របកគំហើញ​ថ្មី​បង្ហាញថា ពស់​សម័យបុរាណ​មាន​ជើង​

236
ចែករម្លែក

​ការសិក្សា​ថ្មី​មួយ​ទៅលើ​ដើមកំណើត នៃ​សត្វ​ពស់​បាន​លាតត្រដាង​គួរឱ្យភ្ញាក់ផ្អើល​ថា ពស់​សម័យបុរាណ​មាន​ជើង និង​មាន​ឆ្អឹងថ្គាម​អំឡុង​ការវិវឌ្ឍ​របស់​ពួកវា​រយៈពេល ១០០ លាន​ឆ្នាំ​ដំបូង​។
​ ​
​ក្រុម​អ្នកស្រាវជ្រាវ​បានគាស់​កកាយ​អាថ៌កំបាំង​នៃ​ពស់​សម័យបុរាណ​តាមរយៈ​ការ សិក្សា​ទៅ លើ​គ្រោងឆ្អឹង​ហ្វូ​ស៊ី​ល​ដែល​នៅ​ល្អ​ស្ទើរ​មិនគួរ​ឱ្យ​ជឿ នៃ​ពស់ ណា​ចេស (Najesh snake) ដែល​គេ​បានធ្វើ​កំណាយ​ឃើញ​នៅក្នុង​ប្រទេស​អា​ហ្ស​ង់​ទីន​។​
​ ​
គេ​ជឿថា គ្រោងឆ្អឹង​ហ្វូ​ស៊ី​ល​នេះ​បន្សល់​ពី​យុគសម័យ Late Cretaceous ប្រមាណ ១០០ លាន​ឆ្នាំមុន ហើយ​វា​បង្ហាញថា ពស់​សម័យបុរាណ​មាន​ជើង​រាប់លាន​ឆ្នាំ​មុននឹង​វិ​វ​ឌ្ឍ​ទៅ ជា​គ្មាន ជើង​ដូច​សព្វថ្ងៃ​។​
​ ​
ការសិក្សា​ខ្នាត​អន្តរជាតិ​នេះ ធ្វើឡើង​ដោយ​ក្រុម​អ្នកស្រាវជ្រាវ​មកពី​ប្រទេស​កាណាដា ប្រទេស​អា​ហ្ស​ង់​ទីន និង​ប្រទេស​អូស្ត្រាលី​។ ក្រុម​អ្នកស្រាវជ្រាវ​និយាយថា​ដោយសារ​កំណត់ ត្រា​ហ្វូ​ស៊ី​ល​មាន​កម្រិត​ធ្វើឱ្យ​ពួកគេ​ពិបាក​ស្វែងយល់​ឱ្យបាន​ស៊ីជម្រៅ​ពី​ដំណើរ​វិវឌ្ឍន៍​របស់ ពួកវា​មកដល់​បច្ចុប្បន្ន​៕ ប្រែ​សម្រួលៈ ខុម