លំ​ហាត់ប្រាណ​ល្អ​បំផុត ៥ សម្រាប់​អ្នកជំងឺ​ទឹកនោមផ្អែម​

1962
ចែករម្លែក
  • 5
    Shares

​ការហាត់​ប្រាណ​ទៀងទាត់​អាចជួយ​អ្នកជំងឺ​ទឹកនោមផ្អែម​បន្ថយ​នូវ​ភាព​តានតឹង​, បញ្ចុះទម្ងន់ និង​ជួយ​បញ្ចុះ​ជាតិ​ស្ករ​ក្នុង​ឈាម​ដោយ​ធម្មជាតិ ។ តាម​វិទ្យាស្ថាន​សុខាភិបាល​ជាតិ​អាមេរិក​, អ្នកជំងឺ​ទឹកនោមផ្អែម​គួរ​ហាត់ប្រាណ​ប្រមាណ ១៥០ នាទី ក្នុង​១​សប្តាហ៍ ។ សមាគម​ទឹកនោមផ្អែម​អាមេរិក ក៏​ទូន្មាន​ឲ្យ​អ្នកជំងឺ​នេះ​ហាត់ប្រាណ ៣០ នាទី ក្នុង​១​ថ្ងៃ​, ៥ ថ្ងៃ ក្នុង​១​សប្តាហ៍ ។​

​លំ​ហាត់ប្រាណ​ល្អ​បំផុត សម្រាប់​អ្នកជំងឺ​ទឹកនោមផ្អែម​រួមមាន​៖

​ដើរ​៖ ការដើរ​ជា​លំ​ហាត់ប្រាណ​១​សាមញ្ញ​បំផុត​, អាចអនុវត្ត​នៅ​គ្រប់​ទីកន្លែង , គ្រប់ពេល ។ អ្នកជំងឺ​ទឹកនោមផ្អែម​គួរ​ដើរ​លឿន​ប្រមាណ ១៥០ នាទី ក្នុង​១​សប្តាហ៍ នឹង​ជួយ​ស្ថិរភាព​ចង្វាក់បេះដូង​, បង្កើន​ចលនា​ឈាម​រត់​ចុះទៅ​ជើង ។​

​ហាត់​តៃ​ជិ​៖ ហាត់​តៃ​ជិ​អាចជួយ​អ្នក​សម្រួល​អារម្មណ៍ ជួយ​សរីរាង្គ​ចលនា​ទន់ភ្លន់ ។ ការស្រាវជ្រាវ​មួយ​នៅ​ឆ្នាំ​២០០៩ បង្ហាញថា អ្នកជំងឺ​ទឹកនោមផ្អែម​ហាត់​តៃ​ជិ​អាច​គ្រប់គ្រង​ជាតិ​ស្ករ​ល្អ​ជាង​អ្នក​មិនមាន​ទម្លាប់​ហាត់ ។​

​លើក​ដុំ​ដែក​៖ លើក​ដុំ​ដែក​អាចជួយ​បង្កើន​សាច់ដុំ​ឲ្យ​អ្នកជំងឺ​ទឹកនោមផ្អែម​, ផ្តើម​ពី​នោះ ជួយ​គ្រប់គ្រង​ជាតិ​ស្ករ​យ៉ាង​ល្អ ។ ល្អ​បំផុត គួរ​ហាត់ ២ ទៅ ៣ ដង ក្នុង​១​សប្តាហ៍ និង​ហាត់​ឲ្យ​ល្មម​សុខភាព បញ្ចៀស​ហានិភ័យ​ធ្លាក់​ជាតិ​ស្ករ ពេល​កំពុង​ហាត់ប្រាណ ។​

យោ​ហ្គា​៖ យោ​ហ្គា​អាច​បន្ថយ​តានតឹង​, ជួយ​អ្នក​ប្រែជា​រវៀសរវៃ​, កែប្រែ​ប្រសើរឡើង​នូវ​មុខងារ​សរសៃប្រសាទ ។ តាម​សមាគម​ទឹកនោមផ្អែម​អាមេរិក​, ការហាត់​យោ​ហ្គា​អាចជួយ​បញ្ចុះ​ជាតិ​ស្ករ​ក្នុង​ឈាម​យ៉ាង​ល្អ និង​ថែមទាំង​ជួយ​បន្ថយ​រោគសញ្ញា​ធ្លាក់​ទឹកចិត្ត សម្រាប់​អ្នកជំងឺ​ថែមទៀត ។​

​ហែល​ទឹក​៖ ហែល​ទឹកជា​លំ​ហាត់ប្រាណ​មួយ​មិន​បង្ក​សម្ពាធ​លើ​សន្លាក់ឆ្អឹង ។ ចំពោះ​អ្នកជំងឺ​ទឹកនោមផ្អែម ឬ មាន​ហានិភ័យ​កើត​ជំងឺ​ខ្ពស់​, ការ​ហែល​ទឹកជា​លំ​ហាត់ប្រាណ​សមស្រប​បំផុត អាចជួយ​គ្រប់គ្រង​កូ​ឡេ​ស្តេ​រ៉ូ​ល​ក្នុង​សរីរាង្គ​, ជួយ​ដុតបំផ្លាញ​កាឡូរី​សល់ និង​គ្រប់គ្រង​ជាតិ​ស្ករ​យ៉ាង​ល្អ ៕ ប្រែ​សម្រួល​: រតនៈ​