ម៉េ​ន​ឆេ​ស្ទ័​រ យូ​ណាយ​ធី​ត​ត្រៀម​ដាក់សំណើ​ផ្ទេរ​ខ្សែបម្រើ ឌូ​ក្លាស កូ​ស្តា​

335

​ក្លិប​ម៉េ​ន​ឆេ​ស្ទ័​រ​យូ​ណាយ​ធី​ត​បាន​ត្រៀមខ្លួន​ដាក់សំណើ​សម្រាប់​ខ្សែបម្រើ​ពោរពេញ​ដោយ ទេពកោសល្យ ឌូ​ក្លាស កូ​ស្តា (Douglas Costa) របស់​ក្លិប ជូ​វិនទុ​ស​(Juventus) ។​
​ ​
​មាន​ព័ត៌មាន​ថា យូ​ណាយ​ធី​ត​កំពុងតែ​ថ្លឹងថ្លែង​ដាក់សំណើ​៤០​លាន​ផោន ដើម្បី​ផ្ទេរ​កីឡាករ ប្រេ​ស៊ី​ល​រូបនេះ​។​
​ ​
​គេ​ជឿថា លោក ចូ​សេ ម៉ូ​រី​ញ៉ូ (Jose Mourinho) បាន​ណែនាំ​ឲ្យ​នាយករង​ក្លិប​លោក អេ​ដ វូដ​វើដ (Ed Woodward) វាយតម្លៃ​ពី​លទ្ធភាព​ផ្ទេរ​ខ្សែបម្រើ​រូបនេះ​។​
​ ​
​កូ​ស្តា វ័យ​២៧​ឆ្នាំ បច្ចុប្បន្ន​ស្ថិតក្នុង​កិច្ចសន្យា​លេង​ខ្ចី​ជើង​ជាមួយ Juventus បន្ទាប់ពី​ចាកចេញ ពី​ក្លឹប Bayern Munich ហើយ​ត្រូវបាន​គេ​ភ្ជាប់​ទៅនឹង​កិច្ចព្រមព្រៀង​ផ្ទេរ​មក​ចូលរួម​ជាមួយ ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត​។​

​លោក អា​ឡិ​ក ហ្វឺ​ហ្គូ​សិន (Alex Ferguson) អតីត​គ្រូបង្វឹក​ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត​បាន តាមដាន​ការវិវឌ្ឍ​របស់ កូ​ស្តា ហើយ​សង្ឃឹមថា នឹង​សម្រេចបាន​នូវ​កិច្ចព្រមព្រៀង​មួយ​។ កូ​ស្តា ធ្វើ​បានល្អ អំឡុង​ប្រកួត​ជាមួយ​ក្រុម Gremio និង​ក្រុម Shakhtar Donetsk ប៉ុន្តែ​មកទល់ ពេលនេះ មិនមាន​កិច្ចព្រមព្រៀង​ណាមួយ​លេចចេញ​ជា​ផ្លែផ្កា​ទេ​។​
​ ​
​ក្លិប Juventus មាន​ជម្រើស​ផ្ទេរ កូ​ស្តា ជា​អចិន្ត្រៃយ៍ បើ​ផ្អែក​តាម​កិច្ចព្រមព្រៀង​ខ្ចី​ជើង​ជាមួយ ក្លឹប Bayern ។​ពួកគេ​ប្រហែលជា​មិន​ធ្វើ​ដូច្នេះ​ទេ ដូច្នេះ​ធ្វើ​ឲ្យ​យូ​ណាយ​ធី​ត​ហក់​ចូល​៕ ប្រែ​សម្រួល​: ពិសិដ្ឋ​

​ខ្សែបម្រើ ឌូ​ក្លាស កូ​ស្តា (Douglas Costa)