រដ្ឋបាលខេត្ត​ស្នើ​ក្រសួង​ស្ថាប័ន​ចាត់វិធានការ​លើ​ការសាងសង់​ផ្នូរ ម៉ុង ចេតិយ​លើ​ភ្នំ ជើងភ្នំ​

1242
ចែករម្លែក

​ដោយ​: ភ្នំ​ស្វាយ / បន្ទាយមានជ័យ​: រដ្ឋបាលខេត្ត​បន្ទាយមានជ័យ កាលពី​ថ្ងៃទី​១៤ ខែសីហា ឆ្នាំ​២០១៨ បាន​ប្រជុំ​ដោះស្រាយ​លើ​សំណើសុំ​របស់​ប្រជាពលរដ្ឋ ឲ្យ​ចាត់វិធានការ​ទប់ស្កាត់​លើ​បញ្ហា​ផ្នូរ​សព និង​ម៉ុង​អាណាធិបតេយ្យ​លើ​ភ្នំ​ស្វាយ និង​ភ្នំ​នានា​នៅ​ក្រុង​សិរីសោភ័ណ​ខេត្តបន្ទាយមានជ័យ​។​

​កិច្ចប្រជុំ​នេះ មានការ​ចូលរួម​ពី​ព្រះគ្រូ ណាប់ ម៉ឺន ព្រះ​វិន័យធរ​គណ​ខេត្ត​និង​ជា​ចៅអធិការ​វត្ត​គិរី​ជុំ​ចំការ​ខ្នុរ មន្ត្រី​សង្ឃ អស់លោក​ជា​ប្រធាន​មន្ទីរ អង្គភាព​ស្ថាប័ន​ពាក់ព័ន្ធ​ជុំវិញ​ខេត្ត ព្រម​ទាំ​គណៈកម្មការ អាចារ្យវត្ត និង​មាន​លោក លី សារី អភិបាលរង​ខេត្ត​ជា​ប្រធាន​អង្គប្រជុំ​។​

​យោងតាម​ពាក្យ​ស្នើរ​សុំ​របស់​ប្រជាពលរដ្ឋ​រស់នៅក្នុង​ក្រុង​សិរីសោភ័ណ ខេត្តបន្ទាយមានជ័យ ដែល​បាន​ដាក់ចូល​រដ្ឋា​បាល​ខេត្តបន្ទាយមានជ័យ ចុះ​ថ្ងៃទី​២៨​ខែកក្កដា ឆ្នាំ​២០១៨ បាន​លើកឡើងថា​: ក្រោម​ការដឹកនាំ​របស់​ឯ​/​ឧ សួន បវរ អភិបាលខេត្ត​បន្ទាយមានជ័យ មានការ​អភិវឌ្ឍន៍ ដូចជា​ការរៀបចំ​សួន​មានជ័យ សម្រាប់​ស​ម្រើ​រ​ប្រជាពលរដ្ឋ​ទូរ​ទៅ​ដើរ ភ្ញៀវ​លំហែរ​កាយ និង​ជា​កន្លែង​ហាត់ប្រាណ យ៉ាង​កុះករ​។​

​ប៉ុន្តែ​នៅ​ទីតាំង​លើ​ភ្នំ​ស្វាយ មាន​បងប្អូន​ប្រជ​ពលរដ្ឋ​ជាច្រើន ដែល​ចូលចិត្ត​ដើរ​ហាត់ប្រាណ បាននាំគ្នា​ដើរ​ឡើង​ក្នុង​លក្ខណៈ​ហាត់ប្រាណ​ផង និង​ទេសចរណ៍​ផង ព្រោះ​អាច​មើលឃើញ​ទិដ្ឋភាព​រួម​ក្នុង​ក្រុង​សិរីសោភ័ណ ត្រូ​ង​គេ​រំលោភ​យក​សាងសង់​ផ្នូរ និង​ម៉ុង​កប់​សព​ជាច្រើន ថែមទាំង​បាន​បោះបង្គោល​ព៍​ទ្ធ​ទុកជា​បន្ត​បន្ត​។ ហេតុនេះ វា​បង្ក​ប៉ះពាល់​ដល់​សោភ័ណភាព ទេសភាព​និង​ទិដ្ឋភាព​ស្រស់ត្រកាល​នៃ​ភ្នំ​នេះហើយ​។​

