លោកអ្នកឈ្នះរង្វាន់២៥០០០ដុល្លារ ផ្ញើតាមវីងអស់៣ពាន់ដុល្លារ ទើបដឹងថាបាញ់បោកគេ

435
ចែករម្លែក

ដោយៈចាន់តូ/ភ្នំពេញ ៖ កម្មការនីរោងចក្រម្នាក់ ចាញ់ល្បិចក្រុម ផ្ញើរសារ លោកអ្នកឈ្នះរង្វាន់២៥០០០ដុល្លា សុំលុយខ្លះទៅរត់ការ វេរលុយតាមវីងអស់៣ពាន់ដុល្លា បែកធ្លាយរឿង ភ្ញាក់ខ្លួនដឹងថាចាញ់បោកគេហើយ ក្រុមគ្រួសារនាំទៅដាក់ពាក្យបណ្តឹងនៅប៉ុស្តិ៍ប៉ូលិស កាលពីព្រឹកថ្ងៃទី៣១ ខែតុលា ឆ្នាំ២០១៩ នៅភូមិអង្គកែវ សង្កាត់ចោមចៅ៣ ខណ្ឌពោធិសែនជ័យ ។

នារីរងគ្រោះ ចាញ់ល្បិចគេ មានឈ្មោះ រ៉ូ សុខលាភ អាយុ១៨ឆ្នាំ មុខរបរ កម្មការនីរោងចក្រ ស្នាក់នៅផ្ទះជួល ភូមិអង្គកែវ សង្កាត់ចោមចៅ៣ ខណ្ឌពោធិសែនជ័យ មានស្រុកកំណើត ភូមិចុងអំពិល ឃុំចុងអំពិល ស្រុកកញ្ច្រៀច ខេត្តព្រៃវែង ។ ចំណែកលុយខាតបង់ ចាញ់បោក ជនបោកប្រាស់ អស់ចំនួន៣ពាន់ដុល្លា បន្សល់ទុក បានត្រឹមកន្ទុយសន្លឹក វេរលុយ ជាភស្តុតាង ។

តាមការរៀបរាប់ ពីនារីរងគ្រោះ បានឲ្យដឹងថា នៅព្រឹកថ្ងៃទី៣០ ខែតុលា ឆ្នាំ២០១៩​ម្សិលមិញ មានទូរស័ព្ទហៅចូលមកនាង ដោយប្រាប់ថា លោកអ្នកឈ្នះរង្វាន់ធំ២៥០០០ដុល្លា(ពីរមុឺនប្រាំពាន់ដុល្លា) តែខាងក្រុមហ៊ុន តម្រូវឲ្យលោកអ្នកចំណាយលុយខ្លះដើម្បីរត់ការ ឈានដល់បើកលុយរង្វាន់មហាសាល ។ នាងបន្តទៀតថា ខំតែជឿ គ្រាដែលឮថាឈ្នះរង្វាន់មហាសាល សឹងមិនបាច់ធ្វើការទៀតទេ (២៥០០០$) ខ្ចីលុយបងប្រុសនៅឯស្រុកផងលុយខ្លួនឯងខំសន្សំផង ផ្ញើរលុយថ្លៃសេវារត់ការ តាមវីងផង តាមទ្រូម៉ាន់នីផង សរុបអស់៣ពាន់ដុល្លា នៅល្ងាចទី៣០ លុះមកដល់ព្រឹកថ្ងៃទី៣១ នេះ លេខរបស់ជនអនាមិកដដែលទូរស័ព្ទមកទាមទារឲ្យផ្ញើរលុយទៀត នាងទូរស័ព្ទទៅរកខ្ចីលុយបងប្អូននៅឯស្រុក ទើបបែកធ្លាយរឿង ដឹងថាចាញ់បោកគេហើយ ៣ពាន់ទៅបាត់ដោយសុវត្តិភាព បានត្រឹកាន់កន្ទុយ វីង ទ្រូម៉ាន់ មកប្តឹងប៉ូលិសឲ្យជួយអន្តរាគមន៍ ។

នារីរងគ្រោះក្រោយពីដឹងថា ខ្លួនចាញ់បោកគេហើយ ត្រូវបានក្រុមគ្រួសារ នាំទៅដាក់ពាក្យបណ្តឹងនៅប៉ុស្តិ៍នគរបាលចោមចៅ៣ ដើម្បីបញ្ចេញកណ្តាប់ដៃ តាមចាប់ជន​ខិលខូច បោកប្រាស់៕B/