យន្តហោះ​រុស្ស៊ី​រារាំង​ការ​ល្បាត​របស់​យន្តហោះ​អាមេរិក​លើ​សមុទ្រ​ខ្មៅ​(វីដេអូ)

633
ចែករម្លែក

​យន្តហោះ​ប្រដេញ​រុស្ស៊ី​ត្រូវ​ថត​បាន​ក្នុងពេល​បង្ខំ​អោយ​យន្តហោះ F-15​របស់​អាមេរិក​មួយគ្រឿង​បើក​ងាក​ដូរ​ផ្លូវ​ដោយសារតែ​ការហោះ​ចូលទៅ​កៀក​ដ៏​គ្រោះថ្នាក់​។​

​ក្នុង​រូបភាព​ដែល​ត្រូវបាន​ចែកចាយ​ក្នុង​បណ្តាញ​សង្គម​រុស្ស៊ី យន្តហោះ​Su-27 បាន​ហោះចូល​ទៅជិត​ផ្នែក​ខាងឆ្វេង​នៃ​យន្តហោះ​F-15​។​យន្តហោះ​ផលិត​នៅ​អាមេរិក​​នេះ​គ្មាន​ជំរើស​អ្វី​ក្រៅតែពី​ងាក​ចេញ​ខណៈ​យន្តហោះ​រុស្ស៊ី​នៅ​ចម្ងាយ​តែ​ប៉ុន្មាន​ម៉ែត្រ​ទៀត​នឹង​បុក​។​

​ក្រសួងការពារជាតិ​អាមេរិក​បាន​និយាយថា យន្តហោះ​រុស្ស៊ី​បាន​ហោះ​ចូលមក​កៀក​ដ៏​គ្រោះថ្នាក់​ជិត​យន្តហោះ​មួយ​ក្នុងចំណោម​យន្តហោះ​ជាច្រើន​របស់ខ្លួន​ដែល​ហោះ​​លើ​សមុទ្រ​ខ្មៅ​កាលពី​ថ្ងៃ​ចន្ទ​។​យន្តហោះ​ផលិត​នៅ​អាមេរិក​នេះ​គ្មាន​ជំរើស​ណា​ក្រៅពី​បើក​ងាក​ចេញពី​ផ្លូវ​ដើម​របស់ខ្លួន​ដើម្បី​កុំអោយ​បុក​ទង្គិច​។​

យន្តហោះ Su-27​ហោះ​ជិត​យន្តហោះ​F-15​និង​ហោះ​កាត់​ពីមុខ​ដ៏​គ្រោះថ្នាក់​

​ក្រសួងការពារជាតិ​អាមេរិក​អះអាងថា យន្តហោះ​រុស្ស៊ី​ហោះ​ស្ទាក់​ស្កាត់​យន្តហោះ​ល្បាត​នៃ​កងទ័ពជើងទឹក​អាមេរិក​នៅក្នុង​ដែនអាកាស​អន្តរជាតិ និង​នៅ​ចម្ងាយ​តែ​ប៉ុន្មាន​​ម៉ែត្រ​ទៀត​នឹង​បុក​គ្នា​៕​ដោយ​:​វាសនា​