រយៈពេល​៣​ថ្ងៃបុណ្យ​ភ្ជុំបិណ្ឌ​៖ ខេត្តកំពង់ស្ពឺ​មាន​ភ្ញៀវទេសចរ​មក​កម្សាន្ត​កើនឡើង​ជាង​ឆ្នាំមុន​

1454
ចែករម្លែក

ដោយ​: សុខ​សុ​ភ័​ណ្ឌ / កំពង់ស្ពឺ​: ភ្ញៀវទេសចរ​ជាតិ និង​អន្តរជាតិ មក​កម្សាន្ត​នៅ​តំបន់​រមណីយដ្ឋាន​ទាំង​៩​កន្លែង ក្នុង​ខេត្តកំពង់ស្ពឺ នា​រដូវ​បុណ្យ​ភ្ជុំបិណ្ឌ​រយៈពេល​បី​ថ្ងៃនេះ មានការ​កើនឡើង​ជាង​ឆ្នាំ​២០១៧​។​

​លោក សៅ សារ៉ន ប្រធាន​មន្ទីរ​ទេសចរ​ខេត្តកំពង់ស្ពឺ បាន​ឲ្យ​ដឹង​នៅ​ព្រឹក​ថ្ងៃទី​១១ ខែតុលា ឆ្នាំ​២០១៨ ថា តំបន់​រមណីយដ្ឋាន​ក្នុង​ខេត្តកំពង់ស្ពឺ​មាន​៩​កន្លែង ដែល​ទាក់ទាញ​ភ្ញៀវ​ទេសចរណ៍​មក​លំហែ​ច្រើន​នោះ រួមមាន​៖
១.​តំបន់​រមណីយដ្ឋាន អំពែ​ភ្នំ​អាច​ទទួលភ្ញៀវ​មក​កម្សាន្ត​ផង និង​ធ្វើបុណ្យ​ផង ព្រោះ​មាន​វត្ត​នៅ​ជាមួយ ២.​តំបន់​រមណីយដ្ឋាន​ឧទ្យាន​ជាតិ​គិរី​រម្យ​ទាក់ទាញ​ភ្ញៀវ​ទេសចរណ៍​កម្សាន្ត​ច្រើន​ដោយសារ​តំបន់​នេះ​មាន​ដើមឈើ​ស្រល់​និង​ធ្វើ​ឲ្យ​មាន​ភាព​ត្រជាក់ ៣.​តំបន់​រមណី​ដ្ឋា​ន​ទឹកធ្លាក់​ចំបក់​អាច​ទទួល​ភ្ញៀវទេសចរ​ណ៍​បរទេស​បាន​ច្រើនជាងគេ​ព្រោះ​ទឹកធ្លាក់​ខ្ពស់ជាង​តំបន់​នាៗ ៤.​តំបន់​រមណីយដ្ឋាន​ទឹកធ្លាក់​ភ្នំ​ជ្រាវ​ទាក់ទាញ​ភ្ញៀវ​បាន​ច្រើន​សុទ្ធសឹងតែ​ជា​ភ្ញៀវ​ជាតិ​មក​កម្សាន្ត​ព្រោះ​តំបន់​នេះ​មាន​ទឺ​ក​ធ្លាក់​៧​ជាន់​ដ៏​ស្រស់ស្អាត​ព្រមទាំង​មាន​កញ្ចុះ​អង្គុយ​លំហែរ​ស្រង​ខ្យល់​ធ​ម៍​ជាតិ​។ ៥.​តំបន់​រមណីយដ្ឋាន​បូរាណ​វិទ្យា​ភ្នំ​ចាស់​មាន​រូងភ្នំ​ដែល​គេ​ដាក់​រូបសំណាក់​ព្រះបាទ​ជ័យ​វរ​ន្ម័​ទី​៧​សម្រាប់​ដុត​ធូ​ក​បូជា​សុំ​សេចក្តីសុខ ៦.​តំបន់​រមណីយដ្ឋាន​ទេ​ទឹក​ពុះ​អាច​ព្យាបាល​ជំងឺ​ច្រើន​មុខ​ទើប​ធ្វើ​ឲ្យ​ទាក់ទាញ​ភ្ញៀវ​ទេសចរណ៍​បាន​ច្រើន​ផងដែរ ៧.​តំបន់​រមណីយដ្ឋាន​ភ្នំ​ព្រះ​ត្រូវបាន​ទាក់ទាញ​ភ្ញៀវ​ទេសចរណ៍​ឲ្យ​ទៅ​កម្សាន្ត​នោះ​ដោយសារ​មាន​ប្រ​វត្ត​ព្រះ​និង​រូប​បដិមាករ​ធំ​ខ្ពស់​នៅ​ពី​ខាងត្បូង​ភ្នំ ៨.​ទីលាន​វាយកូនគោល និង៩.​សួនច្បារ​ខេត្តកំពង់ស្ពឺ​។​

​លោក​បន្តថា ក្នុង​រយៈពេល​បី​ថ្ងៃ នា​រដូវ​បុណ្យ​ភ្ជុំបិណ្ឌ​គិត​ចាប់ពី​ថ្ងៃ​៧​ខែតុលា ដល់​ថ្ងៃទី​៩​ខែតុលា​ឆ្នាំ​២០១៨ ភ្ញៀវទេសចរ​ជាតិ និង​អន្តរជាតិ​មក​កម្សាន្ត​នៅតាម​តំបន់​រមណីយដ្ឋាន មាន​ចំនួន​១៣២៩៣​នាក់ បើ​ធៀប​នឹង​ឆ្នាំមុន​មានការ​លើ​ន​ឡើង​២.៦​ភាគរយ​។ ចំពោះ​សេវាកម្ម​នៅតាម​រមណី​ដ្ឋា​ន​នានា តំលៃ​ម្ហូបអាហារ និង​កន្លែង​សម្រាក​លំហែកាយ មាន​តំលៃ​សមរម្យ​៕ ល​