ម៉េ​ន​ឆេ​ស្ទ័​រ ស៊ី​ធី គ្រោង​នឹង​សម្រេច​កិច្ចព្រមព្រៀង​ផ្ទេរ រ៉ូ​ឌ្រី ក្នុងតម្លៃ​៦២,៥​លាន​ផោន

388
ចែករម្លែក

​រ៉ូ​ឌ្រី (Rodri) ខ្សែបម្រើ​ក្លិប អា​ត្លេ​ទី​កូ ម៉ា​ឌ្រី​ត​(Atletico Madrid) បាន​ជូនដំណឹង​ទៅ​ក្លឹប​ថា ខ្លួន​ចង់​ចាកចេញ ដើម្បី​ចូលរួម​ជាមួយ​ក្លឹប​ម៉េ​ន​ឆេ​ស្ទ័​រ​ស៊ី​ធី​ដែលជា​គោលដៅ​ដ៏​ពេញចិត្ត របស់ខ្លួន​។

​កីឡាករ​វ័យ​២២​ឆ្នាំ​រូបនេះ​បាន​សុំ​ពេលវេលា​ដើម្បី​ពិចារណា​ពី​អនាគត​ជាមួយ​ក្លិប​ស៊ី​ធី ហើយ​ក្លិប​បៃ​យឺន ម៉ូ​និ​ច​( Bayern Munich) មានបំណង​ចង់​ធ្វើ​ឲ្យ​លក្ខខណ្ឌ​ទិញ​ផ្តាច់ ៦២,៥​លាន​ផោន​មាន​សកម្មភាព​ឡើងវិញ ស្របពេល​ក្លិប Atletico​បានផ្តល់​កិច្ច សន្យា​ថ្មី​។

​ក្លិប Bayern Munich ចាប់អារម្មណ៍​ចង់បាន​កីឡាករ រ៉ូ​ឌ្រី ហើយ​ចាត់ទុក​ក្លឹប​ម៉េ​ន​ឆេ​ស្ទ័​រ ស៊ី​ធី គឺជា​គូប្រជែង​របស់ខ្លួន ប៉ុន្តែ​គេ​ជឿថា រ៉ូ​ឌ្រី បាន​ជូនដំណឹង​ទៅ​ប្រធាន​ក្លឹប​លោក អែន​ជេ​ល ហ្គី​ល ម៉ា​រី​ន ពី​បំណង​ចង់​ជួប​ជាមួយ​លោក ប៉េ​ប ហ្គា​ឌី​អូ​ឡា (Pep Guardiola) កាលពី​ថ្ងៃ​ច័ន្ទ​។

​ក្លិប​បា​សេ​ឡូ​ណា​( Barcelona) ក៏បាន​តាមដាន​ពី​ការវិវឌ្ឍ​របស់​កីឡាករ​សញ្ជាតិ អេ​ស្ប៉ា​ញ​រូបនេះ​ផងដែរ​។ រ៉ូ​ឌ្រី បានបង្ហាញ​មុខ​៤៧​លើក​សម្រាប់​ក្រុម Atletico អំឡុង​យុទ្ធនាការ​រដូវ​កាល​ឆ្នាំ ២០១៨-១៩ ដោយ​រកបាន​៣​គ្រាប់​និង​បង្កើត​ឱកាស មួយ​លើក​ផងដែរ​។

​រ៉ូ​ឌ្រី បានបង្ហាញ​មុខ​៨៤​លើក​ស្រាប់​ក្រុម​វីឡា​រៀល​( Villarreal) មុនពេល​ផ្ទេរ​ក្នុងតម្លៃ​២២ លាន​ផោន មក​ចូលរួម​ជាមួយ​ក្រុម Diego Simeone កាលពី​ខែឧសភា​ឆ្នាំ​២០១៨៕ ប្រែ​សម្រួល​: ពិសិដ្ឋ