រកឃើញ​ម្ហូបអាហារ​គ្មាន​សុវត្ថិភាព​ខ្លះៗ​ពេល​ចុះ​ត្រួតពិនិត្យ​គុណភាព​ផលិតផល​ម្ហូបអាហារ​នៅផ្ទះ​តៀម​ខ្លះ​នៅ​ក្រុង​សិរីសោភ័ណ​ និង​ស្រុក​ព្រះនេត្រព្រះ​

96
ចែករម្លែក

ដោយ:ប​.​ជ័យ / បន្ទាយ​មាន​ជ័យ ៖ មន្ត្រី​ជំនាញ​សាខា​កាំកុងត្រូល​ខេត្តបន្ទាយមានជ័យ​​សហ​ការ​ និង​មន្ត្រី​មន្ទីរ​ពាណិជ្ជកម្ម​ខេត្តបន្ទាយមានជ័យ​បាន​បន្ត​ចុះ​ត្រួតពិនិត្យ​អង្កេត​នៅលើ​ទីផ្សារ ដោយឡែក​ផ្តោត​លើផ្ទះ​តៀម​និង​ហាង​ទំនិញ​ដើម្បីរ​កនូវ​គុណភាព សុវត្ថិភាព ផលិតផល​ម្ហូបអាហារ​នៅក្នុង​ក្រុង​សិរីសោភ័ណ​និង​ស្រុក​ព្រះនេត្រព្រះ​កាលពី​ថ្ង​ទី​១៣​ខែសីហា​ឆ្នាំ​២០១៩ ។​

លោក សាន វិជ្ជា​សា​រ៉ាវុធ ប្រធាន​សាខា​កាំកុងត្រូល​ខេត្តបន្ទាយមានជ័យ​ឱ្យដឹងថា​ ជាការ​ទទួលខុសត្រូវ​ខ្ពស់​របស់​មន្ត្រី​ជំនាញ​កាំកុងត្រូល​ទៅលើ​សុវត្ថិភាព​ផលិតផល​ម្ហូបអាហា​រដែ​ល​ប្រជាពលរដ្ឋ​ទូ​ទិញ​ទទួលទាន ធានាបាន​គុណភាព​ល្អ មន្ត្រី​ជំនាញ​អនុវត្តតាម​ការណែនាំរ​បស់​លោក​ប៉ាន​សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម​និង​លោក​ម៉ក់ ពេ​ជ្ជ​រិ​ទ្ធ​ប្រតិភូ​រាជរដ្ឋាភិបាល​កម្ពុជា ទទួល​អគ្គនាយក​នៃ​អគ្គដ្ឋាន​កាំកុងត្រូល​យ៉ាងហោចណាស់​១​ខែ ម្តង​។​

ហើយ​លើក​នេះ មន្ត្រី​ជំនាញ​បាន​អប់រំ​ណែ​នាំឱ្យ​ប្រជាពលរដ្ឋ​យល់ដឹង​ពី​ការចេះ​មើលថែរក្សា​ត្រួតពិនិត្យ​ទំនិញ​ហួស​សុពលភាព​ប្រើប្រាស់ និង​ការហាមឃាត់​លក់ទំនិញ​គ្មាន​ស្លាក​សញ្ញា​និង​គ្មាន​ប្រភព​ច្បាស់លាស់​។​

បើ​ណែនាំ​ពី​ផ្លូវច្បាប់​និង​និតិ​វិធី​រួចហើយ នៅ​មិន​រាងចាល មន្ត្រី​នឹង​កសាង​សំណុំរឿង​បញ្ជូនទៅ​តុលាការ​ចាត់ការ​ច្បាប់​។​

ក្នុងពេល​ចុះ​ត្រួត​អង្កេត​នេះ សមត្ថកិច្ច​បាន​រកឃើញ ផលិតផល​ម្ហូបអាហារ​គ្មាន​សុវត្ថិភាព​ចំនួន​៦-៧​ប្រភេទ ជា​មុខសញ្ញា​ផលិតផល​ម្ហូបអាហារ​មាន​ហានិភ័យ​បង្ក​ប៉ះពាល់​សុខភាព​មនុស្ស ហើយ​ត្រូវ​រឹបអូស​ដើម្បី​យកទៅ​ដុត​បំផ្លាញចោល ។​

លោក​សាន វិជ្ជា​សា​រ៉ាវុធ​និង​មន្ត្រី​ក៏បាន​ណែនាំ អាជីវករ​ទាំងអស់​ត្រូវ​យកចិត្តទុកដាក់​ត្រួតពិនិត្យ​មុនគេ​ទំនិញ​ដែល​ងាយ​និង​ហួស​សុពលភាព​ប្រើប្រាស់​រួមមាន​ប្រភេទ​ទឹកក្រូច ស្រស​បៀរ ស្ករ​គ្រាប់ ទឹកដោះគោ​ជូ គឺជា​ប្រភេទ​ទំនិញ​ដែលមាន​អាយុកាល​ប្រើប្រាស់​រយៈពេល​ខ្លី​។​

រួមជាមួយ​លោក​ដុំ វណ្ណឌី អនុប្រធាន​មន្ទីរ​ពាណិជ្ជកម្ម​ខេត្តបន្ទាយមានជ័យ​មន្ត្រី​ក៏បាន​ណែនាំ​អាជីវករ​ដាក់លក់​ទំនិញ​ជា​ទំនិញ​ផលិត​នៅក្នុង​ស្រុក ក៏ត្រូវ​មើល​ករវិច​ខ្ចប់ មើល​ស្លាក​សញ្ញា​ត្រឹមត្រូវ​។​

មន្ត្រី​ក៏​ណែនាំ​ដល់​ម្ចាស់​សហគ្រាស អ្នកលក់​បោះ​ដុំ​ឱ្យ​បិទ​ស្លាក​សញ្ញា​ត្រឹមត្រូវ​តាម​គោលការណ៍​ការធ្វើ​ពាណិជ្ជកម្ម ដូចជា​បិទ​ស្លាក​សញ្ញា ៕B/