លោកជំទាវ កង ណែម និងក្រុមមេធាវី លី ច័ន្ទតុលា បាននាំអំណោយ ផ្តល់ដល់ កងរាជអាវុធហត្ថរាជធានីភ្នំពេញ

123
ចែករម្លែក

ដោយៈចាន់តូ/ភ្នំពេញ ៖ ក្រោមការចង្អុលបង្ហាញពី លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នៅរសៀលថ្ងៃទី០៦-១១-២០១៩ លោកជំទាវ កង ណែម និងក្រុមមេធាវី លី ច័ន្ទតុលា បានអញ្ជើញចុះដល់បញ្ជាការដ្ឋាន កងរាជអាវុធហត្ថរាជធានីភ្នំពេញ ដោយនាំយកអំណោយ ផ្តល់ជូនដល់កងរាជអាវុធហត្ថរាជធានីភ្នំពេញ ដើម្បីចូលរួមគាំទ្រនិងអបអរសាទរ ក្នងឱកាសបុណ្យឯករាជ្យជាតិ និង ព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក ដែលនឹងឈានមកដល់នាពេលខាងមុខនេះ។ អំណោយទាំងអស់រួមមាន ៖

  • ថវិកា ចំនួន ៧.០០០ $ (ប្រាំពីរពាន់ដុល្លារ)
  • ទឹកបរិសុទ្ធ ចំនួន ១០០ កេស
  • ទឹកផ្លែឈើ ចំនួន ៥០ កេស
  • មីម៉ាម៉ា ចំនួន ៦០ កេសតូច = ១០ កេសធំ
  • ត្រីងៀត ចំនួន ១៥ គីឡូក្រាម
  • សាច់ក្រក ចំនួន ១០ គីឡូក្រាម
  • ផ្លែសារី ចំនួន ០៥ កេស
  • ផ្លែត្រលាប់ ចំនួន ០៥ កេស
  • ទឹកស៊ីអ៊ីវ + ទឹកត្រី ចំនួន ៥០ យួរ
  • ជ្រក់ឆៃថាវ + ជ្រក់ត្រសក់ ចំនួន ២០ គីឡូក្រាម
  • ប៊ីចេង ចំនួន ៥០ គីឡូក្រាម (មួយការ៉ុង)

ក្នុងឱកាសនោះផងដែរ លោកជំទាវ កង ណែម និងក្រុមមេធាវី លី ច័ន្ទតុលា ត្រូវបានទទួលស្វាគមន៍យ៉ាងកក់ក្តៅពីសំណាក់លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងបានដើរទស្សនា ហេដ្ឋារចនាសម្ព័ន្ធ កងរាជអាវុធហត្ថរាជធានីភ្នំពេញមួយចំនួន ដែលកងរាជអាវុធហត្ថរាជធានីភ្នំពេញសម្រេចបានកន្លងមក៕B/