យានស៊ើបអង្កេត Solar Orbiter បានបាញ់បង្ហោះដើម្បីលាតត្រដាងអាថ៍កំបាំងរបស់ព្រះអាទិត្យ

256
ចែករម្លែក

យានស៊ើបអង្កេត Solar Orbiter របស់អាម៉េរិកនិងអឺរ៉ុបបានបាញ់បង្ហោះកាលពីរាត្រីថ្ងៃអាទិត្យទី៩កុម្ភៈពីរដ្ឋផ្លរីដាលើដំណើរលើកដំបូងរបស់វាដើម្បីធ្វើឱ្យការយល់ដឹងរបស់យើងកាន់តែស៊ីជម្រៅអំពីព្រះអាទិត្យនិងរបៀបដែលព្រះអាទិត្យបង្កើតអាកាសធាតុអវកាសដែលជះឥទ្ធិពលដល់បច្ចេកវិជ្ជានៅលើផែនដី។

យានបេសកកម្ម ដែលជាកិច្ចសហការរវាងទីភ្នាក់ងារអវកាសអឺរ៉ុប និងអង្គការណាសា បានបាញ់បង្ហោះចេញពីមជ្ឈមណ្ឌលអវកាសកេណ្ណីឌី នៅតំបន់ខេបខាណាវើរ៉ល នៅម៉ោង ១១ និង ០៣ នាទីយប់ ថ្ងៃអាទិត្យ ហើយអាចស្ថិតនៅទីអវកាសរហូតដល់ ៩ ឆ្នាំឬលើសពីនេះទៀត។

អ្នកវិទ្យាសាស្រ្តនិយាយថាយាននេះត្រូវគេរំពឹងថានឹងផ្តល់នូវការយល់ដឹងមិនធ្លាប់មានពីមុនមកនៅក្នុងបរិយាកាសព្រះអាទិត្យ ខ្យល់និងដែនម៉ាញេទិចរបស់វា រួមទាំងរបៀបដែលវាបង្កើតបរិយាកាសនៅទីអវកាសដ៏ធំទូលាយនៅជុំវិញប្រព័ន្ធសុរិយគតិរបស់យើង។

ធ្វើដំណើរចេញពីយន្ដហោះរាងពងក្រពើឆ្លងកាត់ក្រវាត់អវកាស យាន Solar Orbiter ក៏នឹងប្រមូលរូបភាពដំបូងនៃតំបន់ប៉ូលមិនធ្លាប់ស្គាល់ពីមុនរបស់ព្រះអាទិត្យ។

ដោយប្រើទំនាញផែនដីនិងភពសុក្រ យាន Solar Orbiter នឹងរុញខ្លួនវាទៅមើលតំបន់ប៉ូលរបស់ព្រះអាទិត្យ ហើយនឹងក្លាយជាយានស៊ើបអង្កេតដំបូងដែលផ្តិតយករូបភាពនៃតំបន់ដែលពិបាកទៅដល់នេះ។

យាននេះគ្រោងនឹងបើកក្នុងល្បឿនអតិបរមា ២៤៥.០០០ គីឡូម៉ែត្រក្នុងមួយម៉ោង មុនពេលចូលទៅគន្លងគោចរជុំវិញព្រះអាទិត្យ៕ ដោយ៖ កញ្ញាដាលីស