លោក ប៉េ​ប ហ្គា​ឌី​អូ​ឡា​: ម៉េ​ន​ឆេ​ស្ទ័​រ ស៊ី​ធី អាច​នឹង​បង្ខំចិត្ត​ផ្ទេរ អា​ឡិ​ក​ស៊ី​ស សាន​ឆេស​

96

​លោក ប៉េ​ប ហ្គា​ឌី​អូ​ឡា (Pep Guadiola) បាន​បើកទ្វារ​ទទួលយក​ខ្សែប្រយុទ្ធ អា​ឡិ​ក​ស៊ី​ស សាន​ឆេស (Alexis Sanchez) បន្ទាប់ពី ហ្គា​ប្រ៊ី​ល ជេ​ស៊ូ​ស (Gabriel Jesus) មិនអាច​លេង​បាន​យ៉ាងហោច ណាស់​ពីរ​ខែ​ដោយសារ​របួស​។​
​ ​
​ជ័យជម្នះ​១៨​ប្រកួត​ជាប់​គ្នា​របស់​ម៉េ​ន​ឆេ​ស្ទ័​រ ស៊ី​ធី​បានបញ្ចប់​បន្ទាប់ពី​ពួកគេ​ខកខាន​មិនបាន​រក គ្រាប់​បាល់​ជា​លើកដំបូង​នៅក្នុង​ការប្រកួត​ក្របខណ្ឌ​ព្រី​មី ញ៉េ​លី​ក ខណៈ​ពួកគេ​ប្រកួត​ស្មើ​ក្រុម Crystal Palace កាលពី​ថ្ងៃ​សៅរ៍​។
​ ​
​ក្រុម​នាំមុខគេ​នៅ​ក្របខណ្ឌ​ព្រី​មី​ញ៉េ​លី​ក​នេះ​ក៍​បាត់បង់​ខ្សែប្រយុទ្ធ​ឆ្នើម​របស់ខ្លួន យេស៊ូ​ស ដោយសារ​របួស​ក្បាលជង្គង់​ផងដែរ ហើយ យេស៊ូ​ស ចាក ចេញពី​ទីលាន​ដោយ​ទឹកភ្នែក​។​
​ ​
​ស៊ី​ធី​ខកខាន​មិនបាន​សម្រេច​កិច្ចព្រមព្រៀង​ផ្ទេរ ៦០​លាន​ផោន​សម្រាប់​ខ្សែប្រយុទ្ធ សាន​ឆេស កាលពី​រដូវក្តៅ បន្ទាប់ពី​អា​សេណ​ល​មិនអាច​ស្វែងរក​កីឡាករ​មក​ជំនួស​ទាន់ពេល​។
​ ​ប៉ុន្តែ​ស្របពេល​ដែល​កីឡាករ​សញ្ជាតិ​ឈី​លី​រូបនេះ​នឹង​ផុត​កិច្ចសន្យា​ក្នុង​រយៈពេល​៦​ខែ​ទៀត​នោះ ហើយ​ហាក់ដូចជា​មិន​សប្បាយចិត្ត​នៅ​ពហុ​កីឡដ្ឋាន Emirates នោះ អា​សេណ​ល​នៅពេលនេះ នឹងមាន​បំណង​ទទួល​ប្រាក់​២៥​លាន​ផោន​សម្រាប់ សាន​ឆេស​។​
​ ​
​លោក ហ្គា​ឌី​អូ​ឡា បាន​និយាយថា “​គាត់​គឺជា​កីឡាករ​មកពី​អា​សេណ​ល ហើយ​ខ្ញុំ​គិតថា គាត់​នឹង​បន្ត​នៅ​ជាមួយ​អា​សេណ​ល​”​។
​ ​
​កីឡាករ ខេ​វីន ដឺ ប្រា​ញ់ (Kevin De Bruyne) ក៏ត្រូវ​បាន​សែង​ចេញ​ផងដែរ បន្ទាប់ពី​ត្រូវ​ទាក់​ជើង ដោយ កីឡាករ Jason Puncheon ៕ ប្រែ​សម្រួល​: ពិសិដ្ឋ​

​ខ្សែប្រយុទ្ធ អា​ឡិ​ក​ស៊ី​ស សាន​ឆេស (Alexis Sanchez)