​ជួយ​ពិនិត្យ​ព្យាបាល​ជំងឺ​ជូន​ប្រជាពលរដ្ឋ​តាមរយៈ​ការសហការ​ជាមួយនិង​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​(TYDA)​។

​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​បាន​បន្តថា​ក្នុងនាម​ប្រទេស​ភូមិ​ផង​របង​ជាមួយ​ការទំនាក់ទំនង​នេះ​គឺជា​មិត្តភាព សាមគ្គីភាព​និង​កិច្ចសហប្រតិបត្តិការ​ស​ម្រា​ប់​កងទ័ព​និង​ប្រជាជន​នៃ​ប្រទេស​ទាំងពីរ​។
​លោក​បាន​បញ្ជាក់ថា​ការទំនាក់ទំនង​នេះ​មិន​ត្រឹមតែ​លើ​វិស័យ​សុខាភិបាល​នោះទេ​ប៉ុន្តែ​នឹងមាន​ការទំនាក់ទំនង​កា​រលើ​វិស័យ​ផ្សេងៗ​ទៀត​នៃ​ប្រទេស​ទាំងពីរ​។

​ចំណែក​លោក​ឧ​ត្ត​ម​សេនីយ៍​ត្រី វ៉ូ កៅ​គន់ សមាជិក​ក្រុមប្រឹក្សាភិបាល​នៃ​មន្ទីរពេទ្យ​ហ្វា​ហាវ Medic Can Tho បាន​លើកឡើងថា លោក និង​ក្រុមការងារ​នៃ​មន្ទីរពេទ្យ​ហ្វា​ហាវ Medic Can Tho ពិតជា​រីករាយ និង​ចូលរួម​ជួយ​កងទ័ព​និង​ប្រជាជន​កម្ពុជា​ដោយ​ភាពស្មោះត្រង់​និង​គ្មាន​លក្ខខណ្ឌ​។​

ជាក់ស្ដែង​ក្រុមការងារ​នៃ​មន្ទីរពេទ្យ​បាន​ចុះ​ព្យាបាល​ជូន​ប្រជាពលរដ្ឋ​ដោយ​ឥតគិតថ្លៃ​នៅក្នុង​ខេត្តកំពង់ស្ពឺ ខេត្តកំពង់ឆ្នាំង ខេត្តព្រះវិហារ​និង​ខេត្តតាកែវ​។​លោក​បាន​បន្តថា​នេះ​គឺជា​សាមគ្គីភាព​មិត្តភាព​និង​កិច្ចសហប្រតិបត្តិការ​ស​ម្រា​ប់​កងទ័ព និង​ប្រជាជន​នៃ​ប្រទេស​ទាំងពីរ​។

​សូមបញ្ជាក់ថា​នេះ​គឺជា​លើក​ទី​៣​ហើយ​ដែល​មន្ទីរពេទ្យ​ហ្វា​ហាវ​MedicCanTho​បាន​ចុះ​ព្យាបាល​ប្រជាពលរដ្ឋ​កម្ពុជា​ដោយ​ឥតគិតថ្លៃ​ដោយ​លើក​ទី​១.​ព្យាបាល​ប្រជាពលរដ្ឋ​នៅ​ខេត្តកំពង់ស្ពឺ​និង​កំពង់ឆ្នាំង​។​លើក​ទី​២.​ព្យាបាល​ប្រជាពលរដ្ឋ​នៅ​ខេត្តព្រះវិហារ និង​លើក​ទី​៣​នៅ​ព្រឹក​ថ្ងៃទី​២២ ខែមិថុនា ឆ្នាំ​២០១៩ ។​

​ក្រុមគ្រូពេទ្យ​មន្ទីរពេទ្យ​ហ្វា​ហាវ​MedicCanTho​នៃ​ប្រទេស​វៀតណាម​សហការ​ជាមួយ​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​(TYDA)​ក្រុមការងារ​ចុះជួយ​ស្រុក​ព្រៃកប្បាស​បញ្ជាការដ្ឋាន​ក​ង​ទ័ពជើងគោក​និង​យោធភូមិភាគ​ទី​៩​នៃ​ប្រទេស​វៀតណាម​បាន​ចុះ​ពិនិត្យ​និង​ព្យាបាល​ជំងឺ​ជូន​ប្រជាពលរដ្ឋ​ចំនួន​ប្រមាណ​ជាង ២​ពាន់​នាក់​ស្ថិតក្នុង​បរិវេណ​អនុវិទ្យាល័យ ចំប៉ា ភូមិ​ចំប៉ា ឃុំ​ចំប៉ា ស្រុក​ព្រៃកប្បាស ខេត្តតាកែវ​៕S/​