រកឃើញម្ចាស់មកុដ ​Miss​ ​Planet​ ​Cambodia 2020​

326
ចែករម្លែក

ដោយ៖បញ្ញាសាស្រ្ត/ភ្នំពេញ៖ កម្មវិធីប្រកួត កញ្ញាឯក​ភពផែន​ដី​ ​Miss​ ​Planet​ ​Cambodia2020​ បានឈានដល់វគ្គផ្តាច់ព្រ័ត្រហើយ កាលពីរាត្រីថ្ងៃទី១៥ មករា ២០២០នៅសាលមហោស្រពចេនឡា។ កញ្ញាឯកដ៏ស្រស់សោភាតំណាង អោយកម្ពុជា បានទៅលើ​កញ្ញា​ ​ប៉ុន​ ​សុ​រ៉ា​វត្តី​ មកពីខេត្តកំពង់ស្ពឺ ​​(Miss​ ​Planet​ ​Cambodia2020​) ក្រោយដែលកញ្ញាស្រស់ស្អាតរូបនេះ បានយកឈ្នះពីកញ្ញាស្រស់ស្អាត ដែលមក ពីខេត្តផ្សេងៗទូទាំងប្រទេស។ ​

ឆ្លងកាត់គណកម្មការ ដែលមានសមាភាព ដូចជា កញ្ញារំដួលលិចទឹក អគ្គនាយិកា Miss Planet Cambodia លោក ស៊ឹម មាស ប្រធានសមាគមគ្រឿងសម្អាងកម្ពុជា អ្នកស្រី សរ កេសារ៉ា អគ្គនាយិកាកេសារ៉ាតារាសួគ៌​ លោកផាត់ តារារដ្ឋ ពីគ្រួសារ តារា កម្ពុជានិងគណកម្មការកិត្តិយសដាក់​ពិន្ទុ​វិនិច្ឆ័យ​ជាច្រើន​រូប​ផង​ដែរ​ ​បាន​ផ្ដល់​ពិន្ទុ​រយ៉ា​ង​សុ​ក្រិតនិងយុត្តិធម៌​។​ ​កញ្ញា​ ​រំដួល​លិចទឹក​ប្រកាស​ថា​ ​ក្រោយ​បញ្ចប់​បេ​សកម្ម​ស្វែងរក​ឃើញ​ចំណាត់​អ្នកទទួល​មកុដ​ ​និង​ចំណាត់ថ្នាក់​ពី​លេខ2​ ​ដល់​លេខ5​ ​កញ្ញា​ដែល​ជា​អ្នក​រៀបចំ​ការប្រកួត​បាន​លើក​សរសើរ​ថា​ ​កញ្ញា​លេខ1​ ​ដែល​គ្រង​មកុដ​ ​គឺ​មាន​ភាព​វាងវៃ​ជាងគេ​ ​ទាំង​ដំណើរ​ ​និង​បុគ្គលិក​លក្ខ​ណៈ​ផ្សេង​ៗ​ទៀត​ ​បូក​រួមជាមួយភាព​ក្លាហាន​ ​គឺ​មាន​ចេញពី​ក្នុង​ខ្លួន​មិន​ត្រឹមតែ​ស្អាត​ទេគឺឆ្លាតទៀតផង​។​យើង​និង​ព្យាយាម​បង្វឹក​នាង​ឱ្យ​ល្អ​បន្ត​ទៀត​ ​ដើម្បី​ឆ្ពោះទៅ​កាន់​ឆាក​អន្តរជាតិ​ខាងមុខ​ ​ដែល​កម្ពុជា​យើង​ជា​អ្នក​រៀបចំ​។​

​សូមជម្រាប​ដែរ​ថា​ ​បវរកញ្ញា​បេក្ខភាព​លេខមួយ​ ​កញ្ញា​ ​ប៉ុន​ ​សុ​រ៉ា​វត្តី​ ​ត្រូវ​បាន​គ្រង​ម្កុដ​និង​ជាប់​ជា​កញ្ញាឯក​ ​ភពផែន​ដី​ ​ឆ្នាំ​ ​2020​ ​ដែល​មក​ពី​ខេត្ត​កំពង់ស្ពឺ​ ​មាន​កំពស់​ ​១៧០​ ​សង់​ទៅ​ម៉ែត្រ ​និង​តំណាង​ជាតិ​ឱ្យ​កម្ពុជា​ក្នុង​ការប្រកួត​បវរកញ្ញា​ភពផែន​ដី​អន្តរជាតិ​ ​Miss​ ​Planet​ ​International​ ​នឹង​ទទួលស្វាគមន៍​បេក្ខភាព​បវរកញ្ញា​ដែល​មក​ពី​ជុំវិញ​ពិភពលោក​ ​ជាង​ ​70​ ​ប្រទេស​ទៀត​ ​ក្នុង​ការ​ធ្វើជា​ម្ចាស់ផ្ទះ​ ​ការប្រកួត​បវរកញ្ញា​ភពផែន​ដី​អន្តរជាតិ​ ​Miss​ ​Planet​ ​International​ ​នៅ​ខែមេសា​ ​ដើម​ឆ្នាំ​ ​2020​ ​ខាងមុខនេះ៕ ​