រថយន្ត​វី​ហ្គូ​ល​បាន​បើក​បុក​រះ​ចូល​ផ្ទះ​ប្រជាពលរដ្ឋ​រង​ការខូចខាត រួច​បើក​រត់​បាត់​

239
ចែករម្លែក

ដោយ​: ចាន់តូ / ភ្នំពេញ​: ផ្ទះ​អ៊ុត​ម៉ូតូ ឡាន​មួយកន្លែង​ត្រូវបាន រថយន្ត ហ៊ី​ឡាក់ វី​ហ្គោ​បើក​បុក​ចូល​បណ្តាល​ឲ្យ​រង​ការខូចខាត​នៅ​ទ្វារផ្ទះ​និង​ម៉ូតូ​មួយគ្រឿង កាលពី​វេលា ម៉ោង​១៩​និង​៥៥​នាទី​យប់ ថ្ងៃ​អង្គារ ទី​១២ ខែវិច្ឆិកា ឆ្នាំ​២០១៩ ត្រង់ចំណុច​ខាងកើត​វត្ត​សំរោង​អណ្តែត ប្រមាណ​១៥០​ម៉ែត្រ តាម​បណ្តោយ​ផ្លូវ​បេតុង ក្នុង​សង្កាត់​គោក​ឃ្លាង ខណ្ឌ​សែន​សុខ រាជធានី​ភ្នំពេញ​។​

​យោងតាម​ប្រភពពី​កន្លែងកើតហេតុ បាន​ឲ្យ​ដឹងថា ដំបូង​ឡើយ​គេ​ឃើញ​រថយន្ត ហ៊ី​ឡាក់ វី​ហ្គោ ពណ៌​ខ្មៅ មិន​ចាំ​ផ្លាកលេខ​បាន​បើក​តាម​បណ្តោយ​ផ្លូវ​បេតុង ទិសដៅ​ពី​លិចទៅ​កើត យ៉ាង​លឿន ខណៈ​មកដល់​កន្លែងកើតហេតុ​ខាងលើ ក៏បាន​រ៉េ​ចង្កូត​មក​ខាងឆ្វេង​ដៃ ចាប់​ហ្វ្រាំង​អូស​លាន់លឺ​រំពង ដែល​ធ្វើ​ឲ្យ​យុវជន​ម្នាក់ រត់ចេញ​ទាន់​កុំ​អី​គ្រោះថ្នាក់​បាត់ទៅហើយ​។ រថយន្ត​ក៏​បុក​ចូល​ផ្ទះ​អ៊ុត​ឡាន ម៉ូតូ​បណ្តាល​ឲ្យ​បាក់​ទ្វារផ្ទះ និង ម៉ូតូ ម៉ាក​ហុងដា​ប៊ិ​ត​(BeAT) ពណ៌​ស លាយ​ខៀវ ពាក់​ស្លាក លេខ ភ្នំពេញ 1GZ 3152 បាក់បែក​ខាងមុខ យ៉ាងដំណំ​ដែល​ចត​នៅខាងមុខ​ហាង ព្រមទាំង​ខូចខាត​ទ្រព្យសម្បត្តិ​មួយចំនួនទៀត​។​

​ក្រោយពី​កើតហេតុ​រថយន្ត​បង្ក​បាន​បើក​រត់​បាត់ស្រមោល​៕ ល​