របួស​ធ្ងន់៣​នាក់​ដោយ​ម៉ូតូ​បុក​ម៉ូតូ​នៅ​ស្រុក​ភ្នំព្រឹក​

454
ចែករម្លែក

ដោយ:​គ្រញូង​/បាត់ដំបង ៖ ​មនុស្ស​ប្រុស​ម្នាក់​និង​ស្ត្រី​ពីរ​នាក់​បាន​រងរបួស​ធ្ងន់​ដួល​សន្ល​ប់​បាត់ស្មារតី​ ដោយ​ជួប​គ្រោះថ្នាក់​ចរាចរណ៍​រវាង​ម៉ូតូ​បុក​ម៉ូតូ​កាលពី​ព្រឹក​ថ្ងៃទី​៤ ខែមេសា​ ឆ្នាំ​២០១៩​ នៅ​ចំណុច​ភូមិ​ភ្នំ​ប្រាំពីរ​ឃុំ​បួរ​ស្រុក​ភ្នំព្រឹក​។​

មន្ត្រីនគរបាល​ចរាច​រំ​ស្រុក​ភ្នំព្រឹក​បានឱ្យដឹងថា ​មូលហេតុ​គឺ​ម៉ូតូ​ម៉ាក​សង់​ពណ៍​ខ្មៅ​ស៊េរី​២០១២​ពាក់​ស្លាក​លេខ​1E7691​បើកបរ​ដោយ​១.ឈ្មោះ​ ជា ស៊ីម ភេទ​ប្រុស​ អាយុ​៥៨​ឆ្នាំ​រស់នៅ​ភូមិ​ដំណាក់​បេង​ ឃុំ​បួរ ​បាន​បើក​ចេញពី​ចម្ការបត់​ឆ្លងថ្នល់​មិនមានការប្រុង​ប្រយ័ត្ន​ បណ្តាល​ឱ្យ​ម៉ូតូ​ម៉ាក​ឃ្លិ​ច​ពណ៌​ខៀវ​ស៊េរី​ឆ្នាំ​២០១៦​ ពាក់​ស្លាក​លេខ​1N.9027​បើកបរ​យ៉ាង​លឿន​ជាន់​ហ្វ្រាំ​មិនទាន់​ ក៏​បុក​ពេញទំហឹង​តែម្តង​ បណ្តាលឱ្យ​អ្នក​ទាំងបី​ដួល​បោក​ក្បាល​នឹង​ថ្នល់​សន្លប់​បាត់ស្មារតី​ទាំ​អស់​គ្នា​។​ ២.​ឈ្មោះ​ជិន ណា​រី ភេទ​ស្រី​អាយុ​១៧​ឆ្នាំ​។ ៣.​ឈ្មោះ​រ៉​ន កញ្ញា ភេទ​ស្រី​អាយុ​១៦​ឆ្នាំ​។​ អ្នក​ទាំងពីរ​រស់នៅ​ភូមិ​ភ្នំ​ប្រាំពីរ​ឃុំ​បួរ​ ស្រុក​ភ្នំព្រឹក​ ខេត្តបាត់ដំបង​។​

​បច្ចុប្បន្ន​ជនរងគ្រោះ​ទាំង​៣​នាក់ ​បាន​បញ្ជូនទៅ​មន្ទី​ពេទ្យ​បង្អែក​ស្រុក​សំពៅ​លូន​ ខេត្ត​បាត់​ដំបង ​ដើម្បី​ជួយសង្គ្រោះ​។ ​ចំណែក​ម៉ូតូ​ទាំងពីរ​គ្រឿងត្រូវនគរបាល​ចរាចរណ៍​ស្រុក​យកទៅ​រក្សាទុក​រង់ចាំ​ដោះស្រាយ​នៅពេល​ក្រោយ​៕B/