​ព្រះ​វិន័យធរ​គណ​ខេត្ត -​ព្រះគ្រូ​ចៅអធិការ​វត្ត គណ​:​កម្ម​ការ អាចារ្យ តំណាង​មន្ទីរ អង្គភាព​ពាក់ព័ន្ធ​ដូចជា មន្ទីរ​ធម្មការ​និង​កិច្ចការ​សាសនា មន្ទីរ​រ៉ែ​និង​ថាមពល មន្ទីរ​បរិស្ថាន ក៏​ដូច​អាជ្ញាធរ​សង្កាត់ បាន​លើកយក​ពី​បញ្ហា​ច្បាប់ បទដ្ឋាន​គតិយុត្តិ​នានា​ដែល​កំណត់ថា ភ្នំ​និង​ដី​ជើងភ្នំ​ជា​កម្មសិទ្ធិសាធារណៈ​រប​ស់រ​ដ្ឋ មិនត្រូវ​ធ្វើ​អ្វី​ត្រូវតែមាន​ច្បា​បើ​អនុញ្ញាតិ មិនត្រូវ​រំលោភបំពាន​ឡើយ​។ ហើយ​កន្លងមក រដ្ឋបាលខេត្ត​បន្ទាយមានជ័យ ជំនាន់ លោក គោ​ស៊ុំ សារឿ​ត ជា​អភិបាលខេត្ត​ក៏បាន​ចាត់វិធានការ​និង​បានការ​ឯកភាព​ពី​ក្រសួង​រ៉ែ និង​ថាមពល បញ្ឈប់​សកម្មភាព​ធ្វើ​អាជីវកម្ម​រ៉ែ​ដី​លើ​ក្រុម​ប្រជុំ​កូនភ្នំ​ទាំងឡាយ នៅ​ក្រុង​សិរីសោភ័ណ និង​ចេញ​ការណែនាំ​ហាម​ការសាងសង់​សំណង់ ហាម​កប់​សព​និង​សាងសង់​ចេតិយ​និង​ម៉ុង​លើ​ជើងភ្នំ ចង្កេះភ្នំ ខ្នងភ្នំ​និង​កំពូលភ្នំ​ផងដែរ​។ បំណង​គឺ​ចង់ទុក​កូនភ្នំ​ទាំងនោះ​ជា​ជា​តំបន់​អភិរក្ស​ធម្មជាតិ ទេសចរណ៍ វប្បធម៌​ជាដើម​។ ផ្ទុយទៅវិញ ការរំលោភបំពាន​ដូចខាងលើ រឹងរឹតតែ​ធ្ងន់ធ្ងរ​ទៅៗ​។​

​អាចារ្យ​ទស្សន៍ទាយ​និង​ជា​ព្កុ​ក​ខាង​ជំនឿ​បែប​សែស្រឡាយ​ចិន លោកតា​ណាំ ដែល​ល្បី​ជាងគេ​នៅ​ក្រុង​សិរីសោភ័ណ​និយាយថា​: កន្លងមក​រាល់​ការ​កប់​សព សង់​ម៉ុង​នៅលើ​ជ្រលង​ភ្នំ លើ​ជើងភ្នំ លើ​ចង្កេះភ្នំ ខ្នងភ្នំ​និង​កំពូលភ្នំ​ពិតជា​មាន​ច្រើន​មែន ហើយក៏​បន្ត​រឹតតែ​ច្រើន​។ នោះ​មកពី​គ្រួសារ​នៃ​សព ,​អាចារ្យ ,​គណ​:​កម្ម​ការ​វត្ត​និង​អាជ្ញាធរ​ដែនដី​ជំនាញ​មន្ទីរ​ធម្មការ​ពិបាក ឬ​មិន​ហ៊ាន​ចេញ​ការហាមឃាត់ ឬ​ចាត់វិធានការ​ម៉ឺងម៉ាត់​ជាដាច់ខាត​។ ឯ​លោក​អាចារ្យ​ផ្ទាល់​ក៏​រកបាន​កម្រៃ​កាក់កប​ពី​ការគាំទ្រ និង​ជាវ​សេវា​ទស្សន៍ទាយ​និង​ទីតាំង​មាន​ហុងស៊ុយ​ពី​អតិថិជន​ជា​គ្រួសារ នៃ​សព​ផងដែរ​ក្នុងការ​ទុកដាក់​សព​និង​សង់​ម៉ុង​លើ​ទីនោះ​។​

