រដ្ឋមន្ត្រី​ប្រេ​ស៊ី​ល​ម្នាក់​និយាយថា ជំទាវ​ទីមួយ​របស់​បារាំង “​មុខ​ពិតជា​យ៉ាប់​មែនទែន​ហ្មង​”

276
ចែករម្លែក

​រដ្ឋមន្ត្រី​របស់​រដ្ឋាភិបាល​ប្រេ​ស៊ី​ល​ម្នា​ក់បាន​និយាយ​កាលពី​ថ្ងៃ​ព្រហស្បតិ៍​ទី ៥ កញ្ញា​ថា ជំទាវ​ទីមួយ​របស់​បារាំង​លោកស្រី ព្រី​ជី​ទី ម៉ា​ក្រុង គឺ “​មុខ​ពិតជា​យ៉ាប់​មែនទែន​ហ្មង​” ពោលគឺ​តែ​ប៉ុន្មាន​ថ្ងៃ​ប៉ុណ្ណោះ​បន្ទាប់ពី​ប្រធានាធិបតី​ប្រេ​ស៊ី​ល​បង្ហាញ​ការយល់ស្រប​លើ​ការវាយប្រហារ​លើ​សម្រស់​របស់លោក​ស្រី​។​

​លោក ផូ​ឡូ ហ្គេ​ដេ​ស រដ្ឋមន្ត្រីក្រសួង​សេដ្ឋកិច្ច​ប្រេ​ស៊ី​ល​បាន​និយាយថា លោក​យល់ស្រប​ជាមួយនឹង​ការអត្ថាធិប្បាយ​របស់លោក​ប្រធានាធិបតី ជែ​រ បូល​សូ​ណា​រ៉ូ អំពី​មុខមាត់​របស់លោក​ស្រី​ម៉ា​ក្រុង​។​

​ថ្លែង​ទៅកាន់​ហ្វូងមនុស្ស​ដែល​កំពុង​ទះដៃ​អបអរសាទរ​ក្នុង​វេទិកា​សេដ្ឋកិច្ច​មួយ លោក​ហ្គេ​ដេ​ស​និយាយថា “​លោក​ប្រធានាធិបតី​បាន​និយាយថា​លោកស្រី​មានមុខមាត់​អាក្រក់​ណាស់​។ ការពិត​វា​គឺ​អ៊ីចឹង​មែន​។ ជំទាវ​នេះ​មានមុខមាត់​យ៉ាប់​ខ្លាំងណាស់​”​។​

​ក្រោយមក ជំនួយការ​ម្នាក់​បាន​និយាយ​នៅក្នុង​សេចក្តីថ្លែងការណ៍​មួយ​ថា លោក​ហ្គេ​ដេ​ស “​សុំ​អភ័យទោស​ចំពោះ​ការនិយាយ​កំប្លែង​បែបនេះ​នៅថ្ងៃនេះ (​ព្រហស្បតិ៍​) ក្នុង​ព្រឹត្តិការណ៍​សាធារណៈ​…​នៅពេល​គាត់​និយាយ​អំពី​ជំទាវ​ទីមួយ​របស់​បារាំង​”៕ ដោយ៖ កញ្ញាដាលីស

ជំទាវ​ទីមួយ​របស់​បារាំង​លោកស្រី ព្រី​ជី​ទី ម៉ា​ក្រុង