យុវជន​ម្នាក់​ជាជាង​ភ្លើង​យក​ម៉ូ​ទ័​រ​ស្វាន​ជញ្ជាំង​ដាច់​ខ្សែភ្លើង​ឆក់​ស្លាប់​យ៉ាង​អាណោច​អ​ធ័​ម​

846
ចែករម្លែក

ដោយ​: ម៉ា​រ៉ា / ភ្នំពេញ​: យុវជន​ម្នាក់​ជាជាង​ភ្លើង​ត្រូវបាន​ខ្សែភ្លើង​ឆក់​ស្លាប់​យ៉ាង​អាណោច​អ​ធ័​ម ខណៈពេល​កំពុងតែ​ស្វាន​ជញ្ជាំង​ដាក់​ខ្សែភ្លើង​។ ហេតុការណ៍​នេះ បង្ក​ការភ្ញាក់ផ្អើល​កាលពី​វេលា​ម៉ោង​៤ និង​៣០​នាទី​ល្ងាច នៅ​ថ្ងៃទី​១២ ខែវិច្ឆិកា ឆ្នាំ​២០១៨ ស្ថិត​តាម​បណ្ដោយ​ផ្លូវ​៥៩២ នៅក្នុង​ផ្ទះ​របស់​ប្រជាពលរដ្ឋ​មួយកន្លែង សង្កាត់​បឹងកក់​២ ខណ្ឌទួលគោក រាជធានី​ភ្នំពេញ​។

​សព​ជនរងគ្រោះ​មានឈ្មោះ អ៊ីង វាសនា ភេទ​ប្រុស អាយុ​២៦​ឆ្នាំ មុខរបរ​ជាងភ្លើង ស្រុកកំណើត លេខ​ផ្លូវ​១៤៥​ង នៅក្នុង​ភូមិ​ស្លែង​រលើង សង្កាត់​អូរ​បែកក្អម ខណ្ឌ​សែន​សុខ រាជធានី​ភ្នំពេញ​។​

​យោងតាម​ប្រភពព័ត៌មាន​ពី​ជាងភ្លើង​រួម​ការងារ​ជាមួយនឹង​ជនរងគ្រោះ បាន​ប្រាប់​ឲ្យ​ដឹងថា មុនពេល​កើតហេតុ គាត់​ឃើញ​ជនរងគ្រោះ​បាន​យក​ម៉ូ​ទ័​រ​មក​ស្វាន និង​ជញ្ជាំង ដើម្បី​ត​ខ្សែភ្លើង ឲ្យ​ឆាប់​ហើយ​ការងារ បាន​មួយសន្ទុះ​ក៏​លឺ​សំឡេង​ជនរងគ្រោះ​ស្រែក​ឲ្យ​ជួយ​ពេលនោះ ក៏​ក្រុម​កា​ងារ​ជា​គ្នា​បានមក​ជួយ​តែ​គួរ​ឲ្យ​សោកស្ដាយ ជនរងគ្រោះ​ត្រូវបាន​ខ្សែភ្លើង​ឆក់​ស្លាប់​បាត់បង់​ជីវី​តទៅ​ហើយ​។​

​ក្រោយពី​កើតហេតុ​សមត្ថកិច្ច​មូល​ដ្ឋា​ន បាន​ចុះ​មកដល់​កន្លែងកើតហេតុ បានធ្វើ​កោសល្យវិច័យ និង​ទំនាក់ទំនង​ទៅ​ក្រុមគ្រួសារ និង​រថយន្ដ​សាមុយ ដើម្បី​ដឹក​សាកសព​ជនរងគ្រោះ​ទៅ​ស្រុកកំណើត យកទៅ​ធ្វើបុណ្យ​ទៅតាម​ប្រពៃណី​៕ ល​