ម៉េ​ន​ឆេ​ស្ទ័​រ ស៊ី​ធី នឹងដាក់​សំណើ​ជាង​៥០​លាន​ផោន ដើម្បី​ផ្ទេរ អា​ឡិ​ក​ស៊ី​ស សាន​ឆេស​

816
ចែករម្លែក

​ក្លិប​ម៉េ​ន​ឆេ​ស្ទ័​រ ស៊ី​ធី​នឹងដាក់​សំណើ​ច្រើន​សន្ធឹកសន្ធាប់ ដើម្បី​ផ្ទេរ​ខ្សែ​ប្រ យុទ្ធ អា​ឡិ​ក​ស៊ី​ស សាន​ឆេស (Alexis Sanchez) មុន​រដូវ​កាល​ទិញដូរ​បិទទ្វារ ។​
​ ​
​ស៊ី​ធី​ត្រៀម​សាកល្បង​ទឹកចិត្ត​របស់​អា​សេណ​ល​ដែល​ចង់​រក្សាទុក សាន ឆេស តាមរយៈ​ការដាក់​កញ្ចប់ ទឹកប្រាក់​ច្រើនជាង​៥០​លាន​ផោន​ខណៈ​ពួកគេ​មិនទាន់​បោះបង់ចោល​ការតាមប្រមាញ់​ខ្សែប្រយុទ្ធ​សញ្ជាតិ ឈី​លី​រូបនេះ​។​
​ ​
​លោក អា​សេន វែង​ហ្គើ (Arsene Wenger) គ្រូបង្វឹក​របស់​ក្រុម​កាំភ្លើង​ធំ​បាន​អះអាង​ជាង សាធារណៈ​ថា ពួកគេ​នឹងមិន​លក់​ទេ បើទោះបីជា សាន​ឆេស​នៅសល់​កិច្ចសន្យា​ត្រឹមតែ​មួយឆ្នាំ ក៏ដោយ​។​
​ ​
​នៅពេលនេះ អា​សេណ​ល​ក៏មាន​ទំនុកចិត្ត​ផងដែរ​ថា សាន​ឆេស​នឹង​បន្ត​នៅ​រហូតដល់​ចប់​ឆ្នាំ​ចុងក្រោយ នៃ​កិច្ចសន្យា​របស់ខ្លួន ហើយ​មិនបាន​បោះបង់ចោល​ការចុះ​កិច្ចព្រមព្រៀង​ថ្មី​ជាមួយ សាន​ឆេស​។​
​ ​
​ប៉ុន្តែ​រឿងនេះ​នឹងមិន​ធ្វើ​ឲ្យ​ក្លឹប​ស៊ី​ធី​បាក់​ទឹកចិត្ត​និង​ដកថយ​ពី​ការដាក់ សំណើ​ទេ ដោយសារតែ​ពួកគេ ពេញចិត្ត​កីឡាករ​រូបនេះ​យូរ​មកហើយ ស្របពេល​ក្លឹប Paris Saint Germmain Bayern Munich និង Chelsea សុទ្ធតែ​បង្ហាញ ចំណាប់អារម្មណ៍​លើ​កីឡាករ​រូបនេះ​។​
​ ​
​តាម​គេហទំព័រ Mirror.co.uk កាលពី​ថ្ងៃទី​១៤​ខែសីហា​ឆ្នាំ​២០១៧​បាន​ឲ្យ​ដឹងថា ជំហរ​របស់ អា​សេណ​ល ពិតជា​ធ្វើ​ឲ្យ​ក្លឹប​ផ្សេងៗ​ស្រងាកចិត្ត ប៉ុន្តែ​ស៊ី​ធី​មិន​បោះបង់​ការព្យាយាម​ទេ ដោយ​លោក ប៉េ​ប ហ្គា​ឌី​អូ​ឡា ជឿថា សមត្ថភាព​កីឡា ករ​រូបនេះ​ពិតជា​អាចធ្វើ​ឲ្យ​ក្រុម​ស៊ី​ធី​មាន​ឥទ្ធិពល​៕ ប្រែ​សម្រួល​: ពិសិដ្ឋ​

​ខ្សែ​ប្រយុទ្ធ អា​ឡិ​ក​ស៊ី​ស សាន​ឆេស (Alexis Sanchez)