រដ្ឋបាលខេត្ត​កំពង់ឆ្នាំង ប្រារព្ធ​ពិធីបុណ្យ​អកអំបុក​និង​សំពះ​ព្រះ​ខែ​ជាមួយ​ប្រជាពលរដ្ឋ នៅ​យាយ​ទេព​ក្រុង​កំពង់ឆ្នាំង​

220
ចែករម្លែក

ដោយ​: សន សក្តា / កំពង់ឆ្នាំង​: នា​រាត្រី​ថ្ងៃ​១៥​កើត ខែ​ក​ត្តឹ​ក ឆ្នាំកុរ ឯកស័ក ពស​២៥៦៣ ត្រូវ​នឹង​ថ្ងៃទី​១១ ខែវិច្ឆិកា ឆ្នាំ​២០១៩​នេះ រដ្ឋបាលខេត្ត​កំពង់ឆ្នាំង បានរៀបចំ​ពិធី​បុណ្យអកអំបុកសំពះព្រះខែ នៅ​វត្ត​ទេពធីតា​រាម (​វត្ត​យាយ​ទេព ) ស្ថិតក្នុង​សង្កាត់​ផ្សារឆ្នាំង ក្រុង​កំពង់ឆ្នាំង ។​

​ពិធីបុណ្យ​អកអំបុក សំពះ​ព្រះ​ខែ នៅ​វត្ត​យាយ​ទេព នា​រាត្រី​នោះ មានការ​អញ្ជើញ​ចូលរួម​ពី​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង និង លោ​ស្រី ឈឹម ស្រីមុំ ព្រមទាំង​មានការ​អញ្ជើញ​ចូលរួម​ពី​លោក លោកស្រី សមាជិក​ក្រុមប្រឹក្សា​ខេត្ត មន្ត្រីរាជការ និង ប្រជាព​រដ្ឋ​ផងដែរ​យ៉ាងច្រើន​កុះករ ។​

​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង​បាន​មានប្រសាសន៍​ទៅកាន់​ប្រជាពលរដ្ឋ​នាឱកាស​នោះ​ថា ក្រោម​ការដឹកនាំ របស់​រាជរដ្ឋាភិបាល​កម្ពុជា​ដែលមាន​សម្ដេច​អគ្គមហាសេនាបតី​តេ​ជោ ហ៊ុន សែន ជា​ប្រមុខ​បានធ្វើ​ឲ្យ​មាន​សុខសន្ដិភាព​ពេញបរិបូរណ៍ និង​មានការ​អភិវឌ្ឍ​រីកចម្រើន ឈាន​ឡើងលើ​គ្រប់​វិស័យ​។ ប្រជាជន​ទូទាំងប្រទេស កាន់​តែមាន​ជីវ​ភាពល្អ​ប្រសើរឡើង មាន​សុភមង្គល​ក្នុង​គ្រួសារ និង មាន​សិទ្ធិសេរីភាព​ពេញលេញ ក្នុង​ជំនឿ​ខាង​សាសនា ។

​លោក​អភិបាលខេត្ត​បាន​មានប្រសាសន៍​បន្តថា ព្រះ​រាជពិធី​បុណ្យអកអំបុកសំពះព្រះខែ និង​បណ្តែតប្រទីប​ឆ្នាំនេះ បាន​ផ្សារភ្ជាប់​ទៅនឹង​ព្រឹត្តិការណ៍​ថ្ងៃទី​៩ វិច្ឆិកា គឺ​ការ​ពិសារ​អំបុក​សាមគ្គី រួមគ្នា​ការពារ​សន្តិភាព ជាតិ សាសនា ព្រះមហាក្សត្រ​ដោយបាន​បង្ហាញ ពី​ការ​សាមគ្គីភាព ឯកភាព​ជាតិខ្មែរ​តែមួយ រួមគ្នា​ថែរក្សា​សន្តិភាព និង​ប្រឆាំង​ដាច់ខាត​ក្រុម​ជ្រុលនិយម​មួយ​ក្តាប់​តូច​របស់​ទណ្ឌិត​សម រង្ស៊ី ដែល​ប៉ុនប៉ង​ផ្តួលរំលំ​រាជរដ្ឋាភិបាល​ស្របច្បាប់​។​

​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង បាន​មានប្រសាសន៍​ឲ​ដឹង​ទៀតថា ពិធីបុណ្យ​អកអំបុក និង​សំពះ​ព្រះ​ខែ ត្រូវបាន​ប្រជាពលរដ្ឋ​ខ្មែរ​យើង ធ្វើឡើង ដើម្បី​រម្លឹក​ដល់​ព្រះ​ពោធិសត្វ ដែល​យោង​យកកំណើត​ជាស​ត្វ​ទន្សាយ​។ ហើយ​ទន្សាយ​ដែលជា​តួអង្គ​ព្រះ​ពោធិសត្វ ប៉ង​នឹង​លះបង់​អាយុសង្ខារ ដល់​ព្រះ​ឥន្ទ្រាធិរាជ ដើម្បី​បំពេញ​ទានបារមី​។ រឿងរ៉ាវ​ដែល​ទាក់ទង​នឹង​ព្រះ​ពោធិសត្វ​ដូច្នេះហើយ ដែល​នាំ​ឲ្យ​អ្នកស្រុក​តែងតែ​រៀបចំ​ប្រារព្ធ​ពិធី​នេះ​ជា​រៀងរាល់ឆ្នាំ នៅតាម​វត្ត​អារាម ភូមិ​ស្រុក និង ទីប្រជុំជន​នានា ដោយមាន​ចេក អំបុក ទឹកដូង ផ្លែឈើ ជាដើម ដើម្បី​រម្លឹក​ដល់​ព្រះ​ពោធិសត្វ​។​

​សូមបញ្ជាក់ថា នៅក្នុង​ពិធីបុណ្យ​អកអំបុក និង​សំពះ​ព្រះ​ខែ នៅ​វត្ត​ទេពធីតា​រាម​ឆ្នាំនេះ បាន​ប្រ​ព្រឹ​តទៅ​តាម​ទំនាមទម្លាប់ ដោយមាន​ពិធី​សម្រក់​ទៀន​ផ្សង​ប្រ​ផ្នូរ​មើល​ទឹកភ្លៀង​សម្រាប់​ឆ្នាំ​២០២ ដោយ​ការសម្តែង​ក្បាច់គុណ​ល្បុក្កតោ​និង​ការ បង្ហោះគោម ផងដែរ​៕ ល​