រឿង «​ឃ្លា​តទៅ​សែនឆ្ងាយ​» ដាក់​បញ្ចាំង​ដើម្បី​រំលឹក​អំពី​អតីតកាល​

1331
ចែករម្លែក

​ដោយ​: បញ្ញា​សាស្ត្រ / ភ្នំពេញ​: ជាការ​រំលឹក​ដល់​ការតស៊ូ​ជំនះ​ដើម្បី​បាន​ជួប​ម្តាយ​នឹង​កូន​ក្នុងសម័យ​ខ្មៅ​ងងឹត នៃ​រឿង «​ឃ្លា​តទៅ​សែនឆ្ងាយ​» លោក ឆាយ បូរ៉ា បានសម្រេច​យកមក​ប​ញ្ជាំ​ង​តាម​រោងភាពយន្ត ចាប់ពី​ថ្ងៃទី​២១ វិច្ឆិកា ២០១៨ នេះ​តទៅ​ហើយ​។

​លោក ឆាយ បូរ៉ា ចាងហ្វាង​ផលិតកម្ម​ដើមត្នោត បាន​ថ្លែងថា ការពិត​រឿងនេះ លោក​និង​ភរិយា​បាន​ផលិតឡើង​ក្នុង​គោលបំណង​រំលឹក​ភាពឈឺចាប់​ក្នុងសម័យ​ខ្មែរក្រហម ដោយ​ដំបូង​មិន​គិតថា និង​យកមក​ប​ញ្ជាំ​ង​ជា​កុន​ឡើយ​។

​លោក​ថា ទាំ​លោក​និង​ភរិយា​សុទ្ធតែរ​មាន​ភាពឈឺចាប់​បាត់បង់​គ្រួសារ​ក្មុង​សម័យ​ខ្មៅ​ងងឹត​នោះ​។ ម្តាយ​សម័យ​នោះ ខំតស៊ូរ​ក្រោម​ដំណក់ទឹកភ្នែក ដើម្បី​កូន ប៉ុន្តែ​នៅ​ទីបំផុត​មិនអាច​ជួយ​កូន​បាន​បន្សល់ទុក​តែ​ភាព​សោកស្តាយ​ពេញ​មួយជីវិត​។ ដូចនេះ សូម​បងប្អូន​ជនរួមជាតិ​ចេះ​រួបរួមគ្នា​ស្រលាញ់គ្នា​កុំ​ឲ្យ​ប្រទេសជាតិ​ធ្លាក់​ក្នុង​សង្គ្រាម​ដូច​អតីតកាល​ទៀត​។ តាមរយៈ​រឿងនេះ លោក​ជឿរ​ជាក់​ថា កូនប្រុស​ស្រី​គ្រប់រូប​ដែល​បានមក​ទស្សនា​ហើយ​ពិតជា​ស្រក់​ទឹកភ្នែក និង​មាន​អារម្មណ៍​អាណិតម្តាយ​កាន់តែ​ស្រលាញ់​ម្តាយ​ហើយ​និង​ខំ​ធ្វើ​អ្វីៗ​តបគុណ​សង​ម្តាយ​វិញ​។​

​លោក បញ្ញា សិទ្ធ តារា​សម្តែង​ក្នុង​រឿងនេះ​ដែរ បាន​លើកឡើងថា សម្រាប់​ទស្សនិកជន​ដែរ​ត្រៀម​ចូល​មើល​ត្រៀម​កន្សែង ឬ​ក្រដាស់​ជូត​ទឹកភ្នែក​ឲ្យ​ហើយ​ទៅ ព្រោះថា ផ្ទៃរឿង​កម្សត់​ណាស់​និយាយ​ពី​ជីវិត​ក្រុមគ្រួសារ​មួយ​ក្នុងសម័យ​សង្គ្រាម​។ ពិសេស​ជីវិត​ម្តាយ​ម្នាក់ ហ៊ាន​ធ្វើ​គ្រប់យ៉ាង​ដើម្បី​កូន ក្នុងស្ថានភាព​បិទ​សិទ្ធិ​គ្រប់យ៉ាង តែ​ម្តាយ​នៅតែ​ជម្នះ​ជួយ​កូន​រហូតដល់​ទីបំផុត​។​

​រឿង «​ឃ្លា​តទៅ​សែនឆ្ងាយ​» នឹងដាក់​បញ្ចាំង​ឡើងវិញ នៅ​ថ្ងៃទី​២១ ខែវិច្ឆិកា ឆ្នាំ​២០១៨ នា​ពិធី​បុណ្យអុំទូក​តែម្តង​។ រឿងនេះ​ត្រូវ​និស្សិត​នៅតាម​អង្គការ​នានា ចង់ឃើញ​និង​ចង់​សិក្សា​ពី​សាច់រឿង​សម័យ​ប៉ុលពត មាន​ភាពលំបាក​កម្សត់​ឈឺចាប់​បែបណាខ្លះ ដែល​ក្មេងជំនាន់ក្រោយ​ត្រូវ​ដឹង​និង​ឈ្វេងយល់​៕ ល​