របួសធ្ងន់​ម្នាក់​ស្រាល​បីនាក់​ដោយ​ម៉ូតូ​បុក​ម៉ូតូ​

369
ចែករម្លែក

ដោយៈ​គ្រញូង​/​ប៉ៃលិន​៖​មនុស្ស​ប្រុស​បួន​នាក់​ជិះ​ម៉ូតូ​២​គ្រឿង​បុក​គ្នា​បណ្តាលឱ្យ​របួសធ្ងន់​ស្រាល​ទាំងសងខាង​។​គ្រោះថ្នាក់​ចរាចរណ៍​នេះ​កើតឡើង​រវាង​ម៉ូតូ​នឹង​ម៉ូតូ​បើកបរ​បញ្ច្រាស់ទិស​គ្នា​នៅ​ចំណុច​ផ្លូវ​ក្រវ៉ាត់​ព្រំដែន​ស្ថិត​ក្នុងភូមិ​អូរ​ឈើ​ក្រំ ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន​កាលពី​យប់​ថ្ងៃទី​០៤​ខែមករា​ឆ្នាំ​២០១៩ ។​

សមត្ថកិច្ច​ចរាចរណ៍​ស្រុក​សាលា​ក្រៅ បានឱ្យដឹងថា​ជនរងគ្រោះ​ធ្ងន់​ស្រាល​ទាំង​បួន​នាក់​មាន​១-​ឈ្មោះ ដែន ភេទ​ប្រុស អាយុ​២៨​ឆ្នាំ បើក​ម៉ូតូ​ម៉ាក ZoomerX​ពណ៌​ខៀវ​លាយ​លឿង​សេរី​ឆ្នាំ​២០១៨ ពាក់​ស្លាក​លេខ ប៉ៃលិន 1C-4800​បើក​ពី​ជើង​ទៅ​ត្បួ​ង​រងរបួស​បាក់​ភ្លៅ​ខាងស្ដាំ​។​

២-​ឈ្មោះ​ឈៀក ភេទ​ប្រុស អាយុ ២២​ឆ្នាំ បើកបរ​ម៉ូតូ​ម៉ាក Wave ពណ៌​ក្រហម ស៊េរី​ឆ្នាំ​២០០៧ គ្មាន​ស្លាក​លេខ​បើក​ពី​ជើង​ទៅ​ត្បូង​របួសស្រាល ៣-​ឈ្មោះ​លើ ភេទ​ប្រុស អាយុ ២៣​ឆ្នាំ​អ្នករួមដំណើរ រងរបួស​ស្រាល​និង​៤-​ឈ្មោះ ឆេន ភេទ​ប្រុស អាយុ ២១​ឆ្នាំ អ្នករួមដំណើរ របួសស្រាល​។ អ្នក​បី​រស់នៅ​ភូមិ​ឃុំ​កើតហេតុ​ខាងលើ​។​

​សមត្ថកិច្ច​ដដែល​បាន​បញ្ជាក់ថា​មូលហេតុ​បណ្ដាល​ពី​កត្តា​មនុស្ស​បើកបរ​ហួស​ល្បឿន​កំណត់​និង​បត់​ឆ្វេង​ស្ដាំ​ខ្វះ​ការប្រុងប្រយ័ត្ន​។​បច្ចុប្បន្ន​ជនរងគ្រោះ​ត្រូវបាន​សាច់ញាតិ​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្ត​ប៉ៃលិន​។​ចំណែក​មធ្យោបាយ​ម៉ូតូ​ទាំងពីរ​គ្រឿង​ត្រូវបាន​នគរបាល​ចរាច​រណ៍​យកទៅ​រក្សាទុក​នៅ​អធិការដ្ឋាន​ស្រុក​សាលា​ក្រៅ​រង់ចាំ​ដោ​ញ​ស្រាយ​នៅពេល​ក្រោយ​៕S/