រដ្ឋមន្ត្រី​ក្រសួងកសិកម្ម​ចុះ​អនុស្សរណៈ​ជាមួយ​ក្រុមហ៊ុន​លើ​គម្រោង​ផលិតកម្ម​កសិកម្ម​តាម​កិច្ចសន្យា​បែប​ទំនើប​

914
ចែករម្លែក

(​ភ្នំពេញ​)៖​នៅ​រសៀល​ថ្ងៃទី​០៣ ខែសីហា ឆ្នាំ​២០១៧ នៅ​ទីស្តីការក្រសួង ក្រសួងកសិកម្ម រុក្ខាប្រមាញ់​និង​នេសាទ ឯកឧត្តម វេ​ង សាខុន រដ្ឋមន្ត្រី បាន​អញ្ជើញ​ចូលរួម​ក្នុង​ពិធី​ចុះហត្ថលេខា​លើ​អនុស្សរណៈ​យោគយល់​គ្នា ស្តីពី​“​កិច្ចសហប្រតិបត្តិការ​អនុវត្ត​គម្រោង​ផលិត​​កម្ម​កសិកម្ម​តាម​កិច្ចសន្យា​បែប​ទំនើប​” រវាង​ក្រសួងកសិកម្ម​រុក្ខាប្រមាញ់​និង​នេសាទ ជាមួយ​ក្រុមហ៊ុន​សោ​ម៉ា​គ្រុប​ខូ​អិ​ល​ធី​ឌី​តំណាង​​ដោយ ឯកឧត្តម សុខ ពុទ្ធិ​វុ​ធ រួមជាមួយ និង​តំណាង​ក្រុមហ៊ុន​សាន់​រ៉ា​យមក​ពី​អូស្ត្រាលី ។​

​អនុស្សរណៈ​នេះ​មាន​គោលបំណង​អនុវត្ត​គម្រោង​ផលិតកម្ម​កសិកម្ម​តាម​កិច្ចសន្យា​បែប​ទំនើប​ស្របតាម អនុក្រឹត្យ​លេខ​៣៦ អនក្រ​.​បក ស្តីពី​ផលិតកម្ម​កសិកម្ម​តាម​កិច្ចសន្យា និង​សារាចរ​ណែនាំ​លេខ​១៩៦​ស្តីពី​គោលការណ៍​ណែនាំ​ក្នុងការ​អនុវត្ត​ផលិតកម្ម​កសិកម្ម​តាម​កិច្ច​​សន្យា​។

​ជារួម​គម្រោង​នេះ​សង្កត់ធ្ងន់​ទៅលើ​ដំណាំ​ស្រូវ ដំណាំ​វិលជុំ ការប្រើប្រាស់​បច្ចេកវិទ្យា​ក្រោយពេល​ប្រមូល​ផល​ការប្រើប្រាស់​គ្រឿងយន្ត​​កសិកម្ម ការប្រើប្រាស់​ជី និង​ថ្នាំ​កសិកម្ម​ឲ្យ​បាន​ត្រឹមត្រូវ​តាម​បច្ចេកទេស និង​ស្ថានភាព​ដី ការស្វែងរក​ទីផ្សារ​ការកៀងគរ​ជំនួយ​ថវិកា​​ដើម្បី​ជួយ​ដល់​ប្រជាកសិករ​។​ល​។ នេះ​បើ​ស​តាម​ប្រាស​សន៍​បញ្ជាក់​ពី​ឯកឧត្តម សុខ ពុទ្ធិ​វុ​ធ​៕​ដោយ​៖​វាសនា