​ក្នុងនោះ ទី​កប់​សព​ដោយ​ធ្វើ​ម៉ុង​បែប​សែស្រឡាយ​កូនចៅ​ចិន ធ្វើ​ចេតិយ​បែប​ខ្មែរ ដាំ​ឈើឆ្កាង​បែប​គ្រឹ​ស្ទ​សាសនា​ដែល​បាន​ធ្វើជា​យូរ​មកហើយ​នោះ​នៅលើ​ភ្នំ ក៏​នឹង​ប៉ះពាល់​ដល់​បរិស្ថាន​ធម្មជាតិ ។​ម្យ៉ាងទៀត​ក៏​ប៉ះពាល់​ដល់​គម្រោង​សាងសង់​ពហុកីឡាដ្ឋាន​ខេត្តបន្ទាយមានជ័យ​លើដី​ទំហំ​១៣​ហិច​តា​នៅ​ភ្នំ​ដូងព្រះ​និង​ភ្នំ​ខ្លា​កូន​ចាស់​នៅ​សង្កាត់​អូរ​អំបិល​និង​សង្កាត់​កំពង់ស្វាយ​នា​ក្រុង​សិរីសោភ័ណ​ផងដែរ​។​

​បន្ទាប់ពី​មានការ​លើកឡើង ពិភាក្សាគ្នា​ដ៏​ចម្រូងចម្រាស តឹងសរសៃក​ក្តៅគគុក​រួចមក អង្គប្រជុំ​ដឹកនាំ​ដោយ​លោក លី សារី បាន​បូកសរុប ឯកភាព​លើ​ស្មារតី​នៃ​កិច្ចប្រជុំ​លើ​ខ្លឹមសារ​ចំនួន​០៤​ចំណុច ដើម្បី​ដាក់សំណើរ​ទៅ​ឯ​/​ឧ​អភិបាលខេត្ត​ពិនិត្យ សម្រេច និង​ក៏​ស្នើសុំ​ទៅ​ក្រសួង ស្ថាប័ន​នៃ​រាជរដ្ឋាភិបាល​សុំ​ការឯកភាព​រួមមាន ៖
១- ចេតិយ ម៉ុង​ឬ​សំណង់​នានា​ដែលមាន​ហើយ​លើ​ជើងភ្នំ ចង្កេះភ្នំ ខ្នងភ្នំ កំពូលភ្នំ ត្រូវ​ទុក​ដដែល​សិន និង​តែ​ហាម​សាងសង់​ថ្មីៗ​បន្ថែម ។
២.-​មន្ទីរ​ធម្មការ​និង​សាសនា ត្រូវធ្វើ​ស្ថិតិ​ផ្នូរ ឬ​ម៉ុង ចេតិយ​និង​សំណង់​ហើយ​បែងចែក​ដ​ឲ្យ​ច្បាស់​នៅ​ក្រុង​សិរីសោភ័ណ ។ សុំ​គោល​ការ​ទៅ​ក្រសួង​ជាបន្ទាន់​នៅ​កិច្ច​ការដែល​លើក​ឡើងមក​ដោះស្រាយ​នេះ ។ ប្រជុំ​ផ្សព្វផ្សាយ​ជាមួយ​ពលរដ្ឋ​គ្រប់​ជំនឿ​សាសនា​និង​វប្ប​ធ​ម៍​នូវ​រាល់​លិខិត បទដ្ឋាន​គ​តី​យុ​ត្តិ​ទាក់ទិន​ដីភ្នំ​។​
៣- ការិយាល័យ​អន្តរ​វិស័យ​នៃ​សាលាខេត្ត​បង្កើត​គណៈកម្មការ​សហកា​រ​គ្នា​រៀបចំ​គូស​ប្លង់​ដាក់​មក​ខេត្ត​សម្រេច។
៤- ហាម​អាជ្ញាធរ គណៈកម្មការ​វត្ត​ចេញ​លិខិត​កាន់កាប់​លក់ដូរ ផ្ទេរ​ផ្ទូរ និង​លិខិត​ផ្សេង​ដែល​ពាក់ព័ន្ធ​នឹង​ដីភ្នំ ជើងភ្នំ​៕ ល​