លោក អូ​ឡេ ហ្គា​ន់​ណា សូល​ស្យែ​រ បង្ហើប​ប្រាប់​ពី​ការងារ​ដែល​ត្រូវធ្វើ​ក្នុងឋានៈ​ជា​អ្នកចាត់ការ យូ​ណាយ​ធី​ត​

399
ចែករម្លែក

លោក អូ​ឡេ ហ្គា​ន់​ណា សូល​ស្យែ​រ (Ole Gunnar Solskjaer) អះអាងថា ការលើក​ពាន​នៅតែ ជា​ការវាស់ស្ទង់​ពី​ជោគជ័យ​នៅ​ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត​។​
​ ​
​ប៉ុន្តែ​លោក ម៉ូ​រី​ស៊ី​យ៉ូ ប៉ូ​ចេ​តទី​ណូ (Mauricio Pochettino) គូប្រជែង​របស់លោក សូល​ស្យែ​រ សម្រាប់​តំណែង​គ្រូបង្វឹក​នៅ​យូ​ណាយ​ធី​ត​មិន​យល់ថា ទាល់តែ​លើក​ពាន​ជើងឯក​ទើប​ចាត់ទុកថា ជា​ជោគជ័យ​នោះទេ បន្ទាប់ពី​ក្រុម ស្ពឺរ​(Spurs) ខ្ទាត​ចេញពី​ការដណ្តើម​ពាន​ក្របខណ្ឌ EFL Cup និង​ក្របខណ្ឌ FA Cup ក្នុង​រយៈពេល​បួន​ថ្ងៃ​ជាប់​គ្នា​នេះ​។​
​ ​
លោក សូល​ស្យែ​រ ជា​គ្រូបង្វឹក​បណ្តោះអាសន្ន​បាន​និយាយថា ប្រាក់​នៅតែ​ជា​បញ្ហា​នៅ ពហុ​កីឡដ្ឋាន Old Trafford ។​
​ ​
ក្រុម​យូ​ណាយ​ធី​ត​កំពុង​ព្យាយាម​ធ្វើ​ឲ្យ​បានល្អ​ក្នុងការ​ដណ្តើមពាន FA Cup និង​ប្រជែង​យក តំណែង​លេខ​រៀង​ទី​៣​ពី​ក្រុម Spurs របស់លោក ប៉ូ​ចេ​តទី​ណូ នៅ​ក្របខណ្ឌ​ព្រី​មី​ញ៉េ​លី​ក​។​
​ ​
​លោក សូល​ស្យែ​រ បាន​និយាយថា “​យើង​ស្ថិតក្នុង​ក្របខណ្ឌ​ឆេ​ម​ពាន​លី​ក​។ យើង​លេង​នៅ ក្របខណ្ឌ FA Cup ប៉ុន្តែ​យើង​មិន​ស្ថិតនៅ​លេខ​រៀង​កំពូល​ទាំង​បួន​ទេ​។ យើង​ត្រូវ​ពិនិត្យមើល​។ តើ​យើង​អាច​ឈ្នះ​អ្វីមួយ​ទេ​នៅ​ឆ្នាំនេះ​? ហើយ​ខ្ញុំ​បាន​មើល​គ្រប់​ការប្រកួត​ក្នុងឋានៈ​ជា​គ្រូបង្វឹក របស់​យូ​ណាយ​ធី​ត​ហើយ​គិតថា យើង​អាច​ឈ្នះ​”​។​
​ ​
​លោក​បន្តថា “​យើង​មិនអាច​ឈ្នះ​ពាន​ជើងឯក​លី​កនៅ​ឆ្នាំនេះ ប៉ុន្តែ​យើង​នៅមាន FA Cup ដូច្នេះ​យើង​នឹង​ព្យាយាម​លើក​ពាន​នេះ​។ ខ្ញុំ​គិតថា អ្នកចាត់ការ​ទាំងអស់​ចង់​ឈ្នះ​គ្រប់ការ​ប្រកួត​”​។​
​ ​
យូ​ណាយ​ធី​ត​មាន​គម្លាត​១១​ពិន្ទុ​ពី​លេខ​រៀង​ទី​៤ នៅពេល​លោក សូល​ស្យែ​រ ចូលកាន់​តំណែង បន្ត​ពី​លោក ចូ​សេ ម៉ូ​រី​ញ៉ូ (Jose Mourinho) កាលពី​ខែ​មុន ប៉ុន្តែ​ជ័យជម្នះ​៦​លើក​ក្នុង​លី​ក ជាប់ៗ​គ្នា បាន​កាត់បន្ថយ​គម្លាត​មក​ត្រឹម​៤​ពិន្ទុ​៕ ប្រែ​សម្រួល​: ពិសិដ្ឋ​

លោក អូ​ឡេ ហ្គា​ន់​ណា សូល​ស្យែ​រ (Ole Gunnar Solskjaer)